請選擇 進入手機版 | 繼續訪問電腦版

海水領域 SeaFishZone

 找回密碼
 立即註冊
查看: 22895|回復: 11

火焰仙分享篇 [複製鏈接]

Rank: 9Rank: 9Rank: 9

最佳新人 活躍會員 熱心會員 灌水之王 突出貢獻 優秀版主 論壇元老 開網功神

發表於 2012-2-24 21:13:10 |顯示全部樓層
小弟很喜歡火焰仙, 對他有種很特別的感覺. 相信不少FOT或RT玩家都對它又愛又恨. 愛, 因為佢火紅色彩很搶眼, 又活潑, 喜歡四圍游, 又唔怕大魚, 病痛很少, 體格比其他小仙科來說夠強健, 又唔係貴. 恨, 因為有魚友經驗話火焰仙很易突然猝死, 開口難.

小弟開始養海水魚時不久, 便在某魚店買下第一條火焰仙, 小弟當時很開心, 條魚眼仔look look, 好可愛, 快快返家對用桶開鹽水. 因為個桶很淺, 只有5吋高 (10L), 水我開得很滿. 為左唔想條魚跳出, 我用一塊板蓋住個桶, 打氣, 只剩下一個半吋開口梳氣, 但都幾黑仔. 第日一起身, 打開塊板, 條魚唔見左……原來條魚在那半吋開口跳左出離……就甘就冇左$160. 雖然我都知火焰仙會跳缸, 但估唔到咁佢都跳倒, 所以如果其他魚友如果打算用Q缸或桶西起, 記得置頂.

除這條之外, 其他三條都很順利. 都養到一兩年. 只有一條是無故猝死的. 個人經驗, 火焰仙喜歡四圍游的性格令牠在落缸的情况下容易開口過西起的. 所以如果魚友西起數日的火焰還不開口, 不妨放佢落缸, 你越唔理佢唔西起佢, 佢就越開心越想食野.


火焰出產地很多, 所以價錢很穩定, 大魚細魚同價. 香港賣出的多在東南亞地區如白巟等地方, 聖誕島或夏威夷也出產火焰仙. 一條靚的火焰仙, 除了紅色要夠鮮外, 黑色的紋越多越少有. 好態的火焰仙會好留意四周的人和事物. 人行過佢會左望右望, 好似唔會停下靜靜地.

火焰仙不偏食, 放什麼糧都食, 不過為左佢健康, 最好餵菜糧多d. 除粒粒外, 市面有急凍糧專為小仙而設. 不過小弟試過這美國出品的急凍糧, 火焰好似唔係好食, 返而食大仙的海綿糧. 不過無論佢食邊隻, 定期食急凍糧對魚兒健康有很大幫助. 有機會減少無故猝死的可能. 養耐左的火焰仙有機會退色, 小弟也對魚兒退色有少少研究. 退色問題也有分容易和難搞, 要看魚種而定. 火焰仙的紅色比歇易搞. 只要定期餵Cyclop-eeze 蝦紅素, 兩星期後就好快紅返.


不論FOT或RT, 火焰仙對細缸玩家來說十分吸引, 因為火紅色的小仙魚長大的速度也很慢,SIZE也不會很大. 公成魚在野外最大最大只有5吋, 乸只有4吋或更少. 平時在魚店買到的SIZE是分不出公乸的.

火焰仙不是RT的專利, 我的FOT以前只有珊瑚骨, 有幢仔有藍面太后, 只要有山洞, 一樣養到. 火焰仙游水快, 體格粗,冇大魚可以打到佢, 所以魚友可以放心, 火焰好少俾人打到傷晒的. 淡水浴及銅藥對這小仙絕對冇問題.
很多魚友都只養一條, 因為火焰仙對同類有抗拒性, 但也有養多過一條的成功例子, 如果缸有300L或以上, 有很多石和山洞, 或一齊買, 一條大一條細或已一對. 如魚缸有700L, 更加可以養數條, 最大的會變公, 其他乸.

火焰仙層經有成功在魚缸生蛋, 現在也有魚場成功繁殖, 希望日後會更加普及.

論壇元老

學師仔一名

Rank: 7Rank: 7Rank: 7

最佳新人 活躍會員 熱心會員 灌水之王 論壇元老

發表於 2012-2-24 21:33:42 |顯示全部樓層
又學到嘢!
非常詳細。
我試過養過2條開口,不過都係突然屎亡。

Rank: 9Rank: 9Rank: 9

最佳新人 活躍會員 熱心會員 灌水之王 突出貢獻 優秀版主 論壇元老 開網功神

發表於 2012-2-26 13:18:02 |顯示全部樓層
光頭仔 發表於 2012-2-24 21:33
又學到嘢!
非常詳細。
我試過養過2條開口,不過都係突然屎亡。

師兄,你餵spirulina formula做主糧再試下,我養多過兩年架。

論壇元老

學師仔一名

Rank: 7Rank: 7Rank: 7

最佳新人 活躍會員 熱心會員 灌水之王 論壇元老

發表於 2012-2-26 20:44:09 |顯示全部樓層
G-force 發表於 2012-2-26 13:18
師兄,你餵spirulina formula做主糧再試下,我養多過兩年架。

四哥版大:其實我真係好想再養火焰,不過以經輕生咗2條,自己知自己事,唔想再因鐘意而令D魚無謂嘅輕生。

論壇元老

越嚟越咸

Rank: 7Rank: 7Rank: 7

論壇元老

發表於 2012-2-26 22:16:54 |顯示全部樓層
我岩岩入左條1.5吋,14日後入左缸,,但比虎紋仙打到飛起,E+困左條虎紋,希望佢唔好收口快高長大啦!
24RT~主要一皮革,千手,紐扣,acan

Rank: 7Rank: 7Rank: 7

發表於 2012-8-14 11:25:16 |顯示全部樓層

Rank: 7Rank: 7Rank: 7

發表於 2012-12-14 14:15:13 |顯示全部樓層

Rank: 7Rank: 7Rank: 7

發表於 2013-7-5 00:45:15 |顯示全部樓層
火焰仙實在太靚啦。
唔知FOT 要配合生活石會好D??

Rank: 9Rank: 9Rank: 9

最佳新人 活躍會員 熱心會員 灌水之王 突出貢獻 優秀版主 論壇元老 開網功神

發表於 2013-7-21 14:37:06 |顯示全部樓層
020183723 發表於 2013-7-5 00:45
火焰仙實在太靚啦。
唔知FOT 要配合生活石會好D??

係好d

Rank: 9Rank: 9Rank: 9

最佳新人 活躍會員 熱心會員 灌水之王 突出貢獻 優秀版主 論壇元老 開網功神

發表於 2013-7-21 14:38:49 |顯示全部樓層
光頭仔 發表於 2012-2-26 20:44
四哥版大:其實我真係好想再養火焰,不過以經輕生咗2條,自己知自己事,唔想再因 ...

我條已經快四年啦,加油

Rank: 7Rank: 7Rank: 7

發表於 2014-10-31 03:04:07 |顯示全部樓層
請問火焰仙放入RT,會攪啲珊瑚嗎

Rank: 6Rank: 6

發表於 2014-11-11 18:20:28 |顯示全部樓層
C兄的分享好正,謝謝C兄
您需要登錄後才可以回帖 登錄 | 立即註冊

Archiver|手機版|SeaFishZone 海水領域™

GMT+8, 2024-7-19 20:05 , Processed in 0.041266 second(s), 11 queries , Gzip On.

Powered by Discuz! X2

© 2001-2011 Comsenz Inc.

回頂部