維修水冷

小魚毛

N年前隔離網站都有師兄發帖討論過相同問題，答案係一般冷氣師傅未必會幫你搞，因為結構唔同，所用工俱都未必相同，更加無市價可言，要睇o下彩數你搵唔搵到師傅肯同你整。

我五六年前拎過部Teco返代理換雪種，價錢唔記得喇，不過肯定唔止幾舊水。如果你部係行貨，就試o下打去代理問問先：2432 0328
不過你應該試o下洗咗個水冷內膽同水冷泵先，好多時會係呢兩樣嘢最先影響水冷效能，洗咗唔得至再諗維修。


洗內膽只要駁條水喉入部機o既入水口，出水口再駁另一條喉排放污水，再開大水喉沖，就可以沖晒膽內啲垃圾出呢。