請選擇 進入手機版 | 繼續訪問電腦版

海水領域 SeaFishZone

 找回密碼
 立即註冊
查看: 26167|回復: 36

皮革小知識 [複製鏈接]

Rank: 7Rank: 7Rank: 7

最佳新人 論壇元老

發表於 2014-2-11 17:31:37 |顯示全部樓層
本帖最後由 TimTim 於 2014-2-12 23:05 編輯

皮革主要是屬Sarcophyton的軟珊瑚。大概可分成40多個品種。他們普遍都是頑強的珊瑚,可以通過切割快速增長。使他們在魚友間很容易分播。




腳的大小通相對於花既數目而變化,愈多花腳愈粗。但有時,部份樣皮革可以生到好大都無腳。
另一方面,光都會影響腳既長度,唔夠光皮革腳會生長。


花同鬚

大花,細花,甚至無花得一點都有。花既大細係跟品種而定。養得好,大花可能會再大些,但一定唔會由無花變有花。
而鬚方面,都係睇品種。長短各有不同,亦各有各靚,唔一定要長鬚先好睇。大花短鬚,開得密密,亦非常可觀。
至於如何令長鬚更長,有不小外國魚友都表示同水流有關。大流會拉長鬚。可是要注意,太大水流會對皮革做成負面影響。




身最常見的是奶白至淺棕色,但也可以是綠色,粉紅色,或黃色。鬚通常同身一樣色,但也有部份品種是不同色。而花的顏色輕得多,可以是白色,青綠色,或很少見的淺藍色。通常花跟肉色對比愈大,看起來更有吸引力。
值得一提的是,黃金皮Sarcophyton elegans。這是一個獨特品種,主要產自Fiji同澳洲,由其特有的金黃色可認出(最右)。可是黃金皮比一般皮革難養,比較敏感以及對水質要求較高。


脫皮

皮革有時唔開,原因係因為脫緊皮。這是正常的行為,是一個消除生長在皮革表面的藻類的一個機制。該層表皮通常會在幾天後脫落。值得注意既係,甩出黎個層皮有時會跌落其他珊瑚度,造成刺激。所以,最好係佢甩出黎之後吸走佢。

皮革唔開?
針對有新手常問,點解新買皮革唔開。有以下建議:如果皮革長時間唔開花,你可以嘗試移位,到照明和/或水流不同的位置。雖然皮革可以受到強光,但如果它之前一直在相對低光既地方生長,一下轉變太大會令皮革受壓而唔開。要慢慢由暗位轉去強光,才能令皮革適應照明。同樣,水流大細卅吹既方向角度唔岩,都會令皮革唔開卅開唔大。所以你可以並嘗試不同的地點。根據經驗,中流通常合適,有亂流更好,吹正就唔多好。放岩位之後如非必要唔好換來換去。此外,使用含有鋁的PO4去除劑對皮革可能有負面影響。有些PO4去除劑會釋放鋁入水,如果濃度高,皮革會“被收皮”。注意注意。

寄生虫(多謝Chihim分享)
食皮螺,扁虫,槍蝦及食皮蟹
蝦蟹螺最麻煩,因為鑽左入皮裡面,dip都未必可以除去,分分鐘件皮溶左走埋都發現唔到。
食皮螺會由件皮腳最低開始食上去,開頭三兩個月無咩,慢慢食上去件皮會謝,之後爛。由外面觀察基本睇唔到傷口,隻螺體型好細,估計食左入左去之後,件皮自己埋口因此觀察唔到。
槍蝦就一樣係隻皮腳度挖隆,件皮可能無咩問題,但挖得太入,件皮都係會謝。拎件皮出來如果發現有d窿仔,9成係槍蝦作怪。可以用吸咀吹或者吸出來。
而食皮蟹會係皮革面的底部食,容易發現。
至於透明扁虫,可以用超高濃度碘殺死。或用dip藥水三倍分量,但泡既時間縮短。

皮革放毒?
無錯,皮革會放毒素入水,目的是殺死附近珊瑚爭取生長空間。皮革的毒素會令附近珊瑚生長變慢,甚至死亡,而且對sps角珊瑚傷害尤其為大。因此,可考慮使用活性碳,吸收水中有有機毒素,防止累積。
活性碳使用比例為1升水對1-2ml。使用時入袋,用清水洗幾次,直接放入沙缸即可。小弟用開fluval個隻,其他優質牌子也可。只是15蚊一大袋個d就最好唔好用,因為質素唔好吸收力差,加上含有較多雜質容易壞水。

