淘了支燈這樣設置可以嗎？

Matchchan

佢內置有呢個日出日落功能
其實呢個已經可以？

Matchchan

個樣係咁既

小魚毛

可唔可以就睇你養咩啦。
如果只係養魚，無燈都無咩所謂。養軟珊瑚o既話，呢枝燈有四色燈珠，會好過齋藍白燈，所以如果係一般光照要求唔高o既LPS，應該都可以；但如果係SPS，咁一般平燈光度有限，就無謂買返呢插花。

雖然唔知你啲燈珠比例，不過紅燈&綠燈唔應該較咁高，否則好易爆藻；藍燈雖然夢幻，不過白燈都唔應該太少，建議可以喺正午時段提高白燈光照。

另外，如果平日返工屋企無人，咁唔一定要跟足正常日出日落時間，可以將整組燈照時間推遲四五個鐘，等收工返到屋企都可照住呢睇。

Matchchan

小魚毛 發表於 2022-8-29 18:10
可唔可以就睇你養咩啦。
如果只係養魚，無燈都無咩所謂。養軟珊瑚o既話，呢枝燈有四色燈珠，會好過齋藍白燈 ...

而家個魚缸得條黃尾魔魚，1隻海葵，1舊珊瑚
不過呢個app係呃我
佢係得白同藍，綠色係冇，紅色就係好弱既紅

Matchchan

小魚毛 發表於 2022-8-29 18:10
可唔可以就睇你養咩啦。
如果只係養魚，無燈都無咩所謂。養軟珊瑚o既話，呢枝燈有四色燈珠，會好過齋藍白燈 ...

1條
之後想加多2小丑

小魚毛

Matchchan 發表於 2022-8-30 10:33
而家個魚缸得條黃尾魔魚，1隻海葵，1舊珊瑚
不過呢個app係呃我
佢係得白同藍，綠色係冇，紅色就係好弱既 ...

一係就齋藍白，畀得紅色，無理由唔加埋綠色落去。會唔會太淡色，你當咗係白色或者藍色燈珠？

養殖燈俱，LED o既燈珠係以輸出光源為主，顏色會比較淡，唔同其他燈俱啲彩色燈珠咁鮮色。如果個Apps可以獨立控制每隻色o既輸出，你試o下剩開綠燈，其他色撳到去0%，就可以試到係咪有綠色燈珠。

紅綠燈輸出建議唔好高過20%，唔好靠肉眼去判斷燈珠顏色或者光度，佢個control點雞都一定準過你用眼睇。

小魚毛

Matchchan 發表於 2022-8-31 11:47
1條
之後想加多2小丑

開缸幾耐？養好水未？N-cycle行完未？

不過你又換桶又換濾材，最好等啲過濾系統搞掂晒，水質穩定落呢至加魚啦（NO2爆紅後回落、NO3 10以下、PO4 1以下）。

加魚唔好隨心隨意咁買，咁細個缸，要先計清楚佢o既bio-loading上限，Plan好想養咩魚，再跟「先細後大、先善後惡」o既原則咁去加。小丑要落兩條，就最好搵一對一對配好咗o既，隨便咁放兩條落缸，打死都未天光。

Matchchan

小魚毛 發表於 2022-9-3 01:19
開缸幾耐？養好水未？N-cycle行完未？

不過你又換桶又換濾材，最好等啲過濾系統搞掂晒，水質穩定 ...

個缸都有1個月多啦，之前買左2條小丑2條黃尾魔
1星期死淨1條黃尾魔
尋日聽你講轉返做背濾買埋個壓縮製冷同埋用你介紹果款濾材，行多1星期先加魚入去我最多都係5條魚就算啦，咁細個魚缸太魚多會好慘
謝謝你呀！