求救！沙上的藻可以點清理？

小魚毛

開缸幾耐？如果唔係新缸爆藻，咁有機會係缸底沙面唔夠流，諗辦法加強缸底o既水流先。

蝦虎唔係隻隻都食苔，沙面食苔o既有呢幾種：金頭古Ｂ、橙點古Ｂ、四驅車、巴士卅紅蕃古Ｂ（其實佢地係䲁魚科，唔係古Ｂ）。
食苔螺一隻太少喇，大概可以每１０Ｌ水落一隻。
其他可以清潔沙面o既生物仲有：沙星、黑海蔘、牛眼螺、跳螺，係玩沙o既就不防放落缸。

不過生物除苔只可以係輔助性質，唔可能完全靠晒佢地，設定好個缸避免爆苔、定時人手清理仍然係至重要。

小魚毛

ho011025 發表於 2022-4-7 15:56
謝謝c兄回覆

不是新缸，之前人手清理還算控制到，但近期換了另一款鹽便開始爆得好勁，係沙到要逐粒執，執 ...

爆苔好少關鹽事，會唔會係餵食問題？太重手，食剩積咗喺沙面？

呢啲食苔生物係珊瑚缸清潔部隊，唔會點加重過濾系統負擔（魚類除外），其實係RT必備。

不過要留意，咁細個缸，落咩都要盡量搵細size。金頭古B做到嘢，不過比較大條，放落你嗰40L水呢養，可能幸苦咗啲。

小魚毛

落生物係輔助性質，前題係先要你個缸唔好有爆苔問題。治標先治本，你餵食會唔會太重手？缸底水流夠唔夠？又或者會唔會係太耐無洗沙，積太多垃圾？

我都想可以強有大o既清潔工。不過佢地都係生物，無收你人工，唔會聽你指揮去做嘢。每種生物都有唔同習性，沙星會鑽沙、螺會食沙面、石面＆玻璃o既苔、海蔘專攻沙面垃圾......我地只係因應佢o既特性選擇放入缸。珊瑚缸玩o既就係生態平衡，生物愈多樣化，系統會愈穩定。

所以你可以有好多選擇，無話一定要放咩落缸，前題係唔好貪多貪大隻，以你４０Ｌ缸計，兩三隻螺、細至中size o既沙星&黑海蔘各一都差唔多，你遇到就不防買返去放落缸。不過記住佢地只係幫手，最重要仍然係你自己o既日常打理，維持水質、定期清潔至係皇道。