新手開缸問題

sunkenny27

小魚毛 發表於 2021-7-11 18:15
就咁睇唔明，唔想亂估，放咗相先。

用高級模式發表回覆，就咁直接copy & paste張相落對話框就得 ...

師兄, 唔好意思, 因為唔識用所以 D 相放得有點亂, 唔好見怪

小魚毛

係咪要封左下面等啲水淨係由上面入？

上水梳處理水面垃圾，下水梳處理缸底垃圾，各有分功，亦都可以提升過濾系統流速；除非你認為你個缸底唔會有垃圾，否則封咗下水梳只會係弊多過利。

唔同設計有唔同用途，每個缸每個用家o既情況亦都有分別，唔好瞌埋眼一味死跟。

小魚毛

係咪要放啲格仔板喺背濾底，再喺上面放生物環？
係，倉底要預留空間過水，格仔板可以避免啲環封死出水位，確保水流暢順。

背濾格與格之間有條通道，入面要唔要放野？還是留空等佢去水就可以？
一啲比較細o既濾材可以放入去，例如活性碳就可以放二三倉之間o既通道。

至於棉、化氮位置就要啲時間慢慢解釋，組織好再覆你。

sunkenny27

小魚毛 發表於 2021-7-13 00:26
係咪要封左下面等啲水淨係由上面入？

上水梳處理水面垃圾，下水梳處理缸底垃圾，各有分功，亦都可 ...

明白師兄解釋, 請問如果係咁下水梳流入既垃圾過唔到白棉, 會唔會有好大問題?

小魚毛

sunkenny27 發表於 2021-7-13 13:42
明白師兄解釋, 請問如果係咁下水梳流入既垃圾過唔到白棉, 會唔會有好大問題?

棉同化氮都屬於機械式過濾，處理較大或者顆粒狀o既廢物，至於溶喺水o既污染物，就要靠環、硝化菌、碳⋯⋯去處理。

我知有FOT玩家會將化氮放二倉，一倉放環，但如果依照上述分功，機械式過濾應該係第一步，先處理水中懸浮o既顆粒垃圾，處理唔到o既水中污染物，至交環去處理。如果調翻轉，咁其實大嚿垃圾會先積聚喺環度，降低化氮效能⋯⋯所以我都唔明點解要將化氮放二倉，或者要問翻嗰批FOT玩家至知。

至於白棉問題，其實佢同化氮功能一樣，不過係以低成本密集式人手操作清洗，所以就算無棉，只要set好化氮，keep住清洗收集杯，效能唔會打折。

至於化氮頂住上水梳問題，其實玩親背漏第一倉放化氮都係咁情況，唔會阻到水，放心。

小魚毛

sunkenny27 發表於 2021-7-13 13:42
明白師兄解釋, 請問如果係咁下水梳流入既垃圾過唔到白棉, 會唔會有好大問題?

重點在於定期清洗白棉，積咗垃圾唔洗，白棉阻截到o既啲污染物就會溶翻入水，咁白棉就等於失效，亦都會加重其餘過濾系統o既負擔。

所以唔好諗住人有我有。你可唔可以做到合適o既維護功夫其實更重要，如果你塞到啲棉落到倉底去阻隔垃圾，但好難至拎翻出呢清洗，咁不如唔好用棉，就咁交畀化氮去做，寧願密啲洗化氮杯可能更方便。

小魚毛

上水泵係個缸o既心臟，盡量有大買大，唔好慳呢嚿錢。
你仲有大把位，買過隻大啲好啲o既泵，呢個留翻做後備或者要呢幫手換水。

sunkenny27

小魚毛 發表於 2021-7-13 00:37
係咪要放啲格仔板喺背濾底，再喺上面放生物環？
係，倉底要預留空間過水，格仔板可以避 ...

好的, 咁我買定D格仔板先, 唔該師兄

sunkenny27

小魚毛 發表於 2021-7-14 00:32
棉同化氮都屬於機械式過濾，處理較大或者顆粒狀o既廢物，至於溶喺水o既污染物，就要靠環、硝化菌、 ...

我都係見有好多其他師兄通常做法係第一格放白棉, 下面生化棉或者放生物環, 再將化氮放第二格, 我就以為普遍做法係咁, 但係以我個缸尺寸, 咁做真係唔多位置放生物環.同埋我初時會以為大型垃圾一定要經過白棉先, 如果入左化氮會容易壞, 而家就知原來都無問題既.

咁可以試下跟師兄呢個方法看看效果. 即係連白棉都可以唔洗用.

sunkenny27

小魚毛 發表於 2021-7-14 00:41
重點在於定期清洗白棉，積咗垃圾唔洗，白棉阻截到o既啲污染物就會溶翻入水，咁白棉就等於失效 ...

