一個中學生玩既36'' 濾桶RT

keithv3v

我中五既時候因為自己一時既興起，
將由爸爸既淡水缸轉為咸水缸，
初初真係乜都唔識，D器材都係用零用錢草返黎。
而D珊瑚同魚就屋企人覺得靚支助我買。

玩到中六就乜都冇加過珊瑚同魚，
每個兩個星期抽時間換水。（喂糧）
亦冇Check過任何既數據，
更加冇將珊瑚移位就咁放左係到等佢自生自滅。
好彩既係冇損失過任何既生命：）

d星花原本幾粒生到周圍都係，
有d星花趺左落鈕扣到我冇理到
佢地生生下霸埋鈕扣既位。
舊黃金皮生生下生到咁鬼大
舊唔知咩cheap千手由缸既右邊移到左邊...
總之就冇理過佢地等佢地自己生長..
養養下都養左成年幾有多

依家畢左業，搵左份pt , 草緊錢換滴漏缸..
用濾桶美觀上唔靚，最重要係其他器材都係幾百蚊既二手野。
搞到我唔敢落貴野，所以都係換缸先算啦。。

我開post都係當做過記錄 , 小弟完全新手 ,
睇到其他魚友d缸都好羨慕 ,
希望自己有朝一日都做到啦 : )
同埋,其實自己仲考慮緊換唔換缸
因為驚換左缸但都好似返學咁厭忘唔打理
我知道養魚同養寵物係一生一世，三思緊...
https://www.youtube.com/watch?v=cObF_KbldrM

keithv3v

試下post返條youtube 片 :)