RT開缸問題

idwilson

8號係魚街買左d骨同活石開缸
13號光照表面有啡藻有綠藻
15號見石底無藻，手多反轉D石曬下
點知等左3日都無藻出，點解呢
已經放左兩支硝化菌，12小時光照，造流同化氮

arfaifai

咁細缸仲落石仔底，清缸底吧
咸度計無用，氣木化氮冇需要
活石、掛濾、暖管已經可以
落一條麽魚開缸吧，有魚才能行n cycle的

idwilson

arfaifai 發表於 2020-12-18 03:39
咁細缸仲落石仔底，清缸底吧
咸度計無用，氣木化氮冇需要
活石、掛濾、暖管已經可以

到時會清石底落1~2cm粗沙底，問題係呢幾日無咩變化，只有觀察多幾日。開缸時有條藍魔，我每日比佢3粒小魚糧，無餵兩日，唔知係咪餓死左。
我應該再放魚落去嗎？

pca

idwilson 發表於 2020-12-18 04:16
到時會清石底落1~2cm粗沙底，問題係呢幾日無咩變化，只有觀察多幾日。開缸時有條藍魔，我每日比佢3粒小魚 ...

開缸時間最少行一兩個星期，個人意見都係清缸底好打理D。

idwilson

今日清左d珊瑚骨，打算用個舊濾桶裝珊瑚骨同推水冷，點知濾桶太舊漏水！！而家d珊瑚骨浪費左，想問珊瑚骨做底係咪死緊？

小魚毛

器材配搭呢家嘢，無話死緊，主要都係睇o下玩家點玩法。

珊瑚骨舖缸底，最大問題係容易積垃圾，會快好多就反缸。其實咩缸都有機會反，差別在時間問題：清缸底最穩陣，隨時玩你十年八年；沙底視乎厚薄，一般都幾年貨仔；珊瑚骨最快，兩年唔反算你好彩。當然，仲要睇翻你個缸o既各項環境因素，生物數量、餵食量，決定垃圾生產積聚量，但如果缸底有足夠水流，又可以幫手帶走啲垃圾，延長反缸週期⋯⋯

我硬頸，玩RT堅持落沙底，代價就係每年起石洗沙，如果你唔介意每年清缸起石洗珊瑚骨一次咁樣玩法，咁都無話死緊。不過我洗沙有洗沙器，簡單啲，珊瑚骨就無得咁玩，惟有抽出呢手洗（一定要用鹹水洗！！！），值唔值得咁玩，你自己考慮。

我見你個缸好似有多一層底板，係咪「簡易抽」設計？留意，單憑斜板o既設計，唔足夠帶走啲垃圾，除非你可以「晾」起啲石，喺石底下再造一層水流，咁就可以帶走所有垃圾，否則o既話，就咁斜底加珊瑚骨，唔會係一個穩定同有效o既系統。

以過濾功能呢講，珊瑚骨o既功效其實非常有限，就算畀你成功用到落濾筒，就咁加埋氣木化氮同幾件生物石，呢個缸o既硝化系統都唔會強，相信只可以勉強玩到少量軟嘢。而家咁多RT濾材，你可以再研究o下。

idwilson

小魚毛 發表於 2020-12-19 11:02
器材配搭呢家嘢，無話死緊，主要都係睇o下玩家點玩法。

珊瑚骨舖缸底，最大問題係容易積垃圾，會快 ...

多謝小魚毛咁詳細回答，聽你意見，都係用薄粗沙底算，免得打理時搞到反缸！
我個缸底懸空只係造型，係魚街現成買的，有想過底部做格仔板上放珊瑚骨，
背掛濾抽水直插到底抽底部，但應該唔夠力，唔敢博！！

因為個缸細，開頭打算買幾磅骨加大個養菌量隱定D，但如果效能不大，咁唯有放棄D骨，
咁細個缸(20x20x35)都唔想駁咁多器材。
而家個缸咁情況，上張圖

另外見youtube有個好靚既缸仔，如果玩到咁就真係好成功
https://www.youtube.com/watch?v=p3OrT3K8GOM&t=9s