前輩們，請問珊瑚海魚混養缸，係咪唔可以用生物環？

小魚毛

NO3太高，25-50無咩可能養得好珊瑚。
提議你先驗咗屋企水喉水先，大概都應該有10~20 o既NO3，咁你每次換水都只能夠輕輕沖淡NO3。
ATS兩星期未必開始見效，要再等等，不過你最好睇翻你個個ATS盒包裝說明，有無講清楚個盒可以處理到最大o既水量，如果太細o既話就未必幫到你。

小魚毛

暫時呢講，你可以買樽裝蒸餾水代替水喉呢換水，咁係最快降NO3 o既方法。
長遠呢講，你要先檢視水源問題：
軟體珊瑚缸NO3要求低至10，如果你水喉水係呢個水平，咁你可以試下建立一個高效率o既硝化系統，維持一個低密度飼養環境，咁係有可能用水喉水養一啲比較粗生o既軟體。
但如果你水喉水高過10，咁你就要考慮轉純水機或者廁所水，只有咁至可以解決水源NO3過高問題，否則你搞咩過濾系統都無用，NO3不停咁上上落落，再粗生o既珊瑚都死。

解決咗水源問題，你就可以再考慮點搞你個過濾系統，生物石、ATS、豆豆，各有優點缺點，自己做好功課再考慮點搞個缸。好似你咁用濾桶玩珊瑚唔係有好多成功例子，但唔等於無可能，但有好多好多器材使用同維護工作要掌握，你唔清楚當中o既原理而一味死跟，只會行多好多冤枉路。