魚越養越瘦

小魚毛

水質如果有問題，通常都係珊瑚有事先。

珊瑚缸本來應該小餵，所以如果小丑同火箭吊OK，咁樓主餵食次數應該算合適。

樓主新魚係咪都係吊？因為黃吊藍吊都係「大食積」，你見佢地成日通缸衝，就知佢地比一般魚食多、遊多，痾多，所以佢地食量都比其他魚多，但o係RT入邊少餵食o既情況下，只要有足夠o既生物石，條魚靠食石上o既苔同藻，都應該可以飽肚，但係如果你係玩「清缸」或者少石o既話，咁餵食量上邊就要增加呢平衡翻，而且片糧或者紫菜之類o既「素菜」就更加唔少得。

重有樓主似乎偏好細魚，要留意２寸以下o既黃吊同藍吊其實仲係ＢＢ，幼魚o既餵食必須「小食多餐」，每日餵一至兩次係起碼，所以樓主可以試揀２寸半以上o既黃吊同藍吊，呢啲成魚已經識得自己搵食，餵少啲都無問題。