毛巾/ 金毛巾日記 [複製鏈接]

Rank: 9 Rank: 9 Rank: 9

發表於 2012-1-16 21:16:05 |顯示全部樓層

金毛巾日記

小毛巾, 金毛巾,小弟自問不是一開始就愛上的仙魚, 但從d老師兄養毛巾的心得分享後, 便漸漸愛上這色彩美麗的仙魚. 雖然都聽聞難養, 但原來看過師兄們二十幾頁的心得後, 還要經過不可避免的十數次失敗. 才有機會養到.
如有師兄想分享經驗或修正, 非常歡迎, 令大眾魚友得益.

產地

香港常買到的毛巾, 多是印尼或菲律賓出口的品種, 心口灰藍色, 主色帶藍. 一般叫毛巾, 普通毛巾或太平洋毛巾. 其次是馬代出口品種. 紅海也有, 但數量很小. 紅海的毛巾, 心口鮮黄色, 主色帶金黄. 成魚嘴巴比毛巾突出, 一般叫金毛巾, 價錢比毛巾貴.
馬代兩種品種都有出口. 以價錢來說, 4” 以下的個體比成魚貴, 這不是因為成魚大條容易捉, 而係因為毛巾仙4” 以下容易開口, 所以需求高過成魚, 有市就自然有價. 不過今次唔同大家講經濟學, 都係
講返毛巾先.

印尼或菲律賓出口的毛巾/金毛巾算係最平最常見, 但個人經驗認為這兩地出產的毛巾生存率比其他地方低. 主因這地方很依賴藥物捉魚法, 處理手法也可能沒有其它國家完善, 對體弱的毛巾可以話未到你屋企已經中晒大小白點, 正等你不以為意下爆發. 試過兩次, 在藍XX魚店買過3” 賓賓毛巾, 在Q桶每日換水的情况下, 買後第四日爆細白點, 全身細白…..真係嚇死人.

紅海的毛巾品種只有金毛巾, 可能紅海金毛巾有很多外國魚友迷, 價錢一直高企 (2”>$500). 可以話唔想用呢個價買, 但生存率比其他地方高. 馬代出產的毛巾/金毛巾價錢適中, (2” -2.5”$250-300), 生存率比印尼菲律賓高. 白點病痛比較少. 小弟現在的2.5” 毛巾也是在藍XX魚店買的, 但在馬代出產, 白點病痛比較少.小弟未養過紅海金毛巾, 所以不能比較.

性格

性格方面, 毛巾/金毛巾比較怕羞, 養耐左都可以幾惡, 見同種同類可以非常熱情. 但你以為養到開口就放心咩, 佢偏偏有機會收口或食住瘦. 係咪好考技術呢 . 小弟分別在五月及七月買入馬代毛巾及金毛巾. 毛巾2.5”, 金毛巾2”( 頭到尾). 這毛巾異常活潑, 一見佢在袋就左游右游, 好想游出個袋, 又高身, 色夠橙. 買後很怏開口. 但我照Q14日先落缸, 因小弟五月曾裝修, 魚兒在魚店寄養, 所以毛巾可以同其他魚兒一起落缸, 石景因和以前不同, 魚兒從魚店回來, 可以話環境改善, 所以沒有開片. 就咁, 毛巾自自然然可以游入魚缸大家庭 . 在7月, 灣仔輝X返馬代魚, 本想入條深水碟, 點知有金毛巾返, 見條魚2” 冇條毛巾咁超生猛, 但儍儍地望住我, 我就買返來啦. 而條就正常D (係, 條2.5” 毛巾生猛到有D唔正常 ), 怕怕羞羞. 開頭兩曰唔食野, 後來出百寶就忍唔住開口. 條魚好喜歡埋山洞, 可能有安全感吧.

Q毛巾

仙魚品種多, 體格多數粗壯, 但也有體弱品種. 毛巾算弱. 養不太長, 開口難, 又容易收口, 所以新買時一定Q到開口先落缸. Q毛巾, 最好用不透明的桶或箱, 等條魚清白點,靜靜地習慣人工食物.
每日換桶水, 其間放d石或山洞, 毛巾會定很多.

引毛巾開口

毛巾算嘴刃, 不喜歡食硬粒粒同唔啱嘴型的粒粒. 所以魚友可以試用d細粒粒浸安基酸, 令毛巾嗅到魚腥味, 引起食慾. 魚友不要開頭餵生口野. 小弟之前讀過前輩經驗, 用豐年蝦紅蟲引開口, 雖然開口就開口, 不過開心一時, 之後改唔倒口, 唔食粒粒, 只食豐年蝦紅蟲, 不過毛巾同其他魚一樣, 減除壓力後, 開口機會大增. 減除壓力可以參考小弟[開口問題淺談] 一文.

魚友常見的問題:

RT易養定FOT易養?

毛巾在RT環境下生存率高過FOT, 主因大魚少, 沒有爭食爭地盤壓力, 自然容易習慣. FOT都可以養, 不過難度高d. 要條魚搶口, 仲要不怕其他大魚蝦.

毛巾易養定金毛巾易養?

有師兄話金毛巾易養D, 但我發覺唔係, 毛巾金毛巾一樣難. 不過大細同產地
都有影響.

毛巾要西幾耐?

毛巾要開口要花一點心機, 但開口唔等如可以落缸, 開口後可以西起在主缸養, 下一步係等條魚搶口. 當毛巾習慣人工粒糧片糧後三個星期先可以試餵一餐毛蝦, 魚友也可以開始餵海綿糧. 海綿係大仙在大自然的主食(90%), 餵海綿糧相信可以減少仙魚突然死亡機會. 小弟條金毛巾, 7月西到而家, 層經試過落主缸, 但俾毛巾火焰同2.5” 美石美打到上水面, 西左兩個月都打. 上星期決定用白格仔, 分開條魚, 等金毛巾多d機會同其他魚見面. 所以毛巾要西幾耐? 沒有時間限制, 要看你條魚而定.

毛巾收口或收背, 點醫?

同其他魚收口或收背一樣, 首先換大水, 如果毛巾收背但食糧, 最好試下餵巴力仙, 魚糧浸安基酸.
巴力仙可以醫腸胃病, 安基酸可以幫助生肉. 一個星期後會見改善, 之後可以只餵粒粒就ok. 如果收口, 可以首先試試毛虫叚, 豐年蝦, 但如果條魚唔食, 就要捉出用Q桶醫, 落巴力仙, kanaplex醫.

好, 講住咁多先.