請選擇 進入手機版 | 繼續訪問電腦版

海水領域 SeaFishZone

 找回密碼
 立即註冊
查看: 3704|回復: 15

新手設缸買設備推薦舖頭 [複製鏈接]

Rank: 3Rank: 3

發表於 2022-8-17 09:14:13 來自手機 |顯示全部樓層
養左幾年淡水魚,準備轉養LPS 加幾條魚仔
想去買設備,如果魚街請問大家有冇推薦舖頭,有耐性答問題而格價係適中 感謝賜教!

1)3尺側濾缸
2)蛋分(我見有外掛式又有圓桶形,見過圓桶可以擺濾格入面好似慳位?)
3)活石
4)造浪(必須嗎?)
5)燈 (我有盞尺半 千尋草燈,應該唔岩用嗎?)

感謝大家回覆

管理員

我係新手

Rank: 9Rank: 9Rank: 9

最佳新人 活躍會員 熱心會員 推廣達人 宣傳達人 灌水之王 突出貢獻 優秀版主 榮譽管理 論壇元老 開網功神

發表於 2022-8-17 09:45:06 |顯示全部樓層
有耐性答你咪收貴D囉
蛋分睇你位置呎吋買
石就你鍾意啦,活石死石人造石
造浪一定要
千尋養草就得
我屋企隔離有粒山咁大既鑽石可唔可以唔做野有糧出呀www.facebook.com/groups/999926450065064/

Rank: 7Rank: 7Rank: 7

發表於 2022-8-17 10:51:46 |顯示全部樓層
本帖最後由 超新手 於 2022-8-17 10:52 編輯
肥嘟嘟河馬仔 發表於 2022-8-17 09:45
有耐性答你咪收貴D囉
蛋分睇你位置呎吋買
石就你鍾意啦,活石死石人造石

好似答得幾好

Rank: 7Rank: 7Rank: 7

發表於 2022-8-17 11:24:24 |顯示全部樓層
玩咸念下好, 有要求就要錢及時間, 要爬文, 器材一步到位, 吾系就養器材, 左換右換得個吉, 光,水流,水質決一不可, 水流十分之重要, 你話三尺缸, 燈要二箋, 水流二至三個, 當然你用一箋燈一個水流都得, 你可上去魚友, 天地等新手店去看看

Rank: 3Rank: 3

發表於 2022-8-17 15:45:58 來自手機 |顯示全部樓層
肥嘟嘟河馬仔 發表於 2022-8-17 09:45
有耐性答你咪收貴D囉
蛋分睇你位置呎吋買
石就你鍾意啦,活石死石人造石

我都明,所以都唔係追求平,唔好食左我隻車就得

Rank: 3Rank: 3

發表於 2022-8-17 15:47:59 來自手機 |顯示全部樓層
aquazone 發表於 2022-8-17 11:24
玩咸念下好, 有要求就要錢及時間, 要爬文, 器材一步到位, 吾系就養器材, 左換右換得個吉, 光,水流,水質決一 ...

睇左好多資料,最後以家睇埋設備,如果ok就開始!! 多謝你答我呀,星期日出去睇下 :)

Rank: 7Rank: 7Rank: 7

發表於 2022-8-17 18:22:54 |顯示全部樓層
海水同淡水係兩個完全唔同o既世界,自然生景如是,人工環境就更加。所以你想由淡轉鹹,舊草缸的器材&經驗可用o既唔多,可靠o既商舖都唔會鹹淡兼賣,所以你預咗一切一切都要重新開始。

淡水可能你求其行入一間舖,畀錢買齊嘢就可以開缸;但海缸唔同,未了解鹹水缸運作原理之前,切勿去舖頭畀錢買嘢;魚街地舖十之八九都係生意為上,你唔做定功課就咁遊入去,只會一肚氣兼一頸血咁上返岸放棄。

唔係想標籤魚街地舖,但鹹水缸複雜又奢侈,混養缸更加唔洗講,玩o既人唔多,又鹹又淡o既舖頭根本兼顧唔到海缸又精又專o既要求,靠自己做資料搜集肯定更穩陣過信一般地舖sales。所以首先唔好諗住揀一間舖頭行入去可以就咁畀錢開缸。先設定以只賣鹹嘢o既舖頭為目標,要留意間舖係賣器材為主定係賣生物為主,愈偏向一方面,代表舖頭對相關o既認知愈多。器材設備愈多,幫到你開缸o既機會都愈大。

魚街地舖只賣鹹嘢o既舖頭其實一隻手數得晒,樓上舖會有更多選擇,而且分工更精細,器材、魚、軟珊瑚、硬珊瑚,不同的專買店都有,唔行一定係自己損失。詳細地址可以睇翻呢個網站o既商店通告,當中有「魚舖地址」張貼。

唔建議你一次就去買齊嘢,更加唔好信有咩套餐咩即食玩法,行多幾次,睇多幾間,返呢再上網做做功課,定好器材名單,計好晒開支預算至扑鎚,一定好過你一嘢就搬晒所有嘢返屋企。

Rank: 7Rank: 7Rank: 7

發表於 2022-8-17 18:27:50 |顯示全部樓層
三尺缸水量一啲都唔少,器材級數唔可以太入門,要玩LPS就更加要有水冷,就咁睇你筆直都要過萬。

請小心計好預算。

管理員

我係新手

Rank: 9Rank: 9Rank: 9

最佳新人 活躍會員 熱心會員 推廣達人 宣傳達人 灌水之王 突出貢獻 優秀版主 榮譽管理 論壇元老 開網功神

發表於 2022-8-17 19:22:23 |顯示全部樓層
Siusil 發表於 2022-8-17 15:45
我都明,所以都唔係追求平,唔好食左我隻車就得

一定會連骨食
我屋企隔離有粒山咁大既鑽石可唔可以唔做野有糧出呀www.facebook.com/groups/999926450065064/

Rank: 3Rank: 3

發表於 2022-8-17 20:50:28 來自手機 |顯示全部樓層
小魚毛 發表於 2022-8-17 18:22
海水同淡水係兩個完全唔同o既世界,自然生景如是,人工環境就更加。所以你想由淡轉鹹,舊草缸的器材&經驗可 ...

