魚同魚會唔會做朋友

小魚毛

有趣的題目！

o係自然珊瑚礁內，生物的密度比起其他自然環境高得多，佢地彼此之間產生互動的情況亦會多好多，未必就會好似人講咁產生感情卅友情，但肯定可以發展成謀種形式o既「社交關係」，否則就唔會有共生（eg.小丑VS海葵、槍蝦VS古Ｂ）或者合作（醫生魚VS其他魚）咁o既情況出現。

自己都試過放條吊同狐狸落Q缸，兩條魚無耐就變成出雙入對，但最終條吊過唔到關，o係撈走條吊前，我發覺條狐狸不停咁o係條吊身旁守候徘徊，場面旳確人，但我諗條狐狸未必知道咩係「死亡」或者「悲哀」，只不過因為害怕陌生環境而同其他魚形成互相依賴，佢o既舉動只係呢種關係o既延續。

但無論有無感情存在都好，珊瑚魚呢種跨科跨種族o既互動，o係冷血生物界別中就應該難見有相近o既例子（起碼淡水魚就唔見有咁o既情況），所以我相信珊瑚魚o係呢方面o既進化，係比好多生物都「先進」得多。