這條是野生定人工黑背心？如何分？

denniswong1234

如題，thx

小魚毛

denniswong1234 發表於 2020-10-10 12:52
好詳細!! 唔該! 得佢自己一條小丑既話，咁如果養左半年個條係咪雌性？無得分雌雄？已經有石但都無石附近， ...

唔好自己吹喇，不如你睇o下呢篇資料：小丑鱼的性别特征

如果呢篇嘢無錯，12至24個月o既小丑開始成熟出現性徵，一直單獨飼養o既小丑就會直接變成雌性。

小丑要從外表分別雌雄其實唔容易，一個簡單方法，兩條放埋一齊，大啲、惡啲嗰條就係乸。當然，如果兩條都係乸，咁就唔單只配唔成，更加會打死其中一條。

如果有心配對，幾個建議可以參考：
1)買對裝小丑，一定無死；
2)買細條未成熟o既小丑，而且最好兩條以上咁買，就比較大機會自然配對成功；
3)如果係都要幫缸入邊條丑做媒，咁就要小心。細條o既仲比較簡單，買大條過佢就比較容易成功，因為舊魚打唔過新魚；但調返轉條舊魚己經大條變盛女，咁你只可以買細魚入缸，但新魚好大機會打唔過舊魚，除非咁啱呢條新靚合盛女眼緣，否則都係打死收場o既多。又不過，如果你肯花幾個月甚至半年，同佢地玩「禁室培育」，咁再唔合眼緣o既，都有機會培養出感情。

小魚毛

荷蘭橙 發表於 2020-10-10 18:13
小丑出世唔係無性別架咩？

多謝Ching提醒，差啲教錯人！

荷蘭橙

小魚毛 發表於 2020-10-10 12:32
兩條丑一齊喺缸入邊生活而又無打，咁都己經算係配咗一半，不過感情呢家嘢其實好難講， ...

小丑出世唔係無性別架咩？

denniswong1234

小魚毛 發表於 2020-10-10 12:32
兩條丑一齊喺缸入邊生活而又無打，咁都己經算係配咗一半，不過感情呢家嘢其實好難講， ...

好詳細!! 唔該! 得佢自己一條小丑既話，咁如果養左半年個條係咪雌性？無得分雌雄？已經有石但都無石附近，夜晚都係各自係一個角落...去睇下啲花盤仔先

小魚毛

denniswong1234 發表於 2020-10-6 10:27
Update 下個狀況，前日又買多條野生黑背心，今次就貴好多，大家可以睇下個身啲黑既分佈，俾啲意 ...

兩條丑一齊喺缸入邊生活而又無打，咁都己經算係配咗一半，不過感情呢家嘢其實好難講，喺佢地正式行埋之前，仍然會有其他因素會影響呢段關係：

1)小丑應該要大到體形2.5~3寸以上至算係成熟，所以就算同居，都未必夠秤搞出魚命。

2)如果你再加丑落缸，咁就有機會破壞呢段關係。小丑係母係社會，所有小丑出生都係雄性，喺一藪小丑之中，最大嗰條會變成雌性，再揀選合意o既雄性配對，同埋保護整藪小丑。所以佢地唔係一夫一妻式配對，更加唔會山盟海誓、白頭到老。如果條雌死咗，咁另一條大丑就變性成新領導人。
所以樓主呢對暫時可能只係「合眼緣」，要直到其中一條大到變成雌性，佢地至會有機會生兒育女。如果你再放條大丑落缸，咁原來呢對就有可能變成「兩夫共侍一女」。

3)清缸比較難畀小丑組織家庭，有石（有葵或者LPS就更好）等於有遮掩有保護，佢地有安全感亦都可以劃地盤，咁呢段關係自然更穩固。再唔係放隻水杯或者花盤仔落去都得。上到車有地方搞嘢，就唔憂無得生啦。

小魚毛

denniswong1234 發表於 2020-10-6 10:42
咁樣即係16樓所講既上下擺動？代表野生？

denniswong1234

knec0412 發表於 2020-10-9 16:00

有無咩意見分享下？

knec0412

denniswong1234

咁樣即係16樓所講既上下擺動？代表野生？

denniswong1234

Update 下個狀況，前日又買多條野生黑背心，今次就貴好多，大家可以睇下個身啲黑既分佈，俾啲意見 今日已經開口啦!! 之前個條黑背心啲色就無咩點變
開頭夜晚一入缸有打幾下，之後都無打，連食糧都無打，會唔會係代表配到？點為之配到？如果配到係咪會有魚仔？

denniswong1234

小魚毛 發表於 2020-4-24 00:08
14樓所指o既，係野生黑背心會停喺一個位置，然後不停咁上下擺動o既泳姿，呢種泳姿係人工背心無o既。
...

明白，暫時係主缸養左1個月，開左口，但佢一入缸，檸檬批就暴斃

小魚毛

14樓所指o既，係野生黑背心會停喺一個位置，然後不停咁上下擺動o既泳姿，呢種泳姿係人工背心無o既。

另外，其實香港魚舖賣o既野生黑背心，佢個身o既橙色係實色而帶白，偏向蝦肉色，同一般小丑o既橙色偏紅帶透係唔同。你張自己呢條同其他黑背心o既相對比o下就唔難察覺。

亦都聽講過野生黑背心比較難養，因為有機會無故暴斃。唔關魚舖貨源事，純粹睇你自己彩數。

denniswong1234

arfaifai 發表於 2020-4-22 13:54
人工丑游水好單調，差唔多原地游

咁佢又會游來游去既，係好細膽啫

arfaifai

人工丑游水好單調，差唔多原地游

denniswong1234

火柴人 發表於 2020-4-20 15:35
人工會有少少鞋揪

咁我個條有無？

火柴人

人工會有少少鞋揪

denniswong1234

有人知點分？

denniswong1234

may414 發表於 2020-4-16 20:17
野生

點分？

may414

野生