請選擇 進入手機版 | 繼續訪問電腦版

海水領域 SeaFishZone

 找回密碼
 立即註冊
查看: 8875|回復: 15

旺角樓上仲有幾度有賣珊瑚? [複製鏈接]

Rank: 7Rank: 7Rank: 7

發表於 2020-4-1 12:59:50 |顯示全部樓層
近期樓上有唔少搬左, 又或者......
係樓下見到手掌SIZE的豬腰豬肉都過K,幾年的人工都係加十幾巴仙的時候,珊瑚加幾百巴仙.
想問有邊間係加價正常少少的樓上店可以推介下?
THANKS...

Rank: 7Rank: 7Rank: 7

最佳新人 活躍會員 熱心會員 論壇元老

發表於 2020-4-1 16:07:27 |顯示全部樓層
越黎越少人玩

Rank: 7Rank: 7Rank: 7

發表於 2020-4-1 18:37:20 |顯示全部樓層
價錢牛頭角東海正常些,玩珊瑚始终車始品, 燒銀紙玩意,靓過的炒高, 或留! 有得玩要感恩珍惜

Rank: 7Rank: 7Rank: 7

發表於 2020-4-2 16:53:21 |顯示全部樓層
aquazone 發表於 2020-4-1 18:37
價錢牛頭角東海正常些,玩珊瑚始终車始品, 燒銀紙玩意,靓過的炒高, 或留! 有得玩要感恩珍惜{: ...

謝謝C兄, 不過東海唔近我, 而且佢好早關店的有D珊瑚品種唔算奢侈品, 要不是燈壞了, 6吋波羅釘都養左3年.
有得玩應該要感恩珍惜, 如果一直加價到玩唔起就唔關我事了

Rank: 7Rank: 7Rank: 7

發表於 2020-4-2 22:40:14 |顯示全部樓層
本帖最後由 小魚毛 於 2020-4-2 22:40 編輯

其實一路都係正常價。

珊瑚平貴唔係單純由舖頭定價,更重要係來自貨價格,珊瑚o既來源地係決定佢定價o既主要因素澳洲貨,運費貴,定會自然高,印尼貨運費平,自然都抵買好多。

東海主要買印尼珊瑚,如果你見過佢啲澳洲珊瑚,就會發覺佢o既價錢一樣好唔「親民」(雖則價錢仍然平過FS好多),另外,東海對面o既宏達近半年都返過兩次印尼人工珊瑚,價錢都質素都好驚喜,不過幾個月至返一轉,樓主要自己留意收風。




Rank: 7Rank: 7Rank: 7

發表於 2020-4-2 23:18:08 |顯示全部樓層
講返魚街。

由旺角道數落去。怡輝大廈樓上有間有鹹有淡,器材同軟珊瑚都有賣;啟運皓海其實都有珊瑚賣,不過唔算多;魚宮隔籬都有一間,不過成日都唔開,好似己經⋯⋯啟運對面樓上美人魚主要係賣澳洲珊瑚,價錢平極有限;美人對面都一間新開o既珊瑚舖貨源同品種都幾多樣,可以望望。再行落去就應該係英榮樓,二樓梯口第一間(舖名唔記得),主要係軟珊瑚,印尼、菲律賓貨多,價格合理,貨色一般。最後係隔籬間南太平洋,佢o既貨源都主要係呢自南太平洋,應該係獨家貨,價錢介乎澳洲同印尼之間,種類同質素都唔錯,唔介意服務態度o既話,值得一去。

Rank: 7Rank: 7Rank: 7

發表於 2020-4-3 10:20:43 |顯示全部樓層
小魚毛 發表於 2020-4-2 23:18
講返魚街。

由旺角道數落去。怡輝大廈樓上有間有鹹有淡,器材同軟珊瑚都有賣;啟運皓海其實都有珊瑚賣, ...

謝謝師兄用心的回答, 但東海去不了
我指的價格升得多, 原因係4年前與現在, 由百幾升到而家五百左右 [有心可自行查得返之前價, 我指都係同4吋左右, 質素一般的豬肉豬腰多隻細茹大茹等平價貨]
以之前來說, 我最貴都只係買過七百八百隻, 我知道來貨貴的係較重要的原因之一, 但如果你認為4年加幾倍係正常, 我只能退出珊瑚行列了, 因為我深信很快我玩不起了.
其他平價與獨家貨的店,有空我會先去一去的, 還有查到通菜街196號的自由價格也比較親民.
最後只能說平有平玩,貴有貴玩, 我有能力都會支持下貴野, 更希望富家子弟可以咁做, 珊瑚業與玩家一同延續下去.




