請問呢D係咪珊瑚屎

mokshing

如題, 如果唔係呢D係咩 & 點解會有呢D 野。

ponpon01

All c

小魚毛

未聽過珊瑚會屙屎。一般情況下，珊瑚o既排泄物包括呢幾樣：
1)保護自身o既黏液，多數係透明o既黏膜，主要係遇到水溫、水質突變，或者乾涸（水退或者換水），而分泌出呢作自我保護，通常會包圍全身咁分泌；你換水之後會見到個缸面浮起一陣陣黏液，就係珊瑚呢種自我保護機制下o既「產物」。
2)如果水質持續惡化，珊瑚就會啟動另一種自我保護方法，就係排出體內o既共生藻，珊瑚o既色彩會變淡，最終導致所謂「白化」現像，你會見到一絲絲o既啡色分泌物集中由珊瑚o既口部排放。
3)珊瑚排放卵子進行繁殖，只會o係一年之中o既某幾個月夜進行，而喺人工飼養o既魚缸內成功出現呢個情況o既只係好少數，一般o既飼養者應該好難遇見

我亦都見過海葵捕食魚類之後，將魚骨殘屑由口部吐翻出呢，因為係食剩消化唔到o既嘢，所以呢種情況我相信唔可以叫造屙屎，而且能夠捕食兩三寸o既魚同埋將佢整條吞落肚，相信除咗海葵都無咩珊瑚做到。

最後就係一啲垃圾藻類喺缸內滋生，再纒上珊瑚身上，不過嚴格呢講，呢種應該唔算係珊瑚o既排泄物。

小魚毛

樓主張相比較細，睇唔到「嗰啲嘢」係咪由件珊瑚個口部吐出，不過你大可以從「吐出共生藻」同「垃圾藻類滋生」兩個方向去估計。