樓主: Brandonnghk

新手入坑 [複製鏈接]

Brandonnghk

註冊會員

Rank: 2

21^#

發表於 2022-2-13 22:00:22 |只看該作者

小魚毛發表於 2022-2-13 18:40
ching客氣。

養珊瑚o徒錢又難玩，我只係想啲新手洗少啲冤枉錢、行少啲冤枉路，個餅 ...

manythank ching

舉報

小魚毛

論壇元老

Rank: 7 Rank: 7 Rank: 7

22^#

發表於 2022-2-14 13:15:24 |只看該作者

本帖最後由小魚毛於 2022-2-14 13:25 編輯

Brandonnghk 發表於 2022-2-13 21:59
我背濾好似無咩位裝水溫我諗我應該長期冷氣
話時話師兄我早幾日買左個扣同草地
扣好似生得幾好但草地 ...

水冷無可能裝喺缸入邊，你一定要睇o下個缸側邊仲有無空位放部水冷機。除非你個上水泵好夠力可以推埋部水冷，否則你要加多一個泵喺背濾入邊畀部水冷。

加多一部水冷係煩事，空間、電費、熱氣、嘈音⋯⋯等等o既問題都要處理，好多玩家都係過唔到呢關而放棄。長開屋企冷氣的確會乾手淨腳得多，但你要計清楚，「長開」係指廿四小時由四月到十一月咁開法，一年o既電費應該夠你買部水冷有凸，長遠計一定化算過你用冷氣。

珊瑚開唔開有時要睇o下彩數，特別係軟珊瑚，水質以外仲可以有好多原因導致佢唔肯開（角反而比較少呢方面問題），而呢啲原因未必係我地可以控制甚至察覺得到，所以有啲玩家會話佢「心情唔靚」。珊瑚唔開係一種自我保護機制，察覺到環境唔妥，佢唔可以走，就只可以收埋保護自己。件草先開後收，可能係落缸幾日後慢慢至發覺環境唔妥⋯⋯你可以先畀多啲時間佢適應，觀察一兩星期先，期間盡量控制好水質，再無反應就試o下換位（改變光照、水流），都唔得就只有聽天由命。

唔同種類o既珊瑚對水質環境都有唔同要求，你未必可以簡單咁將扣同草做AB比較。草係屬於底層珊瑚，通常放缸底，你可以多啲參考其他缸o既擺放位置，呢個都係恒常要做o既功課之一，盡量先了解每種珊瑚o既特性，之後至入手，可以減少無謂o既犠牲。