求現成缸或連櫃 推介

loin20409

不知道發那好,只好再在這求問了.今日去左魚街,算係睇中左幾款,都係30~36吋,養海水,會加骨或生物石[50KG以上]

1. victoria harbour 轉中文,只要前後字, 佢個缸包鋁邊, 2分半 但無加擔
2. galaxy hotel 轉中文唔要酒店, 佢個缸包鏡面, 3分 有擔
2間差唔多價錢, 想問這2間好唔好?
有1間聽說是黑店, 但都是被SALE貴野而唔係品質問題, 而且我價格OK, 反而擔心缸櫃品質問題出事...
我很少換缸的,上上個2手缸用了2,3年,上個2手用了5,6年[發現膠好像有點老化了],這次想戰鬥10年以上.
3. 用AA 套缸, 貴少少但算係有牌子. 不過係用膠櫃... 好擔心加多50KG後,幾年出問題...
4. 只買缸, 打算[NEW]華行買架... 缸會係FISH LOK 買... 請問呢間OK嗎?
如果有其他,請推介給我,如可以,最好講埋或PM大概價格給我,謝謝.

arfaifai

兩間都係黑店，岩晒新手幫襯，養海水魚你首先去爬下文，了解養海水魚缸既要求先啦，你估淨買個魚缸+櫃就養到咩，要配合器材架…

seaseafish

淘寶缸，唔知有冇師兄用緊，有冇推介？

loin20409

arfaifai 發表於 2019-10-15 14:22
兩間都係黑店，岩晒新手幫襯，養海水魚你首先去爬下文，了解養海水魚缸既要求先啦，你估淨買個魚缸+櫃就養到 ...

呃... 看來你無睇內文.
不過都多謝你的回應, 黑唔黑就唔太知, 維X銀X 有幾間, 佢地各有1間D SALE 的確係黑黑地,唔肥唔食.
但呢間銀X GE SALE唔覺有大問題, 現在我更想知道的是佢地D缸GE品質問題.
我養左6年以上, 養魚OK, 珊瑚就PX, 基本野咩都齊, 我打算自己整簡易抽先唔買滴漏缸而已.
而家仲諗緊用虹吸下水[似濾桶方式]或是其他.
而且現成缸又合我SIZE, 價格上又會更合理.
不知道你有冇其他意見可以幫到我?

loin20409

seaseafish 發表於 2019-10-15 19:47
淘寶缸，唔知有冇師兄用緊，有冇推介？

有睇過,不過有運輸問題,而且唔會比現成缸櫃平好多

arfaifai

loin20409 發表於 2019-10-15 22:46
呃... 看來你無睇內文.
不過都多謝你的回應, 黑唔黑就唔太知, 維X銀X 有幾間, 佢地各有1間D SALE 的確係 ...

我睇晒內文啦，我估你無咩耐性去爬文睇內文，依度D養魚老手見到你個題目及問題，根本都唔會理你，我得閒才答你兩句咋。
養魚ok . 養珊瑚就pk , 就証明你連基本養珊瑚要求都唔知啦, 你FOT缸基本NO3會好高，珊瑚基本承受唔到，換個新缸都係一樣。
你養左6年又如何？ 你既問題已經代表養得耐都無咩進步？銀河、維港、迪士尼、碧湖......同系列都係同一集團，產品一樣、造缸工場一樣，手法一樣 。
有底沙缸仲想用洪吸落水......攪清楚好處壞處先講啦，如果本身係普通缸又想保留繼續用，又想設置沙缸作過濾的話，主缸唔鑽窿，用洪吸箱係折衷方法，如果買新缸當然一步到位訂造滴漏缸啦。

loin20409

arfaifai 發表於 2019-10-16 10:52
我睇晒內文啦，我估你無咩耐性去爬文睇內文，依度D養魚老手見到你個題目及問題，根本都唔會理你，我得閒才 ...

多謝師兄解答我指珊瑚pk了，係因為好多養唔過1年，但圖係幾年前的，大菇及之後加的波羅丁可以養都成2年多，大菇我諗係被小丑玩死，因為次次比食物大茹或關燈休息收埋個身，小丑都沖入去咬或推返出來，波羅丁算係led 加少少水質問題。
我有睇過文養到呢2種珊瑚同醫生蝦，仲要開得靚，缸點都唔會差得去邊的，最少no3 應該合格。其他多珊瑚已死，最少開唔靚。
其他文也有睇，水流元素等等，但我想混養又唔太想成日清啡苔，而家人又喜歡喂食，叫左唔好，一返左工作佢又偷偷喂，所以加大左水造流，8000*2 ，珊瑚ab水每星期落少少，但無買tester去睇咩元素多或缺，我都知道咁對珊瑚唔係咁好，所以我諗我唔應該再養佢哋住。
最後，我只想講，我唔係無睇文，可能係睇左有d理解唔到（笨？！），或理解左又因個人或家庭問題做唔到。咁可以點，咪變fot lol...

loin20409

arfaifai 發表於 2019-10-16 10:52
我睇晒內文啦，我估你無咩耐性去爬文睇內文，依度D養魚老手見到你個題目及問題，根本都唔會理你，我得閒才 ...

