國產蛋機--仲要係一蛋兩味：PO4 ＋NO3 Tester

小魚毛

小黑盒2.5 磷酸盐 硝酸盐 检测仪 测海缸Po4 No3



幾個月前喺淘寶偶然發現，但未知是封關還是供貨問題，當時一直只可以睇，未接受境外訂貨。

小魚毛

上星期終於淘到手，趁幾日假會試試再公佈結果

肥嘟嘟河馬仔

期待

qq194ken

用緊，NO3: Hanna讀 8，小黑盒讀7
           PO4: Hanna讀0.01，小黑盒讀0

個人諗住用耐啲，如果讀數依然相差不大，就放左兩隻Hanna蛋😄

malu

Links pls

小魚毛

malu兄，第一行第一句就有 hyper-link。

如果條link斷咗，呢個「小黑盒2.5 磷酸盐 硝酸盐 检测仪 测海缸Po4 No3｣都係商品名稱，你大可以吸落淘寶去搵。

小魚毛

qq194ken 發表於 2023-4-8 16:38
用緊，NO3: Hanna讀 8，小黑盒讀7
           PO4: Hanna讀0.01，小黑盒讀0

ching 果然快手

小魚毛

部機唔單只係國產，仲要係土炮，不過咁唔等於佢質量有問題。




淘寶間舖只有部機同埋幾樣相關o既配件賣，所以應該唔係生產商或者店家，加上部機係3D打印，所以更加似係自行研發o既玩家，開發成功之後再擺上淘寶試賣。希望佢日後會再眾籌或者商品化，咁補充劑o既貨源供應就比較有保證。

小魚毛

雖然土炮，不過見到賣家喺有誠意。



開箱見到一整盒工具箱，雖然只係現成商品，但足夠放晒所有配件試劑，整整齊齊，第一個印象唔錯。

小魚毛

開盒有三個測試玻璃樽、兩個樽蓋、針筒、小匙兩枝、主機、NO3 & PO4 試劑各一套(共四樽)、說明書、纖維布（清潔測試樽用）。



主機同樽蓋都係3D打印，應該只係手作式生產，所以話佢係土炮。

qq194ken

小魚毛 發表於 2023-4-8 23:29
ching 果然快手

土豆哥好似整緊部KH機，佢話就快有得賣。
上次買機果陣探過口風，諗住出三合一先落單。

點知佢話KH單獨一部，NO3+PO4自己一部。

小魚毛

機面三粒掣分別為「電源」、「確認」、「選擇」，介面的選項不少， 比較特別的是有「記錄」、「校準」選項，而「設備」內亦有線上說明書o既QR code。

小魚毛

電源用的喺9V方電，不過機身無電池蓋，要起螺絲拆開部機換電，比較唔方便，可能係受3D打印的限制。


內部結構唔複雜，唔見有USB接口之類，即係應該唔可以有軟件升級功能。 9V電芯只係以黏膠固定，有啲兒嬉。

小魚毛

兩項的測試程序大同小異，都係加藥水藥粉，再等五分鐘，部機每個步聚都會喺營幕清楚顯示，亦會有倒數計時及蜂鳴器提示。


自動關機時間為十分鐘，測試結果亦會一直顯示至自動關機，也可以喺「記錄」選項內找回對上八次的測試記錄。呢啲設計都比Hanna user friendly 得多。

小魚毛

魚缸水測試：


NO3：小黑盒-3 VS 沙利法-2.9





PO4：小黑盒-0.03 VS Hanna-0.04 VS Colomb-0.018

小魚毛

我無RODI惟有用蒸餾水做零數值測試。

蒸餾水測試：
NO3：小黑盒-0 VS 沙利法-0
PO4：小黑盒-0.00 VS Hanna-0.00 VS Colomb-0

不過呢次測試小黑盒唔多順利，第一次測試0.08，要再次抺拭測試樽，到第三次測試至得出零數值，似乎隨附o既纖維布的確不可或缺；又或者需要做做微調程序先。

小魚毛

qq194ken 發表於 2023-4-9 01:53
土豆哥好似整緊部KH機，佢話就快有得賣。
上次買機果陣探過口風，諗住出三合一先落單。

現時巿面o既Tester主要用兩種方式測試：對色表(eg. PO4, NO2, NO3, NH3/4, Iodine...) 、計算藥水份量(eg. KH, Calcium, Magnesium, Potassium...)；兩種測試o既操作方式唔同，所以相信要crossover都有一定難度，反而我相信將NO2, NH3/4等加入小黑盒做第三、四味會更簡單更大可能性，估計土豆哥可能係考慮緊巿場需求，而揀KH測試先。

我相信其實 Hanna要出隻一機多用o既蛋根本無難度，同一硬件，只要加多小小軟件選擇設定就得，而Hanna係要一機一蛋咁賣法，最主要原因都係商業考量。土豆哥睇到商機，所以至有小黑盒出現。

小魚毛

部機定價值¥468 ，同Hanna NO3 + PO4兩隻蛋相加，小黑盒算低買，不過其實更吸引係試劑價格，PO4試劑¥68 ，NO3試劑¥39 ，合拍¥100，測試量在之前的網頁有提到，但最近已移除，印象中約有50~100次，咁o既價格莫講話Hanna無得比，就算好多測試劑都唔夠佢平。

但好似之前提過咁，我最大憂慮係試劑o既貨源供應，萬一土豆哥唔玩，無晒試劑咁部機就變磚。另外部機要扭螺絲拆機換電，長遠呢計亦都考驗部機o既耐用性，如果啲電快用完，亦會加快機身螺絲位耗損。
呢啲都係目前我留意到o既問題，但整體呢講我仍然覺得呢部機用得過。