海水領域 SeaFishZone

標題: SPS 您會推薦邊間鋪？ [打印本頁]

作者: QTI 時間: 2018-4-18 12:13:01 標題: SPS 您會推薦邊間鋪？

想問問各師兄，買SPS您地會推薦邊幾間鋪頭？

謝謝！

作者: Rock仔 時間: 2018-4-18 14:05:41

大班

作者: Pepperidge 時間: 2018-4-18 15:21:06

Sunshine Marine

作者: alexlau 時間: 2018-4-18 15:23:13

籃幽

作者: Messi_sunshine 時間: 2018-4-18 18:29:24

用咩造標準先。。。

作者: 巧恩 時間: 2018-4-18 19:22:56

東海平的

作者: QTI 時間: 2018-4-21 13:19:04

Messi_sunshine 發表於 2018-4-18 18:29
用咩造標準先。。。

無既定標準，個人希望珊瑚選擇多、漂亮、價錢合理、店鋪老實。

作者: 小魚毛 時間: 2018-4-21 22:53:23

其實都只係得o個幾間，仲要推？

個人認為玩鹹嘢要講夠「專」，專賣器材同專賣生物o既舖頭，一定比兩樣都賣o既舖項更專業。同樣道理，專賣珊瑚o既舖頭，一定會比又魚又珊瑚o既舖頭更熟悉珊瑚。所以邊間舖以賣sps為主，咪推得過囉。

大班係老字號，老闆都可以話係sps專家。
Sunshine Marine只賣珊瑚，所以都有好多選擇。
太平洋返貨都好快，軟硬都有唔少選擇。
東海以魚為主，珊瑚為次，sps只係間中返貨，而且以印尼為主，所以價錢較經濟，啱新手試玩，不過相對可選擇o既貨色就唔夠前面三間多。

作者: QTI 時間: 2018-4-21 23:31:03

多謝師兄賜教！
小弟真係無意特登去推，而是真的孤陋寡聞，連有幾間、邊幾間都唔知，所以希望各經驗老到師傅教下小弟。煩到師兄不好意思！

我由從無養魚或珊瑚經驗，之前未行過魚街，到約七個月（9月1日）前開缸，撞板撞完又撞，到約兩個月前個缸各指數才穩定下來，開始對SPS興趣越來越大，但對店鋪並不熟悉，所以想上來問問。
上述各店，小弟只去過太平洋（缸內SPS主要從此店購買），Sunshine Marine 和東海在本站看過到貨文章但未去過（小弟非住九龍區），其他如大班連聽都未聽過，認真失禮

多謝師兄指點，會繼續去太平洋和找機會去其他二店看看（希望找到大班地址

）。

作者: hmk 時間: 2018-4-22 00:33:46

師兄唔怪得知你話成日撞板！間間你都唔去淨係去過一間唔應該去嘅！大班即係新美人魚

作者: QTI 時間: 2018-4-22 09:41:26

唔係下化。。。所以上來問問是正確的

謝謝師兄，無怪之得上網找左成晚都找唔到大班啦。。。

作者: Rock仔 時間: 2018-4-22 15:50:32

太平洋行過都唔入去啦

作者: 小魚毛 時間: 2018-4-25 21:09:15

本帖最後由小魚毛於 2018-4-25 21:10 編輯

先旨聲明，我無意偏幫任何一間舖。不過我始終相信舖頭愈多，魚友選擇愈多，咁至可以雙嬴。

當然，作為消費者，你絶對有權選擇去邊間舖、唔去邊間舖。

但都要知道，珊瑚同好多比較稀有o既魚一樣，佢地唔會一路留o係舖頭等你去買。佢地貨源不穩，貨價亦十分浮動，好多時一間舖o既貨就真係只此一間，去第二間都唔會搵到（當然你肯等佢三幾個月呢翻貨咁又另計）。所以「唔去邊間」，或者你真係可以表達對佢服務態度卅銷售手法等的不滿，但同時你亦都減少咗自己o既選擇機會。如果啲珊舖開到好似七仔咁，去少一間當然無所謂，但全港計埋以賣sps 為主o既舖頭，五隻手指數晒重有剩，玩杯葛「唔去邊間...」，其實就係雙輸。

所以我始終認為，揀舖頭不如揀貨色，信老闆不如信自己。而家資訊咁發逹，自己做多啲功課容咩易。識上呢問已經係一個好開始，多睇多聽多問，得益o既一定係自己。呢樹o既「商店通告～生物」區，幾乎集齊晒上述各店o既返貨通知，留意住佢有貨返至上去逛，就容意揀到心頭好。