男女有別?
係!估佢唔到,皮革其實有分男女… 就普通皮革而言,外觀分別在於size。男既通常只會生到4吋左右,而女既可以生到3尺!咁點分?其實細塊個時係無得分,完全睇唔出。因此只可以等佢生大左,到時先知。大定左都係4吋左右既,就係仔。而硬皮革及手指皮革也有分男女,只是男女差別未完全得知,有待研究。
雖然皮革有分男女,但其實他們也可進行無性繁殖,frag仔卅係腳位生粒皮仔出黎。

品種:

黃金皮Sarcophyton elegans

分布:印度洋及太平洋海域,市面上常見主要產自Fiji同澳州
水流:中到大流
光照:中到高光

常見的主要是黃色。此外也有綠及橙色種。此皮革摺疊位較明顯,花跟肉多為同一顏色。常見的多為大花短鬚。由於呢種皮革多數整件為同一色澤,因此有聽聞有賣家會將其染上鮮色再高價出售。雖然在香港此舉並不常見,但多加留意亦無壞。
另外,此種皮革對水質要求較高,新開缸卅新手宜多加考慮。

硬皮革Sinularia dura,
Sinularia brassica, Lobophytum crassum

分布:印度洋、太平洋海域及紅海
水流:中流
光照:中光

以我所知,上面三個品種都係硬皮革,唔排除有更多品種。硬
皮革外觀:皮上花數稀疏,花主要開在皮邊上,無鬚及跟肉為同色。常見的有綠及啡色,亦可以有紫、粉紅、奶白及橙色。硬皮革非常粗生,新手合養。
Sinularia dura長大後樣子好似一塊塊生菜葉,(好似上圖左右2張)。可以生得好密,一塊貼住一塊都得。


Sinularia brassica一樣,大花,花數稀疏,同主要開在皮邊上。只係長大後葉片捲下捲下咁生,可以生到成棵捲心菜咁。除此以外,都真係好似…


Lobophytum crassum,樣同上面兩隻又似,都係開花係皮邊上。只係長大後皮面較多摺疊,有小小似手指皮革咁樣,唔似Sinularia
brassicaSinularia dura咁中間平攤開。

簡單黎講… 上面3種都好似,比個幾吋frag仔我睇真係唔知係咩種…




圖片分享自advancedaquarist及網路







Rank: 7Rank: 7Rank: 7

發表於 2014-2-11 18:52:16 |顯示全部樓層

Rank: 7Rank: 7Rank: 7

最佳新人 活躍會員 論壇元老

發表於 2014-2-11 19:23:15 |顯示全部樓層
請問PO4x4對皮革有無影響? Thanks
14年1月26日,新40吋魚缸連沙缸共600升水。新手學玩瑚仙缸
主缸器材: 40吋缸連沙缸共600升水, SERA 環, MP40WES造浪, 2x250w鹵仔, 2x39W T5HO, PJ11000, H﹠S200, 豆樽 及 PO4x4.
13年8月26日爆60吋(800升水)滴漏魚缸後, 9月14日,一切從24吋背滴漏魚缸開始.

Rank: 7Rank: 7Rank: 7

發表於 2014-2-11 19:46:09 |顯示全部樓層
本帖最後由 edlsang 於 2014-2-11 21:50 編輯

Tim Tim Ching 分享十分值得珍藏 及有用 !

我又分享下先.......
DSC_0096.JPG
DSC_0095.JPG

Rank: 7Rank: 7Rank: 7

發表於 2014-2-11 19:48:13 |顯示全部樓層
另想問是否不同種皮革對吾同水流適應都有吾同 ka ?

Rank: 7Rank: 7Rank: 7

發表於 2014-2-11 21:13:16 |顯示全部樓層

用GOOGLE CHROME睇死晒圖

Rank: 7Rank: 7Rank: 7

最佳新人 活躍會員 熱心會員 論壇元老

發表於 2014-2-11 21:56:48 |顯示全部樓層
timtim 掂 timtim無得頂

Rank: 7Rank: 7Rank: 7

最佳新人 論壇元老

發表於 2014-2-11 23:06:15 |顯示全部樓層
Lewis_Lo 發表於 2014-2-11 19:23
請問PO4x4對皮革有無影響? Thanks

PO4 remover主要分2類,一係用aluminium oxide,一係用GFO(iron).
PO4x4同rowa都係GFO類,最多放iron,應該唔會放aluminium。

Rank: 7Rank: 7Rank: 7

發表於 2014-2-12 00:16:35 |顯示全部樓層

Rank: 7Rank: 7Rank: 7

發表於 2014-2-12 02:35:32 |顯示全部樓層
本帖最後由 LeoTo 於 2014-2-12 02:37 編輯

唔知點解它尼排新買的皮入缸唔開幾日就爛同溶,己Cut有開番,但邊位又溶,而d舊皮又無事照開,己放多流地方睇下點

版主

馬記廁所友

Rank: 7Rank: 7Rank: 7

最佳新人 活躍會員 熱心會員 推廣達人 灌水之王 論壇元老

發表於 2014-2-12 08:15:26 |顯示全部樓層
LeoTo 發表於 2014-2-12 02:35
唔知點解它尼排新買的皮入缸唔開幾日就爛同溶,己Cut有開番,但邊位又溶,而d舊皮又無事照開,己放多流地方 ...

