不可能的任務(新手切勿模仿)

司空火兒

2013年1月16日(第六日)更新

是日UPDATE,今日佢依然健在,[便便]明顯多左,支持住喔,我相信你得架

其實去完當年既師兄度,我一路返屋企,成個腦都係問號???????身邊突然出現左天使同魔鬼,如果師兄講既偉論係真??咁我多年來學既野係咩??唔用器材都養到魚,咁發明器材黎做咩??個師兄有冇點我架??真係冇換水??係咪偷偷地換水架??係咪真係冇用器材架??會唔會係我上黎先拎起D器材架??種種問題令到我好似精神分裂咁....仲渣左架車去黃金海岸,好似個傻佬咁望住個海.......諗左好耐...終於冷靜落黎,反問自己,其實點解我要去質疑師兄既偉論呢??天下之大,我真係識得幾多呢??人外有人,天外有天,唔同人做事,有唔同既方法,正所謂世上無難事,只怕有心人,<<唔認同唔等如要否定的!!>> (遙遠既師兄多謝你當年悉心栽培,小弟不才,可能功力有所不及,但願做呢個實驗黎令大家有另類既觀點,從而啟發出更多不可能既任務..)

其實用咩魚種根本唔重要,如果1萬幾千能喚醒各位,令魚網得到大同,大家放下成見,互相體諒同包容,我係願意付出的.黎緊我冇咁忙又計劃送出100-200條小丑魚比大家玩,希望大家多D交流(今次既題目應該比上次易好多的).

殺生,我絕對係一部殺生命既機械,每個星期我就殺死8-10億隻輪蟲了.都係果句:<<一將功成萬骨枯!!>>

每日打理:返工前,放工後,訓覺前都會清理缸底的雜物,其實每個繁殖缸都要咁做,所以吸多1個缸唔難做的.仲有人肉補水器,每次放完魚糧+1ML綠水,鈣水暫時未落,因為會抑制白點,會等佢爆完白點先落,致於水質數據暫時未有,應該聽日換水前同後就有.

其實我唔係嬲你,而係嬲每日上到各種網站睇討論都會有人由討論轉到罵戰,無論係大事小事.....但我嬲..只係嬲左短短30分鍾而已..當我在日旺見到佢眼金金咁望住我,我已經冇嬲了,放心,我會用盡辦法唔會令佢出事的,但假如佢真係支持唔住的話,我會再繼續努力的!

多謝收看

司空火兒

bluetang 發表於 2013-1-16 20:01
做個總結啦, 樓主個實驗証唔証明到佢個理念我唔再講, 但呢個post就証明到好多人係 “對人不對事”:

其實 ...

儒子可教也!! 等我遲D冇咁忙約你出黎飲茶

司空火兒

610449 發表於 2013-1-16 20:50
仲有呢到個D高手幾咁團結先得㗎

其實唔係呢度...係全部討論區都係咁既風氣...

司空火兒

海賊王 發表於 2013-1-15 21:52
想當年我用糖水養魚都比人插到屎忽開花，又話我虐待又話我無聊，但我真係成功養左大半年+生B！
司空，大家 ...

細個果陣,我老豆養左缸錦鯉,不過成日都死魚,之後有一日我落左半包粗鹽落去,比佢打到屁股開花...
但之後既幾年就冇出現死魚了,仲生左錦鯉BB,可恨當時我仲細,養唔大D BB.
而家大個左,都整左缸錦鯉,但係已經唔用粗鹽了,用生物石濾桶,一樣WORK.
所以話..大家唔應該原地踏步的,應該向多方面學習,世界真係好大的,發揮你既創意,推動更多不可能的任務吧!!

