無燈好定藍燈好?

小魚毛

唔好畀魚舖誤導！好多舖頭（特別係魚街地舖），為咗啲珊瑚睇落靚啲，只係開藍光燈呢照件珊瑚，目的就係突現出佢地o既瑩光色呢吸引客人，新手見到就跟住照板煮碗，搞到個個以為養珊瑚開藍燈就得。

唔同種類o既珊瑚對光線要求都唔同，佢地對光照o既反應都會唔同，SPS主要喺較淺水域生長，佢地需要吸收大量陽光，喺夜間至伸出觸手捕食。LPS相對生長喺比較深水o既區域，對光線要求比較少，佢地就要不論日夜咁伸出觸手呢捕食。

飼養珊瑚一定要營造一個適合佢地生長o既環境；廿四小時光照肯定違反自然規律，藍光亦只適合某類珊瑚生長，

樓主能夠觀察比較珊瑚對光照反應絕對係態度方向正確，不過都要先了解各種珊瑚o既特性同生長要求，然後慢慢調節。