影魚器材

小魚毛

qqkkfish 發表於 2016-12-25 17:10
Nikon D3400係入門機, D7000係中階

D750 係FULL FRAME NIKON 得一支AF-S VR Micro 105mm 微距鏡

N記o既Full Frame Micro點只得支105？重有兩支60 2.8同埋200 4，不過就無防震。如果DX就有85 3.5同埋40 2.8，鬼佬網頁介紹o個支40 2.8微距又平又好用，買得過。
詳細可以睇睇佢個官網。

小魚毛

Terminator2 發表於 2016-12-25 12:03
How about Canon or Sony ? EOS M5 , α6300  ...
Which best for shooting fish and coral ?

唔同牌子o既產品有唔同o既設計風格同傾向，針對唔同用家o既使用習慣同要求。
無反機主要優勢係輕便，但對於室內影魚缸呢講，呢個優點就可有可無，相對呢講，傳統單反就變得實惠低用得多。
不過無論咩牌子咩型號都好，似乎無一間廠無一隻機話係出呢專畀影魚同珊瑚，所以都好難可以講 'Which best for'。

選擇啱用o既款式比牌子重要，選擇啱用o既Lens比Body重要。咩牌子、咩級數o既機都可以影到好o既相，當然影珊瑚同魚都唔例外。所以如果ching已經有機在手，揀支好o既微距更重要；又如果ching諗住買部魚缸專用機，入門級o既單反已經足夠應付影魚缸o既要求，留翻啲彈藥加強其它裝備可能更實際。

小魚毛

Terminator2 發表於 2016-12-26 09:17
多謝師兄意見。
本身有部Nikon 輕便机，但影魚就完全不行，按下快門後不|是已走得無影無踪就out晒 ...

單反o既快門時延一定最短，所以佢o既快門反應亦都應該最靈敏。另外，LED Mon o既反應亦都應該比唔上單反o既光學觀景器，所以想追魚o既話，就要好好練習o下用個光學觀景器呢影，望住個個Mon呢撳快門，就一定差半拍，亦都浪費左部單反，呢點亦都係無反比唔上單反o既地方。
對焦系統方面，高低階機主要分別在於對焦點數o既多少，就算入門機都有十零點，要條魚中焦應該唔難。一般o既200mm Zoom附有o既微距功能都夠用，當然有專用o既微距鏡就最好用，因為對焦反應都會快好多。
影珊瑚就唔講反應，不過就講求色溫o既控制，單反一般都做到，其他機款就一隻隻。而鏡頭方面，因為要比較高倍數o既放大效果，所以有微距鏡就一定最好。
如果有Fd有機可以借返屋企試試就最好，一上手你就會知單反同輕便機o既分別。

小魚毛

honik 發表於 2016-12-28 01:29
其實60mm 2.8都夠玩啦可？

60mm 2.8有兩支喎，ching預算玩邊支？
AF MICRO-NIKKOR 60MM F/2.8D係舊款，只支援機身對焦，插落D3400 o既入門機係用唔到自動對焦功能，只得手動對焦，所以雖然二千幾好抵玩，不過如果ching只係用入門機就應該唔會考慮。而且就算你有部機身對焦摩打o既body支援到支鏡o既對焦系統，佢o既對焦速度仍然會慢過AF-S鏡好多。
AF-S MICRO NIKKOR 60MM F/2.8G ED新款呢支當然好用，不過要成四五千，值唔值得就要你自己衡量。
因為畀多千零，就可以上呢支AF-S VR MICRO-NIKKOR 105MM F/2.8G IF-ED，唔單止有VR防震，重係105mm，可以影埋人像，一鏡兩用，價性比高好多。
又不過如果ching唔打算玩全片幅，其實玩呢三支FF鏡係都係奢侈浪費左啲，用喺APSC片幅o既機身上面，幾時都係DX鏡抵玩好多：AF-S DX MICRO NIKKOR 85MM F/3.5G ED VR呢支官價都只係$3880，有ED鏡片兼挾VR，光學質素好過舊款嗰支60mm，85mm計翻APSC焦距即係136mm，影人像都好夠用，但係平過支105mm成兩三千蚊。
AF-S DX MICRO NIKKOR 40MM F/2.8G呢支就當然係最抵玩，雖然無ED鏡片又無VR，但二千多啲啲就玩到原廠微距，直頭係N粉o既窮人恩物。可況Term兄post出呢條link都見到，班鬼佬都讚佢影魚好用，配合翻DX body呢用，其實都唔洗再多心。