唔知有冇人玩衣啲呢

courcarre

記得細個讀小學時（都有40年前），有一日老師帶了一個小缸同一盒印有sea monkey嘅野，話係班房養水馬騮（這個老師都幾頑皮）。加D水落個缸，溝埋盒入面1及2號藥粉，過幾日就見到一D白色小點郁郁下，跟住每日加D3號粉落個缸比食物佢地，如是者過了幾個月，個缸D水變左綠色，仲杰個㷛粥，入面果D水馬騮成吋半長，睇落都好核突。
期後聽老師講養水馬騮在美國是靚仔的流行玩意，係生物加科學啓發性玩具，當時都算係全球流行。在香港要係一D入口外國玩具的商店至可以買到，都幾貴下。講真如果知道係豐年蝦，就冇可能賣得貴，改一個sea monkey名嘅銷售包裝手法，就可以變成科學玩具同賣得貴D。