白點自然療法，不需用藥

Hang12

希望可以幫到在混養缸有白點煩腦的朋友小弟從19年6月開缸，起初只是養魚，後來用兩尺缸沙底混養珊瑚同魚。本人特別喜歡仙類，特別是火焰仙，但所養嘅仙同小丑，大部分都因細白點，養不夠三日就起白點，一星期左右就死亡，反而缸中的有一條藍吊、三條龍和兩條鷹就一直命硬不死，藍吊間中都有白點，但牠好像有了免疫，食得瞓得。

大家都知混養缸係唔可以落銅藥，小弟試了好幾隻聲稱可提升魚隻免疫力嘅白點克星，加了一支18wUV燈，但最後都係冇用。最後聽朋友講試下將所有魚缸内的魚都捉出來，記住一定要係所有魚，其他生物不需，目的係將缸内所有白點餓死，因白點如果兩天内找不到魚類寄主就會死。於是急急開一個一尺醫生缸將所有魚放入去再落銅藥，醫生缸内係用珊瑚缸嘅水同小量生物環加濾筒同平價化淡運行。醫生缸頭一星期每日都換10份一主缸水，期後每日換10份一ro海水，每日都測試銅藥濃度和NO2(六合一試紙）。當然醫生缸係唔成熟，其他魚都仍然開口。到了第二十一天，我見長咀鷹開始唔太精神，於是決定將所有魚放回珊瑚缸，結果第二天，長咀鷹都係上了天堂，但其他魚仍然搶口。觀察一星期後，所有魚都冇白點情況，於是開始加新魚，之後所加嘅仙魚，全部都冇檢疫，只有對水後就落缸，連一值養唔到嘅火焰仙同珊瑚美人都好好，現在缸中加了紫吊、石美人，三條小丑，火碳仙、火背仙同長咀鷹一個月，一點白點都冇，希望呢種自然療法可以幫到大家。

荷蘭橙

其實新魚唔Q就入缸
預左總有1日會再有白點？
認同嗎？

咁搞完1，2個月
主缸日後都有機會有白點，咁算唔算成功？

Hang12

荷蘭橙 發表於 2020-11-11 13:57
其實新魚唔Q就入缸
預左總有1日會再有白點？
認同嗎？

同意師兄所講，新魚應該Q，不過小弟只係想講，如果個缸有白點唔落得藥，短期方法係餓死缸内白點先係治本方法，希望有白點煩腦嘅人唔好再浪費金錢同心機喺藥物治療上

derek23

有網友話啪一粒大蒜係底缸浸、醫到白點