- 註冊時間
- 2012-1-12
- 最後登錄
- 2021-11-10
- 閱讀權限
- 100
- 積分
- 10141
- 精華
- 0
- 帖子
- 1091
  
|
本帖最後由 司空火兒 於 2013-1-15 22:07 編輯
桃花塢裏桃花庵，桃花庵裏桃花仙；
桃花仙人種桃樹，又摘桃花換酒錢。
酒醒只在花前坐，酒醉還來花下眠；
半醒半醉日復日，花落花開年復年。
但願老死花酒間，不願鞠躬車馬前；
車塵馬足貴者趣，酒盞花枝貧者緣。
若將富貴比貧賤，一在平地一在天；
若將貧賤比車馬，他得驅馳我得閑。
別人笑我太瘋癲，我笑他人看不穿；
不見五陵豪傑墓，無花無酒鋤作田。
其實一早已經有師兄get到我想講咩,請留意第一頁20#
短短5日,點擊率竟然高達6323次,即係平均每日有1264.6個人睇過,仲未計鄰網既點擊率,真係出乎意料之外,多謝各位既支持,亦都多謝一路以一打十的bluetang師兄,令到收視率捷捷上升,如果唔係,我相信冇咩人會留意小弟的無聊post,亦都希望會有更多師兄將小弟既post轉載到其他魚網,令更加多人聽到小弟既心聲)))))))))
首先同大家講句sorry先,其實呢個post唔係教大家養魚,而係教緊<理念>!!
我既用詞可能令到某些師兄聯想到另一種含意,在此再解釋一次.
神級師兄=係我專重一些唔知因為咩事而隱居/唔出聲既世外師兄.
功力 =就係好多神級師兄辛苦累積得出黎既經驗.
從前,我初入咸水時,每日收工都會第一時間上網打開海水佬魚網,睇下各位神級師兄既討論同比拼,雖然大家會就意見分歧而嘈到面紅耳綠,但我亦會去嘗試2位神級師兄的方法,結果原來2個方法都係得既,只係2位神級師兄唔願意放下成見去試下用人地既方法而已....
慢慢,一個又一個的矛盾開始出現,每個神級師兄都會有一班粉絲追隨的,當有一位師兄無言已對時..就會出現罵戰,繼而離開.....
之後就出現左好多個魚網,每個魚網都會盡量召募認同自己既人加入,去抗衡其他魚網,再開一堆分身去攻擊其他人既魚網.
其實各位神級師兄有冇諗過,眼下既新手,老手當遇到問題時已經好亂,但係仲要去到各個魚網發問問題...最後得出既答案竟然個個都唔一樣,試問佢地又點會成長呢??
我唔知道上一代既神級師兄發生左咩事而分化,亦唔想知道誰是誰非,我只係知道大家係時候放下成見,重新走返埋一齊帶領香港既魚友進步了,因為眼見世界各地的魚友不斷進步,而我地香港就一直原地踏步,活在罵戰之中...........
記得我仲係新手時,嘗試學Q魚,因為睇見好多師兄都會放唔同既器材落去,所以小弟亦加好多器材落去,濾桶,生物環,化氮,暧管,氣石,溫度計,PH錶,就連水冷機都用埋,但條魚都係幾日就死左,於是,我在魚網搵到個師兄幫忙,佢好好人,仲邀請我去佢度睇睇,佢都Q緊魚,仲Q左成個月都未死.但當我見到佢個Q缸時....我真係啞晒.......竟然係一個日本城既膠箱,1支暧管,1粒氣石同1支溫度計........即時請教師兄,點解Q魚只係得咁小野,連過濾系統都冇,竟然唔死既......師兄就笑住同我講:[Q魚係要多觀察,要經常留意佢既狀態,作出正確的治療,至於用唔用器材,睇個人需要而已,器材多當然係最好的,可以幫你節省時間,方便打理,但如果你真係咁忙又咁怕麻煩,咁又何必要養魚呢??養魚係需要好多心機同時間架,唔係開個缸掉堆魚落去,再掉D器材落去就得架,我覺得養魚重點係要將水質處理好...] 我再追問落去:[每日換水唔得咩??] 師兄再笑住咁答:[每日換水只會令到魚仔每日都要承受一定既壓力,而且你呢D唔係叫靚水,係叫做新水.靚水既準則對每個人都唔一樣,好難講到比你聽,當你有足夠既功力就會領悟到了....]咁點解師兄唔在網上發表你既理論啊??[魚網裡面個個爾虞我詐,大家唔岩聽就會比人鬧,咁我又何必要上去比人笑呢!!!]
之後我走了,突然覺得茅塞頓開,勝讀十年書,呢段回憶從此就深深打入左我心窩,自此,我就不斷嘗試同鑽研,加上師兄既幫助,我開始明白養魚既真諦,但過了半年,師兄要移民了,我亦痛失左呢位我最敬重既神級師兄了!!
人道問題:
火焰仙係好多人心目中都好鍾意既魚種之一,小弟亦好鍾意,所以大家既焦點都放晒落佢度,其實呢個主角唔係我搵的,如果當日bluetang師兄講太后,我一樣會買條太后的..假如今次用隻<輪蟲>黎做呢個實驗,大家又會唔會提到人道問題呢??如果1條魚能喚醒各位神級師兄放下成見,同舟共濟,齊心一意教導下一代既魚友,令大家唔好日日整死D魚!!我覺得佢係好有價值囉!!!
唔講大家可能唔知我每個星期都會倒一桶輪蟲落馬桶,因為要清理佢地既水,即係我每星期都要殺死左8-10億條生命了,又或者我太累,半夜1:00唔記得起身幫D小丑蛋出世,可能訓醒既時候又整死左幾百個小生命了,再黎就要得罪各位魚友了,試問大家養出1缸靚魚之前,又殺死左幾多條生命呢?? 古語有云: 一將功成萬骨枯!! 養魚既人根本冇資格講到人道問題的!!
放低經濟因素的話,如果香港真係立法唔准養野生魚的話,我亦都全力支持的(又搵到一個相同既觀點,我越黎越鍾意你了)所以我雖然工作繁忙,但都依然努力繁殖小丑魚,等大家嘗試唔玩野生的!!
最後都係多得bluetang師兄提議用火焰仙做實驗,而且仲不斷發放負面留言,令到收看率大增,真心講多句[多謝你](其實我好鍾意聽到負面既野,因為冇爭議,何來進步呢), 亦都多謝將小弟既文章轉載到鄰網既師兄,因為冇你既轉載,就冇可能將小弟既心意轉到隱居左既神級師兄耳裡,雖然鄰網99.9%既留言都係負面,又送上<專家><繁殖大王>既銜頭比我,更把小弟既文章進行2次創作,從來好野先會被人2次創作的,真係令小弟受寵若驚,估唔到一個80後既傻仔發佈左個無聊實驗,會得到咁多神級師兄既關注,仲要每日追住收看,每日討論,真心講一句[多謝晒]
歡迎各位師兄轉載到其他網站,令更多新手,老手,絕世高手,隱居左既神級師兄聽到小弟既心意,多謝晒各位
實驗還會繼續的,請每日收看,多謝
|
|
塵歸塵,土歸土,垃圾歸垃圾堆,廢物送去堆田區
發表於 2013-1-15 21:38:56
發表於 2013-1-15 21:40:15