作者: 小魚毛 時間: 2018-4-26 00:26:18

所以推舖頭不如推貨源，搵信得過o既老闆不如搵清楚啲珊瑚資料先。

珊瑚貨源唔多，sps其實就更少，簡單可以來貨地區劃分：
１）印尼：算最近香港，供應穩定，而且水質要求相對其他地區而言算較低，所以價錢較為經濟，較易養，算係新手入門之選，只不多數一般大路貨色，品種、色澤都不及其他地區吸引。當中又有人工培殖同野生之分，人工培殖會較易養，但可選擇的品種也更少。
２）澳洲：應該係印尼之外，最常見有sps供港o既產地，品種多樣化，而且色彩艷麗。但大堡礁水質好，所以澳洲珊瑚對水質要求亦高，加上近年受白化問題困擾，影響供應，所以價格一路上升。比較適合升級玩家。
３）其他地區：記憶中見過o既都係啲供應少、來貨唔穩定o既區域。東南亞有菲律賓、台灣、越南、海南島等，貨色一般，反而日本珊瑚較有質素。另外，菲濟、所羅門群島、帛琉都有過精品供港，不過近年買少見少。

其實每次返貨，舖頭都會標明貨源，玩家一睇就可以大略道咩貨色。

作者: QTI 時間: 2018-4-27 00:43:35

多謝師兄賜教，我同意師兄講法，謝謝室錢入小弟個袋

作者: harryluk 時間: 2018-4-28 21:51:07

大西洋不論D價

同佢今時今日咁既服務態度

正呀

作者: alexlau 時間: 2018-5-3 09:56:12

寧願上岸:唔玩呀:都唔幫襯太平洋。

作者: lcktemp 時間: 2018-5-3 12:20:33

alexlau 發表於 2018-5-3 09:56
寧願上岸:唔玩呀:都唔幫襯太平洋。

CHING有咩不快經歷?

作者: alexlau 時間: 2018-5-3 12:48:18

問多兩句:：：就話:買就買：唔買就算。
寧願唔玩：上岸都唔會幫襯太平洋。

作者: harryluk 時間: 2018-5-3 20:40:48

講出心聲

作者: cyk888 時間: 2018-5-28 13:22:54

alexlau 發表於 2018-5-3 12:48
問多兩句:：：就話:買就買：唔買就算。
寧願唔玩：上岸都唔會幫襯太平洋。

最不知所谓的一個老闆

作者: 小魚毛 時間: 2018-6-2 11:21:45

太記老闆佢o既服務態度啲確幾outdate，不過我買o既只係珊瑚，唔係service。
最重要o既係－－老闆無老點過我。「誠信」我認為對買sps呢類少眾中o既少眾貨品係至關最重要，因為選擇已經少，如果仲要畀人呃，就真係上岸唔玩好過。雖然有啲老闆會真心叫你唔好買呢件貨，狀態唔夠好、色水未夠靚之類......而太平洋絶對唔會畀到呢類服務。但平心而論，認真問佢有關珊瑚o既問題，老闆提供答案o既可信度都唔低，不過前題係，你問o既問題都唔可以太過腦殘，老闆啲確唔係有耐性同你亂吹嗰類人。
所以我只會少啲遊去太平洋，而唔會行人止步。

作者: 小魚毛 時間: 2018-6-2 11:48:06

本帖最後由小魚毛於 2018-6-2 11:50 編輯

QTI 發表於 2018-4-27 00:43
多謝師兄賜教，我同意師兄講法，謝謝室錢入小弟個袋

樓主如果覺得有得著，我又亂吹多兩句。

除咗產地，sps其實都可以生長區域（深卅淺水）簡單咁劃分。
1）淺水區：指生長喺岩礁區淺水處o既珊瑚，呢區陽光充足，水流較大，所生長o既珊瑚都係對光照要求高，水流亦要大。對玩家o既燈俱同造流系統要求亦最高，缸內o既擺放位置亦都以山頂近水面、最多光照、最大流量為佳。
２）深水區：指生長喺岩礁區深水處o既珊瑚，呢區陽光穿透度不及淺水區，水流相對淺水區而言亦較平靜。一般角友會將佢地放缸底或者石底陰影區，如果新手燈俱及造流系統比較陽春的話，可以試玩深水區o既sps，因為假如真係器材未到班，放佢地上缸頂o既淺水區都仲或者有得玩。
３）中層：顧名思義，介乎深水區與淺水區間o既sps，其實有時比較難介定，好多時難以清楚劃分，反而實際上會較多聽到介乎兩者間（i.e.中淺、中深）。總之有個概念就係要知支sps係咩水深生活，呢決定放缸位置。

所以揀品種係玩sps o既另一竅門。初階通常由深水區o既品種入手，瓦片、貓骨、雀巢之類，都係呢類別，入門試玩通常可以由佢地開始，成功後就可以升呢去玩其它o既角；至於士多啤梨、藍莓蛋糕、青蘋果、鷹爪之類，都係淺水區高難度o既品種（仲要係澳洲貨o既多）。入手前記得做好資料搜集，問清楚老闆，落缸後都仲要小心觀察，慢慢試個啱o既位置呢擺放。

作者: harryluk 時間: 2018-6-3 01:31:41

我都知道買珊瑚吾係去酒店要求什麼service 買件野問2句放乜位? 幾錢? 問第3句就比佢X

乜乜七七買就買吾買就算

買珊瑚要比人X先買到 ? 我想開心買珊瑚番家

作者: 火狐 時間: 2018-6-3 11:42:28

小魚毛發表於 2018-6-2 11:21
太記老闆佢o既服務態度啲確幾outdate，不過我買o既只係珊瑚，唔係service。
最重要o既係－－老闆無老 ...

