請問點樣可以降底水溫

小魚毛

兩百尺的客廳，只裝一部一匹冷氣機，當然又嘈又熱又食電！

呢個就係好多ching部水冷畀屋企人投訴o既原因。

魚缸100L，部水冷o既處理水量起碼要有400L，咁部水冷o既嘈音同熱氣大概同你屋企部雪櫃差唔多。當然，大陸同鬼佬牌子都有好大差別，睇你自己有幾多筆直啦。

小魚毛

sunkenny27 發表於 2022-6-8 09:26
師兄用雪櫃黎比喻, 即時覺得容易接受好多.
不過除左熱風仲有水冷個SIZE都唔細, 要諗辦法收納都唔易

我都係兩尺背濾，部水冷就收喺缸下邊o既櫃，閂埋櫃門只會喺半夜至聽到著機聲，平日其他環境聲已經蓋過部機o既摩打聲。熱氣方面，標準魚缸櫃背無隔板，方便走喉散熱，只有座喺缸櫃隔離o既梳化位，至會喺靠近個缸o既半邊身感受到熱氣。當然，每個廳o既情況唔同，座向、擺位、人口密度、雜物多寡......好多因素都會影響散熱效果，好難一概而論，而且買水冷投資大，安放亦麻煩，對熱氣嘈音o既反應就更加個個唔同，所以事前同家人充份溝通一定唔可以少。

如果魚缸左近無位，可以考慮拉喉將部水冷移去窗邊冷氣機底或者牆角，咁更加可以減低滋擾風險；當然，駁喉走喉功夫一定要做得好，靚喉、喉箍唔可以慳，有須要更可能要加保溫膠條（冷氣機豬腸膠）；搵個櫃安置部水冷係值得考慮，除咗美觀之外，收喺櫃入邊可以減低嘈音，櫃背開窿更可以控制熱氣靠牆排放。另外就係要搵位喺背濾倉加一個水冷專用上水泵，要預計埋足夠揚程，千祈唔好諗住將尾倉上水泵分出呢畀埋水冷用。