(你話銀河、維港、迪士尼、碧湖......同系列都係同一集團，產品一樣、造缸工場一樣，手法一樣 。)雖然去現場睇過d 缸，玻璃膠邊木，櫃好似都可以，但係展示缸永遠是最好的，所以才想知道用家意見,如果你知道d就更好關於4, 魚樂呢間你點睇? 價差唔多，不過缸高身少少，係唔同廠整吧？
唔洗佢哋設計缸，所以呢d專業問題少左，我想知道stardand缸及櫃品質，因為36養養下，boom就真係pk,了。。。
對了，有關（簡易抽）,for懶人及有清潔癖ge人好合適用，係diy麻煩d...，所以我才想用虹吸或外滴漏下缸（會要穿洞）,現成缸多數是普通玻璃吧?再次多謝你用心睇同解答
https://www.ph84.idv.tw/forum/threads/53057/

arfaifai

2009 年....你不如用底喉架算，化氮器都唔駛
你攪唔掂家人，你養既缸永遠唔會成功, 養到菇同波羅釘就叫養到？基本上在香港海域都養到啦，粗生到不得鳥！
多魚多餵食，睇相片已經知NO3唔會合格啦，只是頂唔住既珊瑚先死姐，NO2同NO3係要求達到"0" , 你個缸起碼NO3 有5-10, 還有PO4 未計，菇唔同波羅釘唔需要餵，光照共生澡才是重點。

rickycmleung

淘

rickycmleung

淘寶缸, 我搞緊呀,120cm（约48寸）,貪佢40cm深,唔左地方,唔貴呀,人字2100。好平呀,不過沙缸唔高,个化氮要諗不計． 下星期尾集運到,到時shareD資料俾各師兄．
淘

loin20409

arfaifai 發表於 2019-10-16 15:47
2009 年....你不如用底喉架算，化氮器都唔駛
你攪唔掂家人，你養既缸永遠唔會成功, 養到菇同波羅釘就 ...

說得唔好,佢係大耳茹,聽賣的同一些珊瑚網友說一星期喂一點好更好[右上小丑玩緊個個],波羅釘無比野食佢
同埋想唔到10隻左右5CM 以內都算多魚 NO3 10以內算合格吧? 你說的0係完美了,正常環境都唔知做唔做到...
PO4 無大問題, 我有定期更換[PO4X4] ...
ANYWAY, 謝謝你的解答.

arfaifai

無話一定要達到【零】, 不過十幾條5cm既魚，餵飼產生出來既屎才是No3高既重點，單靠換水係無可能令no3長期保持低水平，除非你有草缸、滾豆機、沸石桶啦
大耳菇我當然見到啦，餵唔餵各有各說，不過都係餵生口又係增加過濾負擔！

seaseafish

好呀，麻煩Rickycmleung 師兄分享

小魚毛

玩十年？如果只求現成缸，肯定有難度。

我只玩過一個缸，啱啱就係十年前訂造o既，我都擔心會有膠邊老化問題，不過到而家Touch Wood都仲用到，係個櫃啲木皮邊起咗啲，同埋櫃門較生鏽啫。十年前兩尺背濾缸（三面水晶）連實木櫃造價四千，今日我諗一個doub都可能唔止，低唔低就見人見智。我信賤物鬥窮人，但唔信會有又平又襟玩呢會事。

小魚毛

關於NO3問題，樓主係咪用水喉水開鹽咁玩？係就無可能降到NO3。因為我地家居自來水o既NO3一般都有10以上，個別地區更可能去到30~40！咁樣你每次換水都只會加重個o既污染源，就算你個過濾系統再強都於事無補。如果你咁都keep到NO3 10，咁就真係本事。

不過你無驗過水，一砌都係靠估，咁樣其實都幾難有人幫到你，買盒試劑平過你買件珊瑚，呢啲錢無得慳，檢驗水質更加係玩珊瑚o既指定動作，再懶都起碼要知個缸o既NO3，PO4水平。

你投放入個缸o既＄、心血同時間，一定會同你個缸o既生物狀態成㠪比。

小魚毛

關於NO3問題，樓主係咪用水喉水開鹽咁玩？係就無可能降到NO3。因為我地家居自來水o既NO3一般都有10以上，個別地區更可能去到30~40！咁樣你每次換水都只會加重個o既污染源，就算你個過濾系統再強都於事無補。如果你咁都keep到NO3 10，咁就真係本事。

不過你無驗過水，一砌都係靠估，咁樣其實都幾難有人幫到你，買盒試劑平過你買件珊瑚，呢啲錢無得慳，檢驗水質更加係玩珊瑚o既指定動作，再懶都起碼要知個缸o既NO3，PO4水平。

你投放入個缸o既＄、心血同時間，一定會同你個缸o既生物狀態成㠪比。

loin20409

小魚毛 發表於 2019-10-19 00:30
玩十年？如果只求現成缸，肯定有難度。

我只玩過一個缸，啱啱就係十年前訂造o既，我都擔心會 ...