補充內容 (2020-4-3 11:07):
本來的輝大廈樓上有間有鹹有淡 - 更改 新自由新地址 [高達咩 >.<]
本來的啟運對面樓上美人魚 - 更改 新美人新地址
唔知點解改地方都加左[新]字,舊地址應該無用了...

補充內容 (2020-4-3 11:32):
本來的輝大廈樓上有間有鹹有淡 - 更改 新自由新地址 <---打錯左... [新人氣] 先啱

Rank: 7Rank: 7Rank: 7

發表於 2020-4-3 11:27:59 |顯示全部樓層
「新自由」我唔清楚,不過美人十幾年前喺砵蘭街舊舖己經係用「新美人魚」呢個名,所以估計唔係搬舖轉新名,而可能係借用以前啲「名店」個舖名,加上「新」字上去以免混淆或者侵犯版權。香港好多叫「新XX」o既舖頭(特別係食肆)都係咁樣改名。

Rank: 7Rank: 7Rank: 7

發表於 2020-4-3 11:57:13 |顯示全部樓層
本帖最後由 小魚毛 於 2020-4-3 11:59 編輯
loin20409 發表於 2020-4-3 10:20
謝謝師兄用心的回答, 但東海去不了
我指的價格升得多, 原因係4年前與現在, 由百幾升到而家五百 ...

鹹水生口嘢本來就係海鮮價,魚係咁,珊瑚就更加!

本地好多魚友眼中只有舖頭同$,一見到定價貴就話舖頭搶錢,但須知其實價格唔係完全由舖頭決定,供求情況往往會有更大o既決定因素。

十年前我啱啱跳海,啲扣係一大嚿石生滿晒咁呢賣,而家就遂粒遂個頭咁計錢!扣算係粗生o既珊瑚,除咗少量罕有品種之外,其實佢o既供應一路都好穩定,價格上升原因主要都係因為多咗人玩,需求上升咗。

相反,有啲珊瑚以前經常都有貨返,但慢慢就絕跡市場,你想再買都搵唔返,我相信唔係無人要無人入貨,而係嗰品種可能被「濫撈」而瀕臨絕種,或者被當地政府禁止出口。呢個就係供應影響來貨。同一批貨同一品種,貨量多定價就會平啲,相反如果返得一件o既話因為唔憂賣,舖頭就會標高啲價。如果你話舖頭咁樣係謀取暴利,咁一大批貨賣剩o既貨尾割價清貨又點計?


Rank: 7Rank: 7Rank: 7

發表於 2020-4-3 13:03:09 |顯示全部樓層
loin20409 發表於 2020-4-3 10:20
謝謝師兄用心的回答, 但東海去不了
我指的價格升得多, 原因係4年前與現在, 由百幾升到而家五百 ...

近年比較少玩LPS,唔敢亂分析你講o既豬腰市價,如果你比較過貨源、size、品種之後定出咁o既評論,大概都唔錯得去邊。

不過以自己觀察, 咁多年呢,魚同珊瑚價雖然都係升多過跌,但就算以自己所知呢十年間,總體呢講都無話相差四五倍咁多,一至兩倍就好普遍,咁其實同通脹都差唔多。

無疑,珊瑚啲確係奢侈玩意,但貴在器材投資,開好缸之後,活體價格其實平過FOT好多,傷亡都比FOT少,平有平玩絕對唔難,唔買四寸搵一兩寸買,舖頭貴就幫ching收,唔好心急要即刻打爆個缸,慢慢咁玩o既話一定有排你撐落去。

Rank: 7Rank: 7Rank: 7

發表於 2020-4-3 13:09:55 |顯示全部樓層
小魚毛 發表於 2020-4-3 11:57
鹹水生口嘢本來就係海鮮價,魚係咁,珊瑚就更加!

本地好多魚友眼中只有舖頭同$,一見到定價貴 ...

