滅偏蟲

小魚毛

Ching，扁蟲可以好快KO全缸珊瑚，做嘢要快手！

化武操作簡單直接，不過只可以殺成蟲，唔可以殺死蟲蛋，適宜作為第一波治療。呢幾雙藥水都唔難搵：
1) Coral RX
2) Flatworm Exit
3) ReVive

生物武器選擇唔多，而且效果比較慢，只適宜做後援，或者災後的防預。
魚：狐\龍做到嘢，比較多人推薦係六線狐，其他就可能就要Ching自己試。
蝦；一般都推薦薄荷蝦

終極武器係機械蝦，不過留意佢只可以做「浸浴式」治療，因為機械蝦係non-reefsafe，食完蟲之後就會食埋件珊瑚。
機械蝦SPA：以獨立缸或隔離兜操作，重點係唔可以畀啲蝦入主缸。把中焦的珊瑚起出主缸，放入蝦缸等啲機械蝦做嘢，見咁上下清咗啲蟲同蛋就要起翻件珊瑚出呢。寧願一次清唔晒再做第二次，唔係病人就會變死人！

初起可以試o下齋用生物武器；己經擴散傳染，就要化武器＋生物武器；情況嚴重，就要起珊瑚做「蝦SPA」，不過點「善後」班蝦醫生，就要自己諗諗。
呢幾篇嘢值得參考：
1)扁蟲,扁蟲蛋個樣 SPS 頭號殺手
2)你還在為扁蟲和紅火蟻而煩惱嗎
3)我來了，你們都得死~~~扁蟲、海兔之生物剋星
4)AEFW及治療

小魚毛

edlsang 發表於 2017-8-6 16:09
ching 箭狐除了食扁蟲外，仲会食什麼？

狐科主食咪蝦、蟹、貝之類o既無脊椎生物，所以如果Ching個缸有呢類生物，咪盡量搵條細過晒佢地size o既幼魚囉。

不過再提Ching一句，齋落藥或者齋用口（生物治療），都唔足夠根治偏蟲，好多老手都「玩」幾個月甚至大半年至斷尾。如果唔係，就唔會有咁多討論資料畀你睇到。

所以如果有「最好」、「最方便」、「最直接」、「最有效」o既方法，記得通知聲！

小魚毛

就算用藥都唔一定有效，用生物治療更加講唔埋，點都要撞o下手神。
你個缸幾大？災情有幾嚴重？又蟲又蛋，一條夠唔夠做嘢？試o下西起條魚，唔餵佢，放件中咗蕉o既珊瑚落去，就知佢做唔做到嘢。
樓上己經有Ching提過唔好嘥＄買KZ
咩牌子都好，除蟲藥最好都唔好成缸落藥，起出呢遂件浸最好效果，啲蟲會由件珊瑚上跌落呢，跟手連水倒走佢，乾手淨腳。就咁成缸落藥，啲死剩種就算跌落缸底，到藥效一過又會再感染⋯⋯
就算起出呢浸，都多數唔會做一次就搞掂，起碼要「翻兜」幾次至斷尾，無可能落條魚、滴o下藥水就得。

小魚毛

珊瑚反而吾覺有 , 但好多癡住缸玻璃及生物石...........唔上珊瑚上玻璃同生物石？Ching個缸入邊啲係咪扁蟲？有無相睇？

小魚毛

Ching其實我懷疑你係咪真係中左扁蟲。
張相太糢，睇唔清楚。但係有幾個疑點；
1)你個缸無sps，所以無可能有sps扁蟲可以大量繁殖，因為根本無嘢佢食。
2)有關lps缸受扁蟲侵襲的討論極少，甚至有講法話佢地唔搞lps。
3)Flatwarm藥係針對攻擊珊瑚o既扁蟲而出產（主要係sps扁蟲），如果你個缸啲蟲唔搞珊瑚，佢地根本唔係o個啲藥要殺o既蟲，咁你落咩神藥都唔會有效嫁啦。

啲相都係呢自隔離網某位大師（條lnk之前己經畀左你），你自己再睇真啲。






如果唔係扁蟲，你再買咩藥都無用。又如果佢地唔襲擊珊瑚或者其他生物，你又有無需要自尋煩惱⋯⋯