濾桶一問

ff18jerry

因空間少用唔到底缸濾，只有濾桶，請問濾桶除左放生物石，放珊瑚骨好嗎？還是繼續放生物石？造景位都打算放大量石

pca

用生物環就得啦

arfaifai

如果主缸有足夠既生物石，有足夠既造流，濾桶既功能可能只是放置白棉、吸po4濾材等等，還可以駁埋水冷機用。

ff18jerry

由於我是想設rt缸，不想用白棉，怕小生物被隔離。如果放吸po4,no3濾材是否一個月換一次？因為這些濾材都不便宜

小魚毛

既然係RT缸，加上地方同預算都有限，樓主更加要小心規劃。

首先就應該要考慮放棄濾桶，濾桶o既設計只係畀一個普通玻璃裸缸升級做海水魚缸，但因為FOT過濾系統比較簡單，生物環養好菌之後就唔洗點再搞，但RT過濾系統唔同，定期調節更換各種器材同濾材根本就係指定動作，無得偷懶。而濾桶o既設計其實無預你成日拆開呢換呢樣搞嗰樣，所以準確呢講，用濾桶玩RT無話唔可能，不過成日將個桶拆呢拆去，只係整蠱自己，個桶都會好快玩殘。

唔用濾桶，放唔落底濾，點解唔考濾背濾缸？雖然空間有限，但只要規劃好主缸同過濾比例，玩軟玩硬都可以，亦都可以將化氮、藻屏、濾樽之類收埋喺背濾，乾手淨腳，呢啲器材o既功效都達到RT缸o既需求，過濾桶放珊瑚骨或者生物石根本無得比！如果係生物環，以我所知，只有一種號稱「玻璃環」o既生物環可以付合到RT低NO3 o既要求，但一般生物環o既價錢都同佢無得比！！另外o既PO4問題仍然要用其他濾材處理。

唔用濾桶，可以留翻個位呢放水冷，佢都係RT缸o既必須品，希望你有預留筆直。

用唔用白棉只係小問題，好多RT玩家都有用，你可以再做多啲功課先。

活性碳係每月換一次，但吸PO4 ＆ NO3 濾材就係要定期補充添加，而唔係更換，至於幾耐加一次就要睇你用量同個缸o既消耗量，正常用量一般可以幾個月添加一次。

如果你而家手上只係有一個普通玻璃缸同濾桶，而堅決玩RT，咁我強烈建議你放晒佢再買背濾，因為玩RT係百分之二百器材先決，寧願縮細主缸size、downgrade器材級數，遷就有限o既空間同預算，都要達到所有器材到位o既要求，否則你花o既時間、金錢一定會多好多，而失敗機會亦都會高好多！開缸前諗清楚，冤枉路會行少好多。

kkwong987

唔好話RT，FOT用濾筒都唔噤玩，筒裡面既物要經常拆出來清洗，否則一樣overload反缸，濾筒只適宜淡水缸用