海水領域 SeaFishZone

標題: 飼養神像小小心得 [打印本頁]

作者: 陸判 時間: 2012-1-10 14:31:08 標題: 飼養神像小小心得

海水魚中小弟最喜歡就係神像,但好多師兄都話神像好難飼養
因為小弟飼養/死魚神像真係太多,所以都得出小許心得,希望可以同大家交流分享

1. 首先就係揀魚
其實揀魚就無咩特別,大家都會選一條好態既,但好幾師兄同時會留意條魚有無長劍(因為神像條長劍真係好吸引人)不過小弟反而唔會因為條魚有長劍而選擇,因為條劍會係條魚養定之後生返既
另外揀神像一定要揀一條厚身既,最後小弟會揀一條比較惡既

講住咁多先

2. Q魚
我諗大多數師兄都會Q魚,同時都係用桶來Q魚既
不過小弟既經驗係:用桶Q神像只可以預防新魚把病帶入魚但係條魚就會好驚及唔開口食野因為桶既水量小因而要每日換水,所以多多少少都會嚇到條魚
所以小弟建議用膠箱(其實最好就係Q缸)Q神像,因為水量會比桶多就算要換水都可以好似Q缸咁唔一定換晒D水及嚇到條魚
另外打氣都係Q魚既重要一環,一般師兄都只係會放一粒氣石就算,但是神像就會好驚,所以我會用一個氣木化氮打氣(可以用一個AA既氣木化氮),又唔會揹搞到個桶/箱既周圍水花比老虎咬,條魚又無咁驚
最後就係Q神像最好就係有石係個桶/箱/Q缸

3. 落藥
新魚返來我會先用甲基藍浸十幾分鐘,都唔知夠唔夠
神像同其他魚都一樣,白點都可以落銅,不過要小心份量,第一次最好減半因為未必條條魚都受得銅,我就試過只係落一半份量條神像都頂唔順
另外UFO就比較煩,因為神像唔可以浸太耐淡水,我一般都只會浸唔多過八分鐘,試過一條浸左十幾分鐘就
其他病就等其他大大講啦,因為我都唔係好識

4. 開口馴糧
好多師兄都話神像難開口,但我既經驗係神像開口唔係難買10條有8條都開口食野既
其實神像同其他魚都係一樣,只係比較驚青 ,所以係Q箱/Q缸打氣最好加個氣木化氮令到條魚無咁驚,咁開口既機會又大D,另外最好有一舊石比佢啄下,因為神像未開口都可能會啄下石
新返來頭一兩日盡量唔餵(不過我都係忍唔到會放一兩粒試下)
至於用咩糧引開口,就真係無咩特別,我有6-7款唔同既糧逐款試 ,但係大前提係見到條魚係肚餓想食野(見個肚係凹既)
如果成個星期都唔食粒糧,我會比豐年蝦,毛蝦再試但係有小部分神像會食紫菜唔食其他野
如果條魚真係連豐年蝦,毛蝦都唔食我會用生蝦肉餵,通常都會食,不過之後就比較難轉返食粒粒
但係條魚真係咩都唔食,我都無計啦!到呢個時候我會車佢落缸算數
到條魚開晒口,我一般都唔會再餵生口野只會等條魚食粒粒

5. 落缸
相信一般新魚落缸大家都會先西起三幾日待條魚搶口先放出來
唔知大家有無留意西魚個西呢小弟經驗係,神像比較驚青所以腦一個透明既膠箱西會比較好
另外就係神像最好就係新缸仲未有大魚既時候落缸會比較容易養得長,但係要注意既係神像養定左都幾惡架,要小心佢追打其他魚

最後希望大家都可以養到一條靚神像