司空火兒

timmysfxc 發表於 2013-1-16 21:50
半包粗鹽
粗鹽，冇出現死魚，點解會咁既…

好耐之前聽個人講,粗鹽可以殺菌,我咪又試下囉,點知道...得左

司空火兒

chihim 發表於 2013-1-16 21:54
養河馬系唔系都要落鹽？

養佢要落好多錢

司空火兒

肥嘟嘟河馬仔 發表於 2013-1-16 21:52
我以前養淡水魚都有落

司空火兒

timmysfxc 發表於 2013-1-16 22:02
岩岩上網查下，原來好多人都有咁做。呢個世界真係大…

司空火兒

sb75boy 發表於 2013-1-16 22:05
我今日先同朋友講開養魚.我朋友屋企缸淡水魚E加都重用緊粗鹽

叫佢試下用生物石濾桶..
我覺得都好有用

司空火兒

Draculas 發表於 2013-1-16 22:16
其實粗幼鹽我都試過落缸~~

冇問題......不過只係短暫時間

我想知道有冇人會用海鹽養錦鯉,有冇師兄試過?

司空火兒

領域網主 發表於 2013-1-16 22:31
路過睇司空

網主大大,我每次見到你個頭像都笑到流晒眼水

司空火兒

又要去放狗了,點解每日得24小時架??我真係唔夠用的

司空火兒

2013年1月17日(第七日)更新

今日魚仔仲健在,換完水都係+0.25ML藍十字

呢D係換水前後既數據(其實我覺得呢D只係數字遊戲而已..但大家要我就做比大家啦)

換水前:
PH           =8.1
NH3/NH4 =0
NO2        =1.6
NO3        =50
PO4         =1






換水後:
PH          =8.3
NH3/NH4 =0
NO2        =0.3
NO3        =10
PO4        =0.5






玩呢堆野玩左我成個鍾上次玩呢D應該係5年前了.......

其實呢個真係唔係咩科學實驗,唔洗攪到咁複雜,我真係會好累的,今日報告完畢,病病地食左藥要早D訓,大家著多件衫,唔好好似我咁冷親啊,多謝收看

司空火兒

MaMa 發表於 2013-1-17 16:21
唔係考啦

簡單就是美, 最緊要啱自巳  所以你都好有性格禾

呢個標題我真係諗左好耐,點先可以吸引到所有新手,老手,神級師兄既注意,所以有點浮誇,但我既目標達成了,你睇下,你咪入左黎囉
何解又要加多句<<新手切勿模仿>>呢? 現今既新一代大多數都有反叛心態,越叫佢唔好做佢就偏要做,咁就可以吸引到佢地既注意了

司空火兒

bluetang 發表於 2013-1-17 18:44
好呀.. 一齊飲茶呀.. 但係點解話儒子可教也? 我都係唔支持你做呢個實驗喎, 之前一路 ...

你唔好放我飛機啊因為你開始識用公仔了,多左公仔令到個氣氛好左好多
其實呢個實驗根本唔需要去支持/唔支持,亦唔需要什麼數據,公式,測試,法規黎支持,
只要大家明白到什麼係包容,體諒,和諧,我的實驗就已經完成左99%了
好開心見到你呢一句,儒子可教也
((((這一條得, 唔代表就係得, 相反, 這一條唔得, 唔代表就係唔得))))

司空火兒

2013年1月18日(第八日)更新

魚仔冇事,仍舊食野同[便便],我亦如常照顧
其實小弟每日上網既時間真係好小....未必能夠每個POST咁覆
加上呢2日病左,食左藥又要訓
重申一點:呢個只係一個信念既實驗,唔需要什麼數據去支持的

司空火兒

timmysfxc 發表於 2013-1-18 13:31
司空兄. 想問下你個d自家制綠水, 最開始個種係點整出黎? 就咁"歐"出黎定係要買番黎?
同埋你係綠水篇度講你 ...

最初既種係同香港魚友買的,最後係同台灣魚友買的,
每種綠水係不同種類既微綠藻,大家既生長時間同營養價值各有差異

司空火兒

2013年1月19日(第九日)更新

魚仔依然健在,一切如常

多謝收看每日更新

司空火兒

2013年1月20日(第十日)更新

魚仔依然健在,一切正常,越黎越活躍

是日更新報告完畢,多謝收看

司空火兒

2013年1月21日(第十一日)更新

魚仔仍然健在,仲食多左野,而家早晚各一餐

多謝收看