PO4 值0.03 但生藻問題，求CHING指教

小魚毛

水測唔到唔等於唔關PO4事，因為生物石會吸附PO4，所以水無，石都會將之前吸咗o既PO4「放」翻出呢，遇上有藻就會利用生物石所釋放o既PO4繁殖，所以水中o既PO4低，藻仍然可以快速增長。

如果珊瑚有傷口（一般都係燒緊o既角），更加會見到啲藻直接喺啲骨上面生出呢，估計係因為珊瑚傷口腐化，轉化成PO4吸引藻類生長。不過你件千手唔似有傷，似係啲藻咁啱纏到上去。

小魚毛

試o下用「孤糕」search: cyano algae 或者cyano bacteria，就唔難搵到相關資料。cyano係指藍藻，亦即係指喺湖泊或者海邊出現o既紅潮，佢地係好簡單o既生物，繁殖速度快，唔會對其他生物直接構成威脅，但若果大量出現，就會搶去水中氧氣，導致其他生物缺氧而死。


華文ＲＴ友對佢地有好多叫法：妖苔卅紅苔卅鼻涕藻卅垃圾藻......玩得RT一定會同佢交過手，水源不淨、水流不足、生物石吸收了NO3\PO4、藻菌隨珊瑚或者珊瑚附著的石入缸，都有機會引發。雖然未必直接傷害到缸中生物，但個別珊瑚比較需求大量水流及光照，畀cyano大量覆蓋o既話，就有機會導致缺流卅缺光卅缺氧而死，所以對附佢地都唔可以嘆慢版。

小魚毛

Fungyiu 發表於 2019-12-18 17:03
同你一樣 有日開大左白燈 就開始爆呢啲藻...
第二日即刻較番細白燈換水，但都係慢速生緊
求解決方法 ...

針對翻cyano爆發成因，先要改善水質：用純水或者𩟘餾水代替水喉水，減低缸水o既NO3\PO4；加強造流；洗石刷石；入缸前做足Q石同dip珊瑚o既步驟，都可以減少爆發o既機會。

但因為太粗生太易繁殖，所以要完全避免相信係無可能。廠家係有出化學藥品對付
cyano，不過玩RT我自己就傾向玩「自然療法」。河大提過o既TM、7仔水、鯊魚菌種自已無用過，估計都係改善水質o既益菌。不過最近睇翻一位台灣sps達人同大陸網友交流，討論到兩KZ同Aqura Forest兩大系統o既用法同心得：
台北老齊硬骨缸 (2018.1.03, 三年零ㄧ天)
當中有提到KZ有一隻菌水:
「Cyano Clean: KZ 新產品，專門對付 紅泥藻 或説 cyano bacteria。其原理是利用 KZ 培養之益菌強力壓制cyano 菌。和Coral Snow混合使用效果更佳，但有時需連續使用數週辶之久。KZ另有一產品 A-Balance，也以處理Cyano為主，不過我至今沒用過。使用A-Balance可能有毛縮短現象。」

小魚毛

我唔係KZ粉絲，Coral Snow同A-Balance都無用，不過Cyano Clean就有用開，平時每星期一滴(100L水)，主要目的係去除雜草，睇翻達人提示，至醒起原來係「去除雜藻」至真，即刻喺換水後用雙倍份量－－兩滴落缸，困擾兩三個月o既鼻涕藻問題立即減退，三星期後完全絶跡。
我唔敢講話絶對有效，因為我另有一個１２寸細缸有紅苔問題，都搞咗半年，試用CC四星期，至今都只可以話情況有改善，未完全解決問題，我相信每個缸o既情況都唔同，無話會有一枝神仙水可以咩都搞掂晒。不過喺本地深入討論養珊瑚o既資訊買少見少，KZ同Aqura Forest都變成極少極少眾玩意。希望通過Cyano Clean呢類通用性o既產品，鼓勵更多玩家試o呢兩大牌子o既出色Product。