多謝您咁詳細回覆,以家我進度係做左功課,知道要胖咩設備,但上網睇始終係唔同, 以家下一步係諗住出去睇睇實物,寫好哂價錢+尺寸,先至訂櫃訂缸,到時先再買設備養水 etc 所以先想話搵間有耐性既舖因為唔會即刻課金出黎∼
我目標都係樓上舖,之前淡水時行地舖都知地舖租金貴,做生意模式唔一樣,我諗樓上舖會比較岩我以家要搵既野,但係岩岩開始睇海水設備所以好唔熟悉邊口碑好。多謝您意見 我會睇下個表再出去;)

Rank: 7Rank: 7Rank: 7

發表於 2022-8-18 14:33:43 |顯示全部樓層
本帖最後由 小魚毛 於 2022-8-18 14:41 編輯

跳海首要條件唔係要好疊水,而且係有耐性。樓主肯放慢腳步慢慢做功課,就係成功o既開始,預祝你開缸成功。

提多你兩樣嘢:
1)有啲本地魚舖設有網店,上面會有齊所有貨品o既資訊&價格,唔係鼓勵你去幫襯,佢未必係最平最好服務,但喺你度尺計筆直嗰o下就好有用,值得上去呢啲網站做資料搜集。
2)每種器材使用方法都唔同,唔好只係用廠方個「最大處理水量」去計,好多時要有效果,就要將呢個數值成大幾倍。所以唔可以只計外形尺寸,自已個缸o既總水量同器材配合到,咁至最重要。所以你一定要決定咗個缸o既尺寸,至可以選擇設備。

好多時舖頭Sales就係為咗做成生意,個客話唔夠筆直,就幫佢downgrade件器材,咁樣將貨就價,結果係買咗件效力唔夠o既器材返去,得物無所用之餘,更嘥錢嘥時間。試過有老闆因為無啱o既貨,推介我唔幫襯佢而轉去第二間買,或因應我預算建議我買二手貨。所以自已做好資料搜集、計準預算,同搵可靠、有經驗o既舖頭同樣重要。當然,會倒自已米o既老闆,一定要喺「服務費」度有所提升,至可以維到皮,值唔值得畀隻車佢食,只有你自已知。



Rank: 3Rank: 3

發表於 2022-8-18 22:54:01 |顯示全部樓層
小魚毛 發表於 2022-8-18 14:33
跳海首要條件唔係要好疊水,而且係有耐性。樓主肯放慢腳步慢慢做功課,就係成功o既開始,預祝你開缸成功。
...

多謝您! 養過水草好深深感受到真係急唔黎,又哂錢又哂心機 ;( 更加唔想生命枉死以前岩岩開始養魚唔識做功課又心急,聽啲staff講買濾水,結果搞到洗衣機咁轉到啲魚都暈,又係哂錢⋯⋯
等我睇埋哂設備再黎請教下啲料配得岩唔岩
再次多謝您 :)

Rank: 7Rank: 7Rank: 7

發表於 2022-8-20 00:53:13 |顯示全部樓層
本帖最後由 Fishwall 於 2022-8-20 01:00 編輯

你首先要知道自己鐘意養海水魚定珊瑚先,因為兩者設備耍求不同。買錯盞嘥錢。買野新手分開兩三間買,多D同不同舖吹水,你先有機學到野同揾到間夾D跃。前提係你自己最好上網打底有D養海水魚基本常識,唔係你去三間,三間都揾你笨啦反正佢哋覺得你又唔知。有什麼問題上來問啊可以。

Rank: 7Rank: 7Rank: 7

發表於 2022-8-20 01:03:34 |顯示全部樓層
養魚要花時間精神多D,養珊瑚就耍用多D錢買設備,不過養定左珊瑚,似種花種草既感覺多過你養寵物或養魚feel.
''L
,

Rank: 3Rank: 3

發表於 2023-5-4 03:26:16 |顯示全部樓層
本帖最後由 joewong188 於 2023-5-4 03:28 編輯

唔知Siusil ,上咗岸幾耐,佢都係適宜談淡水野!而且條友已經消失咗9個月,可能仲係🉐️得個問字,浪費咗D高手時間!

Rank: 7Rank: 7Rank: 7

發表於 2023-5-14 23:28:19 |顯示全部樓層
joewong188 發表於 2023-5-4 03:26
唔知Siusil ,上咗岸幾耐,佢都係適宜談淡水野!而且條友已經消失咗9個月,可能仲係🉐& ...

上返岸未賞唔係好事。

鹹濕嘢個樣係好給吸引,但服侍佢就好頭痕;香港人講效率愛速食,同鹹水缸根本就時辰八字唔挾!因了解而分手,總好過痛苦糾纏落去。

樓主喺度留過言,大家交流過,都算係曾經擁有,彼此都有得著。

如果師兄係關心樓主近況,不防又畀啲意見出呢,或者可以引到樓主蒲頭。只要唔係食花生、亂吹無貢獻,就唔會浪費大家時間。

您需要登錄後才可以回帖 登錄 | 立即註冊

Archiver|手機版|SeaFishZone 海水領域™

GMT+8, 2024-3-28 19:22 , Processed in 0.044182 second(s), 11 queries , Gzip On.

Powered by Discuz! X2

© 2001-2011 Comsenz Inc.

回頂部