請問蛋白分離器要什麼水位才正確？

小魚毛

數字可以參考，但唔可以死跟。

除咗魚缸水位上落之外，仲有好多情況都會影響化氮水位：新化氮未Run-in、水質變化（e.g.換水、死魚卅生物、新器材落缸）、個別的藥水用品（e.g.痴生物石的鋼塑土\快乾英泥）......喺咁情況下調較化氮水位係無意思，只要佢唔係爆水，就應該隔翻幾粒鐘或者半日（ 新化氮未Run-in更可能要幾日甚至成個星期），等支化氮穩定翻，至再微調佢水位都未遲。

基本原則係：喺水位穩定情況下，將支化氮升到泡頂貼近收集杯頂邊緣，再微調水位高度，就可以控制廢水量多少或者乾濕程度。