看來我的回覆令你產生不少誤解了.
首先, 我這貼的目的大多被你解決了[找尋合適我購買的珊瑚鋪]
其次, 要平我就只能等魚友放, 而不是去珊瑚鋪買, 一些專業魚友除外[不過品質一般較好]
最後, 回文所說的都是事實, 如果真的5年左右加幾倍[2~3倍], 10年後還能有多少新手加入呢?
養海水是開心事, 有人能發明減少換水到極限又能養好的就更爽了.
但我不想日後海水變成[有錢人]的玩意, 只是想表達一下而已, 如果你不是[有錢人]的一方, 會明白吧?


Rank: 7Rank: 7Rank: 7

發表於 2020-4-3 13:17:26 |顯示全部樓層
本帖最後由 loin20409 於 2020-4-3 13:18 編輯
小魚毛 發表於 2020-4-3 13:03
近年比較少玩LPS,唔敢亂分析你講o既豬腰市價,如果你比較過貨源、size、品種之後定出咁o既評論,大概都唔 ...

如上文所說[6吋以上的波羅釘養了3年], 穩定後我都一陣子沒買了, 因為買了數千元平價貨, 也死了千多元平價貨後.
近2年左右都沒怎麼加了, 因此新缸後, 一去魚街後看到都是平價貨都貴了那麼多,才有這POST 的出現.

Rank: 7Rank: 7Rank: 7

發表於 2020-4-4 10:25:25 |顯示全部樓層
本帖最後由 小魚毛 於 2020-4-4 10:26 編輯

看來我的回覆令你產生不少誤解了⋯⋯
如果真的5年左右加幾倍[2~3倍], 10年後還能有多少新手加入呢?

⋯⋯但我不想日後海水變成[有錢人]的玩意, 只是想表達一下而已, 如果你不是[有錢人]的一方, 會明白吧?


其實可能係樓主誤會咗我意思至真。人老咗,口水花都多咗,好容易噴錯隔籬;樓主或者其他魚友請勿對號入坐。

我所講o既只係自己眼見本地魚界獨有o既現像:視貴價魚舖為十惡不赦、人人得而誅之。台灣以至內地論壇都無咁o既風氣,當然佢地都會格價,但唔會仇視個別o既店舖。我唔知呢類魚友背後o既動機係咩:抱打不平?發動網上群眾壓力迫使魚舖調整價格?定抑或根本係其他魚舖o既打手抺黑同行⋯⋯

講真,香港魚街馳名中外數十年,但係點解到而家本地o既水族市場都係一池死水咁?魚舖呃呃氹氹、膛得就膛o既做生意手法當然難辭其咎;但魚友唔理好醜,一味要平o既消費習慣亦都有推波助瀾,否則都唔會有「集中營」呢啲咁o既「魚間地獄」出現。

業界養魚養珊瑚o既技術其實單單呢十年八年間己經提升不少,唔單止成本下調,飼養難度亦都大大減少,但點解只係香港呢到o既水族市場收縮倒退?我唔相信呢個係價錢問題--魚舖只係識收錢,並且深信魚友交多啲學費,佢地至可以有多啲生意⋯⋯魚友積累太多失敗經驗,於是個個都話得鹹水魚好難養,養珊瑚就更加mission impossible⋯⋯

我當然唔會土豪咁叫人「無錢就咪玩」,但玩珊瑚的確係燒錢玩意--有錢唔係萬能(唔會齋洗錢就咩都可以養到),但無錢就萬萬不能(淨係個過濾系統都要求高過FOT好多、水冷、燈俱又話唔少得⋯⋯);所以要慳錢就一定要精打細算,而精打細算唔一定單單指格價,更多更重要應該包括你能夠對所有硬件同生物有關資訊o既準確掌握(嗰件器材啱唔啱你個缸用?嗰件生物你個缸養唔養到?),呢方面除咗自己做功課之外,一間認真服務o既舖頭就可以幫到魚友洗少好多冤枉錢走少好多冤枉路,而服務態度呢家嘢,通常都好難跟平價同步出現⋯⋯

