對近日珊瑚缸分享有感而發

草根魚友

我係""草根亞羅""
爬完成個post之後
我明白樓主分享依個post嘅意思同埋各位魚友對於賣Frag仔嘅點滴心情
我自己亦有一直喺貴網及其他魚網作賣買
所以亦分享一下我作為一個賣家嘅點滴
其實買賣嘅價格係好難出到1個共識
因為買、賣相方係站於對峙嘅立場
再者.........
大家玩得網都知道，上網買賣係冇一定嘅保障
價格偏貴、是否合理、尺寸之嫌、以及是否貨不對版
易手買賣區交易以上種種風險，大部份都係買家承受
買得大多數都只係憑一個"""信"""字
所以買家要小心係正確嘅，唔明可以直接出post詢問
如果唔係，中招嘅只有自己
講返Frag仔嘅正題
我覺得有另一個見解
我唔否認係有師兄賣frag仔係有呃人之嫌
不過如果講真係可以上網賣frag、及一般珊瑚當日常工作搵食嘅話，應該冇幾多個
frag仔依種買賣，我覺得玩RT係走唔甩嘅
以皮革、紐扣為例...
一件靚種嘅皮革，往往都係大Size居多，而鋪頭開出嘅價錢係數以$千計、甚至過$萬
依個價錢同埋咁大size確實係未必能夠人人承受得起
唔係每位魚友都可以好似依個post入面嘅大師咁，咁有經濟能力
所以亦要倚靠一D有一定能力嘅魚友，Frag出嚟變賣....
其實大家都知，Frag得就一定有風險，有可能連件母體都搞到有問題甚至溶埋，所以我覺得貴少少係正常
而各位魚友亦可以因為咁而有機會入到一D比較靚嘅品種frag，再集小成多，張不同品種嘅Frag B湊大
紐扣亦一樣.....有好多都係一舊原石返，往往又係幾千，大家都知玩扣只要有個種就ok，咁仲有邊個會走去買？返嚟仲要𠝹要扑，當中點都會少緊D，再者...一落刀有咩差池，好可能全軍覆
沒，連本都攞唔返，到真係frag到之後，再以(頭卅份)嘅型式轉售，我覺得貴少少亦冇乜問題，不過亦存在品種、供求導致價格嘅差別!!!!!!!
好似我咁......自從賣件5吋非皮比人呃之後，就好少再賣比較貴少少嘅野，之後一直都係"草根野"為主，除咗斐千!!!!!以往我賣嘅斐千都比一般嘅貴少少，我係賣(態)唔係只賣(種)，而同我交收過嘅會知當中嘅原因，我亦試過谷一棵好態雙頭超密手開大過(高7"x濶6")腳粗2"以上嘅斐千樹再推售，仲即時引起迴響，比各魚友插到暈，最後我私下向各位師兄PM留言作解釋，以及請河大幫我剷post，其實我喺依次之後已經知道，好多師兄只會計較個價去買，而唔係去買狀態，大家存在嘅觀點與角度唔同，所以係冇可能有一個共識嘅出現
小弟只係有感而發，無意得罪

草根魚友

小弟對於淡水比較熟悉
喺淡水嘅範疇，依個問題其實比咸水更嚴重
因為大部份都係出自標榜精品嘅貴價魚居多
以小弟玩過嘅為例:::
一條魟魚，唔同嘅表現，個價已經可以相差好遠
舉個例.....
一條黑白魟，普普通通$幾千就可以搵到及買到，靚嘅都只係大約$1萬
依一款黑白因為比較易分，所以唔會係目標
目標係比較難分嘅黑白半套、以及黑白全套
因為質素、以及引入嘅問題
兩者價格嘅差距動輒都相差幾萬或以上
而如果從台灣引入嘅人工魚種，價格就更高
所以有好多人混水摸魚，我地淡水稱之為""魚棍""
基本上，以我認知，香港會引入台灣人工魚種嘅人唔多，而大開門口會出售嘅鋪頭亦可能只有我朋友一間，所以佢就好自然成為""魟魚魚棍""嘅打殺目標對象
因為啲棍用比較大盤(魟魚size嘅叫法)去利誘有意思嘅買家，再喺網上對其他對手作出惡意嘅評撃
籍分享去導人升仙，再賣魚或帶人去買魚
其實依啲黑白以半套為多，不過價格就可能用全套價錢出售，再講依啲魟魚全部都係來自大陸同一個魚場，而亦係魚場嘅下欄產品，平時$幾千嘅產品，經依啲魚棍利用網上名氣再加以化妝包裝之後就變過萬甚至幾萬，其實有一定經驗嘅魚友一定知係咩料，中得招嘅多數都係新手又或者係平時睇完post之後唔再作分析，又唔四出睇質素格價嘅人，再講..........人冇虛榮心就唔會中招
所以""魚棍先有機可承""
講返咸水，賣件Frag仔呃哂都係1千幾百
所以我唔覺得係咩，錢係喺買家個袋，買家唔肯賣家都搶唔到，真係呃咗人亦唔會玩得幾耐，因為遲早會穿個名遲早會臭，依樣野係冇得呃嘅
所以因為種種原因，一買一賣個價格係冇得肯定亦冇一個原則
最重要係教育一下，令到各魚友都能夠有一點基本嘅認識，以及尺寸大細、質素優劣等嘅資料以及大致嘅價格範圍作參考，此舉唔多唔少亦可以令賣家知價而唔會太過份

草根魚友

TimTim 發表於 2014-2-10 12:45
珊瑚呢家野…
負擔到，又喜歡既，叫抵。
好鍾意，而又要大出血既，叫值。

贊

草根魚友

vsvs 發表於 2014-2-10 13:43
呢種呃人銷售技倆固之然唔要得
而係出現"夢幻價目",燒鵝變天鵝,攪到小朋友咸哂口,老人家心胶痛
有 ...

唔買多條鵝頸
又點比人斬到一頸血呢

草根魚友

嗰件開咗應該過1尺