我係擔心唔過白棉會容易整壞個化氮, 如果密D洗個收集杯應該唔係問題, 我見個收集杯有個口可以倒污糟野出黎, 應該唔難既, 唔該師兄

sunkenny27

小魚毛 發表於 2021-7-14 00:55
上水泵係個缸o既心臟，盡量有大買大，唔好慳呢嚿錢。
你仲有大把位，買過隻大啲好啲o ...

呢個係收個缸果陣跟埋比我, 係呢個型號:
[color=rgba(0, 0, 0, 0.8)]【#Sicce 1.5 】 - Syncra Silent 0.5 Aquarium Pump / [color=rgba(0, 0, 0, 0.8)]最大流量：1350L/H
[color=rgba(0, 0, 0, 0.8)]如果買大D, 請問建議買幾多流量? 或者有無邊隻牌子比較好?
[color=rgba(0, 0, 0, 0.8)]唔該師兄

小魚毛

可以考慮NEWA Jet 1700, 2300, 3000，3隻型號同一szie，你第三倉夠放有餘，最大流量：1700~3000 L/H，效果會好過你個1350好多。

sunkenny27

小魚毛 發表於 2021-7-14 23:10
可以考慮NEWA Jet 1700, 2300, 3000，3隻型號同一szie，你第三倉夠放有餘，最大流量：1700~3000 L/H，效果會 ...

收到，清楚晒，唔該師兄
想問生物環買sera 可以？我見有分15mm同25mm，我背濾咁細係咪買15mm就夠喇
FOT用鹽係咪是但一隻都可以？

Kei12

樓主

純粹分享, 我之前都係背瀘缸, 都係60x40x40, 我係ROT, 而LPS 都養得唔錯, 我諗肯花時間/心機係可以養到ROT, (錢當然都要, 但我無記錯, 所有設備連缸連櫃, 我用左1萬元以下)

我既經驗係:
- 背濾格細，放唔到勁化氮
- 日子耐左， 背濾好易積左好多污物，難清洗而且會NO3 爆燈, 到時你就算落藥水/ATS/豆機都難減
- 缸細, 造流造浪都會較大, 對於一d 要低流珊瑚較難處理

但其實都可以養ROT, 我自己：
我設備係:
Ｍini 200 日生水冷 = $1300
BMQQ 化氮  = $200
平價燈 Reefsky = $1000
ATS 盒 = 好平
魚缸+櫃 = $600+$540
造浪捷寶RW4 = $200
水泵中科 = $300
暖管= $200
死石 = $300
淲材 = $900
仲有D 濕聲野 = 光學鹽度計 / 水質測試劑 ...
總數係1萬元以下, 但唔記得加埋係幾好多千

另外:
1. 勤換水
2. 用RO水
3. 一年抽哂d 所有濾材/石, 主部輕輕清一次, 之後再砌過個景 (要好小心, 因為會對菌/水, 震動好大)
4. 我一開始有沙底, 後期清左, 方便打理

都叫養到, 唔差, 未算超好.

btw 我都係新手, 學習中
另外, 借帖多謝小魚毛師兄, 每次都非常詳細/有心咁解答!

Kei12

不算很好, 但能養活

sunkenny27

Kei12 發表於 2021-7-15 23:54
樓主

純粹分享, 我之前都係背瀘缸, 都係60x40x40, 我係ROT, 而LPS 都養得唔錯, 我諗肯花時間/心機係可以 ...

師兄你好，多謝分享，你個list好詳細，同埋你個缸好靚呀，不過我係超新手，感覺珊瑚有難度，希望養魚成功後可以接觸一下
RO水系統我自己無了解過，唔知屋企整唔整到
小魚兒師兄真係好有心，學到好多

sunkenny27

Kei12 發表於 2021-7-16 00:18
不算很好, 但能養活

想問下啲石可以喺邊度買？

小魚毛

sunkenny27 發表於 2021-7-15 00:44
收到，清楚晒，唔該師兄
想問生物環買sera 可以？我見有分15mm同25mm，我背濾咁細係咪買15mm就夠喇
FOT ...

我係RT缸，少用環，最近至試用Sera 隻Siporax玻璃環，因為惟一得佢呢一隻環可以降到NO3，啱珊瑚缸用。

我唔敢講話呢隻環最好，價錢亦都偏貴，FOT玩家亦都應該會有其它更勝價比高o既推介，不過一來你用量有限，二來將來轉RT都可以保留翻啲環，所以值得考慮。

照計你係細缸，的確應該用15mm細環，而且Siporax都唔見有25mm o既環係本地舖頭賣。

RT會比較注重鹽，因為對水質要求高。至於FOT，我見一般魚友都揀中下價o既鹽，所相信你揀隻平鹽都可以。

小魚毛

Kei12 發表於 2021-7-16 00:18
不算很好, 但能養活

Nice Tank！等你個四尺新缸照

另外, 借帖多謝小魚毛師兄, 每次都非常詳細/有心咁解答!
跳海咁多年，死傷無數，造孽太多，要積翻啲陰德啫