謝謝師兄解答.
有關現成缸, 我認為, 平係因為大量生產, 而訂製的就個人生產, 所以貴D都好正常.
而且魚缸唔同電腦, 魚缸較為造法簡易, 最少沒有電腦的WIN,開機系統問題.
所以, 大量生產時, 工人的熟練度反而比訂製的要好, 成為大家所說的[熟練勞動], 因此現成缸就不應該要求改東改西.
***同品質的材料下,我認為現成缸品質會更好,因為網上有些用AA套缸養淡水的10年以上也有幾個,最高的20年未壞***
AA套缸而又養海水的, 可以到[魚街海港]看看, 但不知道他們養了多久, 也不知道有冇漏過修過...
不過, 問題也在這裡, 大多數大公司大量生產, 所用的材料比較一般, 反而訂製的多數用的較好[一些奸商除外].
所以, 擔心品質一般而不能長用的我才想發問, 希望引來有相關的用家或其朋友給點使用後心得.

loin20409

小魚毛 發表於 2019-10-19 09:13
關於NO3問題，樓主係咪用水喉水開鹽咁玩？係就無可能降到NO3。因為我地家居自來水o既NO3一般都有10以上，個 ...

之前係直接開加上家人喂食問題, NO3也有CHECK 過下, 應該係20左右,有時可能再高一點點TIM.
個時D易養珊瑚都要成1~2日後先慢慢開, 而且開得麻麻地.
但因家庭問題, 後來買了簡單的2重過濾[煮食,養魚時用], 就沒怎樣CHECK了.
因為, 有用過濾後, 新買D珊瑚不同之前, 一放缸最多3小時之內就開得好大好靚.
*包括寶石花, 但係日夜都比小丑玩, 一開花就玩收花, 唔知死亡關小丑事定其他事了*
所以, 有幾種易養的SPS珊瑚同醫生蝦做反應, NO3應該問題不大...
不過如你所說, 日後再混養的話, 我會再買NO3,PO4 測試劑的.

之前用開的NO3試劑有D 似 #8 左邊的, 都係海水領域網, 直POST沒問題吧?
http://www.seafishzone.com/forum.php?mod=viewthread&tid=60603

小魚毛

loin20409 發表於 2019-10-19 14:34
謝謝師兄解答.
有關現成缸, 我認為, 平係因為大量生產, 而訂製的就個人生產, 所以貴D都好正常.
而且魚缸 ...

無研究過AA套缸，唔敢評論。不過講真，咁多年呢我都無咩聽過話用AA缸呢玩鹹水，玩珊瑚就更加絕無僅有；反而用ADA缸，由淡水轉草缸轉入鹹水就唔少。所以如果你話計牌子，我只會數Red Sea套缸，佢真係設計呢畀海水專用，另外就一批仿Red Sea o既大陸套缸。不過無論係Red Sea好，或者其他仿製品好，佢地o既價位都應該唔係你杯茶，不過你不仿參考o下。

除咗特別設計之外，可以留意o既係訂造缸o既用料。魚缸玻璃最起碼有普通玻璃同水晶玻璃兩種你揀，後者o既透光度同硬度都高好多；仲有係玻璃膠，外國貨同國產或者土炮o既耐用度又有唔同。再睇個櫃，訂造係會用實木加木皮或者防火膠板，而大缸更加會用鐵架再包木；咁o既用料就算Red Sea呢啲外國名牌子都做唔到。情況就好似喺宜X同實X買現成傢私，佢地全部都係用複合板加組裝式結構，有無可能用到十年？同你用多幾倍錢去搵人訂造傢私根本係兩回事。

另外樓主好似話想用鋼製貨架去放魚缸，個架應該會夠力，不過你有無諗過生鏽問題？再靚o既鋼水都敵唔過鹹水鏽蝕，請三思。

講真，魚街大多舖頭都只係想啲客不停咁買魚、買器材，同埋換缸，如果啲嘢咁襟用，佢地就會做少好多生意。所以如果你真係想搵個襟用啲o既魚缸，我o既忠告係請你跳出「現成套缸」同「魚街」呢兩個框框，細心比較o下唔同海缸o既用料先。