大家係魚街多會係邊間店買魚？如果比你選....

andyon320

如上題，大家係魚街多會係邊間店買魚？
如果比你選....？

1.日X
2.發X達

還有其他地方？

kkleung

日旺明碼實價

wyknik

點解仲會有人去黑店買魚

andyon320

wyknik 發表於 2017-4-2 20:14
點解仲會有人去黑店買魚

黑店？？
新手咩都唔識＝「

andyon320

kkleung 發表於 2017-4-2 20:12
日旺明碼實價

多謝師兄教路

小魚毛

如果畀我揀，我一定會行勻成條街，睇過晒所有舖頭，至決定買魚。成條魚街，樓上樓下差唔多有成廿間鹹水魚舖頭，點解係要搵一間所謂「最平」、「最老實」、「最⋯⋯」至去「朝聖」？

唔做功課，咩魚都唔知，就咁衝入間舖亂畀錢，就間間都係黑店－－咁大條水魚游埋呢，唔劏落去，對條水魚唔住啦。
知道自己想買咩魚，問清楚條魚o既情況（返左幾耐、開口未、有無得試餵⋯⋯），就算間舖無明碼實價，又會呃到你咩？
唔好信晒一兩個人所講o既嘢，亦都唔好只睇一個網啲料。香港仲有幾個有水準o既鹹（水）網，樓主應該去多睇多問：
1)鬧市冰室
2)海水魚友
3)夢幻海洋
網址我唔打出呢，免有宣傳之嫌，自己search o下。有啲網站o既資料整理得唔錯，好似2)就有個「香港水族商店檔案室」，齊晒全港九新界o既鹹店，雖然outdate，但對新落海o既魚友呢講仍然好有用，值得推薦。

andyon320

小魚毛 發表於 2017-4-3 00:41
如果畀我揀，我一定會行勻成條街，睇過晒所有舖頭，至決定買魚。成條魚街，樓上樓下差唔多有成廿間鹹水魚舖 ...

多謝師兄教路

ybkwok

同意小魚毛師兄，其實冇話邊間特別好，特別唔好，
每一次番魚都唔同質素，唔同價錢，所以，我都會睇哂全部才決定！
PS:個人分享，我最近去了某處一樓4個字魚店，沒有標價，
咁我睇完就問價，點知果位Sales以為問完一定要買咁，
我就當然繼續睇埋其他先啦，最後都冇同佢買。
咁如果你問我，下次仲去唔去？我會話去，因為睇多間冇衰，
始終自己都有決定權！

ybkwok

其實你有乜唔明，歡迎全日24小時發問，
呢度都好多高手

andyon320

ybkwok 發表於 2017-4-3 01:06
同意小魚毛師兄，其實冇話邊間特別好，特別唔好，
每一次番魚都唔同質素，唔同價錢，所以，我都會睇哂全部 ...

好勵害，好少行到樓上鋪

ybkwok

andyon320 發表於 2017-4-3 01:08
好勵害，好少行到樓上鋪

魚街已經變了樣，慢慢變成寵物街，
樓上舖已經成了崔勢

perballen

睇左呢個網, 知道有樓上舖後, 去過一兩次, 但覺得D燈光比較暗, 睇得唔夠清楚. 同埋, 邊間係黑店呀?

calvinau

CHING, 請問邊間樓上舖好呀, 如果吾方便公開就PM我啦, 謝謝

Pm0pm

坦白講，到今時今日都仲係諗住搵水魚既心態做生意。祝你好運啦。⋯⋯宜家上網咁方便。問一問睇一睇，都大概知咩價位啦⋯⋯仲有部分串過馬撚咁。價都費事答你。巴撚閉咩。

andyon320

ybkwok 發表於 2017-4-3 01:07
其實你有乜唔明，歡迎全日24小時發問，
呢度都好多高手

多謝師兄

andyon320

perballen 發表於 2017-4-3 16:42
睇左呢個網, 知道有樓上舖後, 去過一兩次, 但覺得D燈光比較暗, 睇得唔夠清楚. 同埋, 邊間係黑店呀?

全條街最黑果間∼發X魚 係黑店
現在明白了

小魚毛

calvinau 發表於 2017-4-6 21:52
CHING, 請問邊間樓上舖好呀, 如果吾方便公開就PM我啦, 謝謝

個人意見。其實大部份樓上舖頭都好殷實，舖頭仔，競爭大，唔敢亂點啲客，而且專攻鹹嘢，對好多資料o既掌握會深入準確好多。不過始終係舖頭仔，老實還老實，佢地投資細，輪替亦都會好快，如果ching係諗住由零開始，大手筆咁訂缸買器材，就最好問多幾間，或者搵啲有多幾年歷史o既（搵翻啲舊Post睇o下），咁就會穩陣好多。如果只係買o下魚或者一件半件器材，咁就無所謂喇。


一個簡單o既原則，唔好諗住大舖至可靠，啱啱相反，間舖買o既貨品種類愈少，個老闆對嗰樣貨品o既認識就會愈專門同深入，所以有啲樓上舖會只賣魚，有啲就專攻珊瑚，亦都有齋賣器材o既舖頭，Ching行多幾次，就會知佢地買咩為主。就好似我要比較相機同鏡頭，一定會去問相機舖而唔會去電器舖，因為佢地啲sales一定pro過我。嗰啲又鹹又淡o既魚舖，通常都唔會上樓；至於嗰啲又魚又蟲又龜o既舖頭，我覺得入去都係白行o既多。

calvinau

清楚晒

Ron2354

我覺得係撞守神姐
我第一次開缸都係問黑店d人...
佢地都好樂意解答 仲叫我開缸咪買小丑 買番10蚊條既魔魚
之後都有去買魚..品質都幾好
有時緊有負評既 有人鐘意就有人彈  無需要強調人地係黑店既
（但生物石真係好貴）

ff23456

Ron2354 發表於 2017-4-7 23:44
我覺得係撞守神姐
我第一次開缸都係問黑店d人...
佢地都好樂意解答 仲叫我開缸咪買小丑 買番10蚊條既魔魚 ...

話時話，黑店賣珊瑚，有標價錢，但分普通價（貴20-30%）同會員價（平d）……，有無ching是會員，是否真有jetso？？