你虛心向人請教,我遇過唔止一間o既老闆會好認真咁同你討論分析、拆解問題,甚至介紹你去邊度邊樹(唔係幫趁佢!)買啲咩嘢;但我見過更多老闆同sales,三句唔埋兩句就叫你幫佢買咩買咩⋯⋯所以我唔係反對魚友去格價,相反呢個係必須o既基本動作,但要知o既就係:最平嗰件貨未必啱你玩,最低價嗰間舖未必畀到適合你o既服務。當中o既差別,一定只有你自己去睇過問過至會知道。


Rank: 7Rank: 7Rank: 7

發表於 2020-4-4 10:31:02 |顯示全部樓層
本帖最後由 小魚毛 於 2020-4-4 10:31 編輯

養海水是開心事, 有人能發明減少換水到極限又能養好的就更爽了.

其實一整缸過濾系統o既設定目標,就係幫魚友減少換水o既次數同水量。

所以可以話,我地己經有咁o既技術,但問題係:人都係貪心o既,無人會滿足於一大個缸養幾條魚毛幾件珊瑚,否則o既話,莫講話唔換水,化氮都可以慳翻!又或者可以調翻轉講,如果你肯日日換水咁去服待個缸,可能會咩過濾都可以慳翻!!


Rank: 7Rank: 7Rank: 7

發表於 2020-4-4 10:47:11 |顯示全部樓層
loin20409 發表於 2020-4-3 13:17
如上文所說[6吋以上的波羅釘養了3年], 穩定後我都一陣子沒買了, 因為買了數千元平價貨, 也死了千多元平價 ...

其實以往仲有幾個本地海水論壇o既日子,要搵全港魚店o既名單唔難,不過時移世易,惟有自己摷多啲望多啲。

漏咗一間,雖然唔係樓上舖,但算係喺魚街附近o既老店:亞瑪遜,雖然位置吊腳(花園街界限街交界,近警察體育會),但器材同生口嘢都唔少,特別係葵同皮,價錢亦都合理,老闆亦都肯同你交流。行開魚街o既話,值得過去走一轉。

Rank: 7Rank: 7Rank: 7

發表於 2020-4-4 14:15:06 |顯示全部樓層
小魚毛 發表於 2020-4-4 10:25
看來我的回覆令你產生不少誤解了⋯⋯
如果真的5年左右加幾倍[2~3倍], 10年後還能有多少新手加入 ...

你自己睇返自己打ge 內文, 讀多一次, 你可能會明白點解我話[看來我的回覆令你產生不少誤解了⋯⋯]
你無誤會點會有咁多感想同感觸呢? 就算唔係完全的誤會, 少少誤解已經發生了.

我再說多次[我這貼的目的大多被你解決了[找尋合適我購買的珊瑚鋪]] 早知咁問會令人誤解,我就應該加請pm 地址給我.
不過, 一咁講又可能一個pm 都收唔到, 真係好煩. 我近日已經咁問了不少c兄, 都無咩人pm我才發post 的.

最後, 我唔係唔會買貴野, 太貴一定唔會, 不過金火祡呢d 唔買咁大都打算入的.
而且, 貴野無哂, 似我咁ge草根仲點可以係土豪c 兄度入flag??? 無珊瑚鋪入, 無人會有.

但我而家重開缸, 第一,二件珊瑚想要平嘛, 新手一樣的, 太細又難養, 大的平野都賣5,6百, 有鬼玩?
中貴個d 如金火祡呢d , 一年後等我個缸穩定返會再睇返呢個post 的...
http://www.seafishzone.com/forum.php?mod=viewthread&tid=148089
我已經比上面網的那間黑店洗多左唔少錢同時間同心血了, 小魚兄, 你體諒下我吧

不過皮革再平都唔會入, 呢度有c兄話有皮要放炭會安全d, po4x4我買開, 但炭有其他問題唔打算買.
http://www.seafishzone.com/forum.php?mod=viewthread&tid=36126
我好感謝師兄肯回答我問題, 給我平,中,貴珊瑚店[雖然現在平的最重要], 因為咁, 我才能繼續下去...
您需要登錄後才可以回帖 登錄 | 立即註冊

Archiver|手機版|SeaFishZone 海水領域™

GMT+8, 2024-3-29 10:27 , Processed in 0.043479 second(s), 11 queries , Gzip On.

Powered by Discuz! X2

© 2001-2011 Comsenz Inc.

回頂部