新開缸疑問

小魚毛

用收返呢o既舊環舊石，本身就有菌，咁就唔會再行n-cycle，亦都唔會爆NO2。除非你啲環＆石離過水或者好耐無打氣，啲菌死晒，咁又另計。

不過要留意：
１）上手有無落過藥？有就除咗魚之外咩都唔可以養。
２）６６Ｌ水用１０Ｌ環夠唔夠？如果你個背濾倉仲有位，盡量打爆佢，唔係養養o下至發覺個硝化系統要upgrade至再呢追加環就麻煩。

又沙星又葵就唔係Fish ONLY Tank，你用FOT o既標準去養，即係叫佢地去送死。
假設你個缸水質、光照、水流都過關，咁水溫呢？唔見你有用水冷，只有暖管，三月正常室溫當然可以keep到25~26度，再遲多個月，你仲有無可能keep到28度以下？除非你間屋２４小時長開冷氣，否則葵又好，豬腰又好，咩珊瑚都唔會過到夏天。

一開缸就落三條魔魚，６６Ｌ缸大概養到６、７條1至2吋小型魚，你已經用咗一半Quota；另外，魔魚養定咗就會變惡，你仲要有三個惡爺喺缸，將來再加新魚會好頭痕。

落葵o既話，就一定要幫造流加安全套，否則好易絞出葵命。

就咁睇張相唔準，珊瑚沙應該要有沙糖顆粒咁o既大小，太粗o既話會好易藏垃圾，你可以觀察o下先再決定去留。沙星會有幫助，加條黑海蔘落去就更好。

小魚毛

樓主太心急喇！

三日之內由三條魚變九條，又葵又管蟲，咁樣加嘢法，個缸o既硝化系統頂唔到，ＮＯ３係咁飆升，２５可能未到頂！

咁o既水質莫講話RT，ＦＯＴ都唔理想，小心你隻管葵。唔好再加嘢住，等水質定翻落呢先。想養葵就要NO3去翻10。事實上處理NO3就係玩海水o既最大課題，ＲＴ就要睇埋PO4。

紫點葵要喺沙面，清缸唔可以養；唔係隻隻葵小丑都會玩，買之前做o下功課先。

你個缸o既Bio loading應該到咗頂，小心諗清楚你要養咩生物，唔好隨手亂加嘢，或者要考慮再upgrade你個過濾系統。