切完一定要浸濃錪,殺菌埋傷口
珊美,火炎仙,虎紋仙,虎皮仙,公子小丑,金錢麒麟,藍吊,黃三角吊,藍吊,金背狐,粉公,橙尾魔

論壇元老

越嚟越咸

Rank: 7Rank: 7Rank: 7

論壇元老

發表於 2014-2-12 08:45:02 來自手機 |顯示全部樓層
獲益良多,多謝師兄分享^^
24RT~主要一皮革,千手,紐扣,acan

Rank: 7Rank: 7Rank: 7

發表於 2014-2-12 08:56:14 |顯示全部樓層
我想問....水流太大既負面影響係點樣既負面影響?

Rank: 7Rank: 7Rank: 7

最佳新人 論壇元老

發表於 2014-2-12 09:10:23 |顯示全部樓層
achaochun3 發表於 2014-2-12 08:56
我想問....水流太大既負面影響係點樣既負面影響?

會唔開花,吹得太勁亦有可能令佢企唔直側埋一邊,摺起卅拉扯令隻腳個位有可能受傷。

Rank: 7Rank: 7Rank: 7

發表於 2014-2-12 09:17:29 |顯示全部樓層
ummm thxx!!!

發表於 2014-2-12 10:35:25 |顯示全部樓層
提示: 作者被禁止或刪除 內容自動屏蔽

Rank: 7Rank: 7Rank: 7

發表於 2014-2-12 11:42:25 |顯示全部樓層
vsvs 發表於 2014-2-12 08:15
切完一定要浸濃錪,殺菌埋傷口

有冇邊隻濃錪好?我用kent 既tech i
仲有邊到有得賣?
同埋點浸? 溝水定唔溝浸?

版主

馬記廁所友

Rank: 7Rank: 7Rank: 7

最佳新人 活躍會員 熱心會員 推廣達人 灌水之王 論壇元老

發表於 2014-2-12 11:49:49 |顯示全部樓層
LeoTo 發表於 2014-2-12 11:42
有冇邊隻濃錪好?我用kent 既tech i
仲有邊到有得賣?
同埋點浸? 溝水定唔溝浸?

其實錪得一種,只有濃同淡之分
牌子冇乜所謂
我會溝水用,我覺得起碼仲係啡黃色先夠勁
珊美,火炎仙,虎紋仙,虎皮仙,公子小丑,金錢麒麟,藍吊,黃三角吊,藍吊,金背狐,粉公,橙尾魔

Rank: 7Rank: 7Rank: 7

發表於 2014-2-12 12:04:53 |顯示全部樓層
,多謝數主皮革小知識

Rank: 7Rank: 7Rank: 7

最佳新人 活躍會員 熱心會員 論壇元老

發表於 2014-2-12 12:17:53 |顯示全部樓層
皮革無啦啦爛, 可能有食皮螺,或者槍蝦系只腳到挖窿

還有可能系食皮蟹,或者一種透明 扁虫

蝦蟹螺最麻煩,好像系dip 唔死。。因為鑽左入皮裡面。。。。分分鐘件皮溶左走埋都發現唔到

螺會系個皮腳最低開始食上去,開頭三兩個月無咩,慢慢食上去件皮會謝。。之後爛

但系外邊基本體唔到傷口。。發現個只螺開頭系好細好細,估計入左去之後 件皮自己埋口

槍蝦就一樣系只腳到挖隆,件皮可能無咩問題,但挖得太入,件皮都系會謝 羅件皮出來

如果發現有d 窿仔,9成系槍蝦作怪。。可以用吸吸 吹或者吸出來。

蟹會系皮革面的底部食,容易發現

透明扁虫 可以用超高濃度碘 殺死,dip藥水 三倍分量 但泡既時間縮短

ps 黃金皮 東加都有ga  澳洲果種系珊瑚海發現 好像同 南太有dd唔一樣形態


您需要登錄後才可以回帖 登錄 | 立即註冊

Archiver|手機版|SeaFishZone 海水領域™

GMT+8, 2020-12-3 02:54 , Processed in 0.064448 second(s), 14 queries , Gzip On.

Powered by Discuz! X2

© 2001-2011 Comsenz Inc.

回頂部