蛋白分離機是必須要的？

Matchchan

新手弱弱一問
我個魚缸只有32cm
咁既大細仲要唔要用蛋白分離機？

Kekw3310

可以唔用
密啲換水 唔好放太多魚

小魚毛

用器材o既目的在於幫助節省成本，你要小心計清楚你可以花o既錢、心機&時間。

唔用化氮，你要加密換水量＆次數，鹽錢開支好快就會超過你買支化氮；你要加密換水次數由每星期10％至隔日（甚至每日）30~50%，你有無咁多時間去服待個缸？維持唔到水質，不斷死魚再買，更加係無止景o既花費......

一尺缸最慳位可以考慮氣木化氮，不過就要有好泵&氣木至會發揮到好效果。

Matchchan

Kekw3310 發表於 2022-8-12 23:21
可以唔用
密啲換水 唔好放太多魚

謝謝你呀師兄

Matchchan

小魚毛 發表於 2022-8-13 13:51
用器材o既目的在於幫助節省成本，你要小心計清楚你可以花o既錢、心機&時間。

唔用化氮，你要加密換水量＆ ...

感謝你呀小魚毛
岩岩買左呢個日生化氮，不過佢不停出d粒粒係正常情況？

Matchchan

呢個

Kekw3310

Matchchan 發表於 2022-8-13 15:44
感謝你呀小魚毛
岩岩買左呢個日生化氮，不過佢不停出d粒粒係正常情況？

新蛋白磨合期 正常情況
但蛋白始終都會有泡 只不過會比新開嗰陣少好多
會唔會影響美觀就睇個人接受程度 夠位就放背濾 用掛濾就唯有接受主缸多泡啲

Matchchan

Kekw3310 發表於 2022-8-13 16:15
新蛋白磨合期 正常情況
但蛋白始終都會有泡 只不過會比新開嗰陣少好多
會唔會影響美觀就睇個人接 ...

而家係極之大泡泡
個魚缸而家都係得1條黃尾魔魚，希望開左個化氮佢仲可以堅持到😅

小魚毛

呢隻係掛缸內o既化氮？

如果係，佢除咗扭掣調較氣泡位，仲可以將成支化氮升降呢調較水位，應該較個泡位啱啱升到去收集杯內個咀位o既水平。

不過我無用過呢隻化氮，你最好再睇竹清楚說明書。

Matchchan

係呀，呢支可以較個高度，佢有個指示睇個水位最高同最底係幾多，仲可以較個出泡量

Matchchan

不過我另外訂左支氣木化氮，因為呢支野太大支啦！

Matchchan

小魚毛 發表於 2022-8-15 13:15
呢隻係掛缸內o既化氮？

如果係，佢除咗扭掣調較氣泡位，仲可以將成支化氮升降呢調較水位，應該較個 ...

而家個化氮霸左好多位

小魚毛

Matchchan 發表於 2022-8-18 22:05
不過我另外訂左支氣木化氮，因為呢支野太大支啦！

靚氣泵應該會貴過枝氣木化氮，仲要有靚氣木，樓主請小心選擇。

Matchchan

小魚毛 發表於 2022-8-19 15:20
靚氣泵應該會貴過枝氣木化氮，仲要有靚氣木，樓主請小心選擇。

訂左呢支

Kekw3310

外掛式會唔會比較好 至少唔會佔用缸內空間

Fishwall

你缸仔可以睇下呢支...成件藝術品咁...日本仔野真係無得輸...Amazon同ebay都有得賣。我試過email佢地尺寸。佢吔真係好有心用用盡佢吔識既英文答，因尺寸唔啱我無買佢哋重一樣好有禮貌咁話幫唔到我。真係感覺好好，好温暖咁。
https://reefbuilders.com/2009/06/08/mame-glass-skimmer-mame-design/

Matchchan

Fishwall 發表於 2022-8-20 15:29
你缸仔可以睇下呢支...成件藝術品咁...日本仔野真係無得輸...Amazon同ebay都有得賣。我試過email佢地尺寸。 ...

正呀！太毒啦！
我喜歡

Matchchan

Kekw3310 發表於 2022-8-20 14:24
外掛式會唔會比較好 至少唔會佔用缸內空間

可惜我是個新手，當知道有外式既時候我已經課金了

肥仔Tim

用外置嗎 http://www.bubble-magus.com/productinfo.aspx?id=534

小魚毛

Matchchan 發表於 2022-8-19 01:59
而家個化氮霸左好多位

樓主係背濾缸？如果係背滴漏，枝蛋分應該插入第一格落水倉，唔好嘥咗主缸啲位，搵咁細枝蛋分都係為咗咁樣，亦都可以完全避免氣泡問題。

我都用緊DYMAX呢枝，除咗要配搭靚泵同氣木外，仲有一定要加氣喉鎖控制出氣量同水位；留意因為個廢水收集杯比較細，好易就滿瀉，最好駁埋佢杯底嗰個出水，另備容器收集廢水。不過最緊要都係自己小心調較水位，佢有時爆水可以爆得好誇張。

另外，行得背濾，就可以將所有濾材收晒入三格背濾倉，除非你要非常強大o既過濾系統，否則無須要再拖多個濾桶，搞多嚿嘢出呢阻定。如果你個上水泵夠力，就可以試o下由佢推完水冷再駁翻入主缸。

你個缸有生物石，就唔應該將枝暖管放入主缸，小心啲石撞爆枝玻璃暖管。裸缸無得揀就一定要瞓底枝暖管喺缸底，背濾大可以將枝暖管插落背濾倉是旦一格就得，乾手淨腳又慳位；不過記住暖管溫度一定要設定低過水冷最少兩度，否則兩件嘢同時著機就盞嘥電。枝溫度計都係，有水冷已經可以實時顯示水溫，枝溫度計只會阻住你刷玻璃，再唔係就收埋入背濾，喺側邊望埋去都一樣睇到度數。