瓦片珊瑚買入不久白化怎好? 什么原因

tonynghk

我之前入了些綠瓦片及金沙，但不久后，先是脱了一少塊，过了2天，就大面積白化，不知是什么原因? 但其他珊瑚如千手，火柴仍正常。

小魚毛

瓦片屬於硬珊瑚，水質要求高過千手、火柴，光照、水流亦都唔可以太入門。

唔好直接用其他軟珊瑚做比較，檢視o下個缸o既光照、水溫、水流&水質最實際。

laulau

有冇見到啲白色羽毛狀的物體郁下郁下，尤其係在瓦片背面，嗰啲係海兔，會好快食晒啲M系sps水螅體，令瓦片變白死亡

tonynghk

多谢師兄指点，請问瓦片珊瑚一般要怎樣的光（中光?）和水流（放在沙上?），另需否常補D AB水 (佢好快白化会不会是不夠營養）?

小魚毛

先講光，雖然係入門級SPS，但瓦片對光照要求唔低，好睇你用緊咩燈：
SPS標準燈俱--中低光
LPS高檔燈俱--高光
LPS入門級燈俱--有機會唔夠光

擺放位置：
先要佢頭頂唔可以有嘢遮檔光照，一定係要直射光。瓦片通常係塊狀橫向生長，擺放位置要確保有足夠空間畀佢生出呢；放沙面要小心唔好有沙粒幅上去瓦面，否則就要動手清走啲沙，可以搵嚿高身少少o既碎石晾起件瓦片。理想o既位置係將佢固定喺件石o既邊綠位置，等佢可以慢慢咁懸空生長。

小魚毛

養珊瑚講求水質，所謂營養補充只係提升狀態。已經病到得翻半條命，你再叫佢啪維他命丸又有咩用？

玩軟珊瑚其實唔洗理咩補充，但玩SPS就唔同，特別係SPS缸都高密度飼養，水中o既元素會迅速被SPS吸收，即使正常換水都補充唔切，所以就有額外添加呢一招；但留意SPS缸所添加o既唔係咩珊瑚營養液，而係鈣、鎂，鐵、鉀⋯⋯等等各種o既元素，當中鈣&鎂係SPS製造骨骼o既主要來源，所以係SPS缸o既基本補充品。商家為方便玩家消費，所以就合成元素補充液，AB水就係呢類商品，主要就係鈣＋PH卅KH＋各種元素。

所以如果你個缸主要係LPS，無咩SPS或者只得新呢兩件瓦，咁一定唔可能會有鈣元素不足問題，補AB水都唔會有咩幫助。驗o下 NO3 、PO4 ，檢視照明燈俱，實際得多。到你決定玩SPS，或者有一堆角喺缸，至開始諗AB水到未遲。

小魚毛

唔夠光，會淡色或者變啡；水質欠佳（溫度、污染、水流），就會由邊綠開始燒，即係所謂白化；中瓦片蟲，會一撻撻咁脫皮脫色。你應該可以分到係唔夠光、燒，定係中蟲，再根治問題。

tonynghk

感謝分享