信太平洋不如信自己

服務態度唔講呢，佢Ｄ價嚇死人可能我窮

作者: Alan214 時間: 2018-6-7 15:29:43

太平洋係我唯一，一定唔入的鋪頭

作者: QTI 時間: 2018-9-19 13:16:40

謝謝各位師兄分享。

多謝小魚毛師兄賜教。小弟玩了一年左右，有（暫時）成功，亦有幾件喜愛的珊瑚養了幾個月，以為已穩定下來，但唔知點解突然死了，有點失望。可能如你所說，燈光水流唔適合，真有排學。啲角一開始白化就似乎無得救。。。

作者: Kimutaku 時間: 2018-9-21 17:15:00

大班真係值咁既價錢，你可以舒舒服服慢慢咁逐件睇，入到去都覺得乾淨光猛啲，啲角一落缸就顯色同爆蘇，係佢店看同返屋企放入自己缸看都一樣（有啲店較到支燈好難睇，睇到頭暈眼花，買左返去又唔同色），最重要老闆又好傾好人屎。

作者: QTI 時間: 2018-9-21 20:23:35

同意。

其實小弟對太平洋老闆都無什麼意見，聽完呢處D師兄分享，其實我覺得佢對我都頗有耐性。主要是見佢個D缸內有勁多鬼爪，我怕唔覺意帶埋返屋企多D。我個缸曾經有鬼爪，搞左好耐先清左，依家見到都怕怕。

作者: keanepc 時間: 2018-9-22 10:59:55

c-hing, 大班即係 ?

作者: Lighter 時間: 2018-9-22 15:15:27

keanepc 發表於 2018-9-22 10:59
c-hing, 大班即係 ?

新美人魚

作者: 小魚毛 時間: 2018-9-22 15:39:14

本帖最後由小魚毛於 2018-9-22 15:40 編輯

QTI 發表於 2018-9-21 20:23
同意。

其實小弟對太平洋老闆都無什麼意見，聽完呢處D師兄分享，其實我覺得佢對我都頗有耐性。主要是見佢 ...

有鬼爪可以試o下斑馬蝶，呢招都係大班教o既。

作者: QTI 時間: 2021-4-29 11:56:20

ching, 兩年半後，終於系大班鼠買到斑馬蝶！

作者: 小魚毛 時間: 2021-5-2 11:01:56

QTI 發表於 2021-4-29 11:56
ching, 兩年半後，終於系大班鼠買到斑馬蝶！

斑馬蠂唔一定要去美人搵，好多魚舖都有返，東海甚至返過本地貨，不過一般都唔係成日有貨，一水水咁。
留意斑馬蝶好粗生快大，為食搶口兼粗魯，無咩飼養難度，但就因為快大，所以細缸最好盡量揀細魚，否則一年半載就會變惡爺。

作者: Mensuno 時間: 2021-5-2 22:24:49

alexlau 發表於 2018-5-3 12:48
問多兩句:：：就話:買就買：唔買就算。
寧願唔玩：上岸都唔會幫襯太平洋。

作者: QTI 時間: 2021-5-5 18:02:46

本帖最後由 QTI 於 2021-5-5 18:03 編輯

小魚毛發表於 2021-5-2 11:01
斑馬蠂唔一定要去美人搵，好多魚舖都有返，東海甚至返過本地貨，不過一般都唔係成日有貨，一水水咁。
留 ...

多謝ching分享

其實都無特登揾，因為後來揾到薄荷蝦已經處理曬D鬼爪，不過我唔多行魚街，斑馬蝶都唔系經常周圍都見到，美人碰見咪買條咯。

大班建議同ching一樣 – 整條細既啦。

作者: littlejesus 時間: 2021-5-6 20:55:55

請教,，班馬蝶食珊瑚嗎，軟同硬？

作者: 小魚毛 時間: 2021-5-6 23:45:15

littlejesus 發表於 2021-5-6 20:55
請教,，班馬蝶食珊瑚嗎，軟同硬？

鬼爪係珊瑚缸o既問題，會咬珊瑚仲點會推薦？

我養咁耐軟硬都無見佢咬過，放佢入缸都應該無咩錯。

作者: littlejesus 時間: 2021-5-6 23:46:22

明白，謝謝

歡迎光臨海水領域 SeaFishZone (http://www.seafishzone.com/)