新手開缸 no3問題

JK998

基本設備：

18” 背濾缸
蛋分
造流
Zetlight 燈
沙底
活石
濾材：白棉，珊瑚骨，少量活石
水源：水喉水開鹽（check過水喉水no3都有12.5）
∼∼∼∼∼

小弟想玩rt，不過想搞好水質先希望各ching指點下
活石養水已一個月左右，n cycle應該行左（NH3,NH4＞爆＞0，No2爆＞0，No3爆紅，起碼有100ppm,出啡苔＞目前50ppm)。有咩方法可以有效降no3,至少低過20ppm (試過換水，有用sera bio filter medium濾材，好似無咩效果

wsc9175

用RO水開鹽換水.

小魚毛

有生物落缸未？餵食量幾多？
濾材係咪Sera 隻 Siporax環？有幾多升？
NO3由100降到50，用咗幾耐時間？
沙、石係咪二手，落缸前有無處理過或者檢驗過有無污物殘留？
有幾多磅生物石？如果唔肯定，就影張相貼上呢睇睇。

JK998

wsc9175 發表於 2022-4-27 12:58
用RO水開鹽換水.

多謝ching,暫時想試試其他方法先

JK998

有生物落缸未？餵食量幾多？

落左條藍魔同小丑，每日餵1次


濾材係咪Sera 隻 Siporax環？有幾多升？

係Siporax，40L水，用左25g左右

NO3由100降到50，用咗幾耐時間？

用左一星期
沙、石係咪二手，落缸前有無處理過或者檢驗過有無污物殘留？

一手，喺魚街買，無特別處理過

有幾多磅生物石？如果唔肯定，就影張相貼上呢睇睇。


大約2磅

謝謝ching

小魚毛

JK998 發表於 2022-4-27 22:27
有生物落缸未？餵食量幾多？

落左條藍魔同小丑，每日餵1次

開缸一個月，有爆過NO2，即係行過N-cycle，但要留意，NO2歸零唔等於N-cycle完成，因為NO3仲係50，所以可能係N-cycle未行完晒，要再多啲時間；亦都可能係個系統濾材唔夠，養唔夠菌，所以NO3無辦法再降低。

你可以繼續觀察多幾日NO3數據，睇

小魚毛

你可以繼續觀察多幾日NO3數據，睇o下NO3會唔會再跌。

濾材問題：40L水配25g環太少喇，珊瑚骨對RT呢講無咩用，建議換晒做 SERA環，背濾有幾多位就盡量打爆佢。兩磅生物石都太少，加多兩三磅，不過留意放石唔可以阻水流，要確保全缸無死位，唔會積聚垃圾。

餵食問題：有無跟十分鐘餵食時限？唔可以有糧食剩。一日餵一次太多喇，隔日餵一次都唔會餓親啲魚，搞好水質更重要。

如果硝化系統搞得好，缸入邊o既NO3水平應該可以維持到接近新水o既水平，即係你個缸應該keep到喺接近12.5 o既水平，你可以用呢個呢做指標。不過以RT呢講，NO3有12.5都係太高，你只可以養到好少量粗生o既LPS。你應該要諗辦法撳低NO3去到10以下，強化過濾系統：種草、煲豆、狗骨……，或者改善水源：純水、蒸餾水、廁水……都可以係考慮方案，否則對住咁多種珊瑚，你都只會係旦家雞見水－－得個恨字。

JK998

小魚毛 發表於 2022-4-28 23:41
你可以繼續觀察多幾日NO3數據，睇o下NO3會唔會再跌。

濾材問題：40L水配25g環太少喇，珊瑚骨對RT呢講無咩 ...

多謝師兄詳細指導

我有用紅海果隻NO3O4-X,按指示用左幾日，不過睇唔到明顯變化，係咪再等耐d?

目前個缸有啡苔，無出現綠藻；sera環用太多會唔會有問題？可唔可以同時用珊瑚骨+sera環

小魚毛

JK998 發表於 2022-4-30 14:28
多謝師兄詳細指導

我有用紅海果隻NO3O4-X,按指示用左幾日，不過睇唔到明顯變化，係咪再等耐d?

紅海呢隻水我未用過，你試觀察足一個星期先。不過降NO3我推薦AZ0(藍樽嗰隻，白樽嗰隻無用），但唔係好多舖頭有賣，你要 搵o下。又不過呢啲添加劑再有效都好，都只可用呢止咳，一停用就會再爆，長遠用太奢侈，最重要仍然係搞好個過濾系統，提升硝化效能。

珊瑚骨養菌量太少，連FOT都唔會用，RT就更加唔洗講！擺喺個過濾倉盞嘥位，唔好花時間同佢糾纏喇。RT惟一可用o既環就只有Siporax呢隻玻璃環，其他環都無辦法處理到NO3問題，所以多用無問題。我知佢唔平，但你花錢喺無用o既器材上，其實係更大o既浪費，RT器材就係咁，只可以一步到位，寧願遲少少儲夠錢再買，都唔好左試右試咁嘥錢嘥時間。

另一個選擇係用狗骨代替珊瑚骨，佢可以係唔洗煲o既豆，用網袋放落背濾倉就得，不過要定期更換，唔似得環咁一勞永逸。

JK998

小魚毛 發表於 2022-4-30 15:37
紅海呢隻水我未用過，你試觀察足一個星期先。不過降NO3我推薦AZ0(藍樽嗰隻，白樽嗰隻無用）， ...

唔該曬師兄

想問問np豆機降no3效果明顯嗎?會唔會有累積細菌消耗氧氣既問題？定係直頭用ro機最實際

小魚毛

JK998 發表於 2022-4-30 23:39
唔該曬師兄

想問問np豆機降no3效果明顯嗎?會唔會有累積細菌消耗氧氣既問題？定係直頭用ro機最實際

豆一定要用樽煲，效果係有，不過牌子好多，效果會有上落，你最好做多少少功課。

至於話：累積細菌消耗氧氣既問題，我就未聽過，惟一聽過可能會有o既副作用係話會影響皮革生長，但我自己用落又覺問題唔大。

豆同RO機兩種設備喺用法同目的上有唔同，唔應該簡單咁二揀一。
豆係過濾系統一部份，而RO就係處理水源；過濾系統唔掂，齋靠純水，咁你就可能要不停咁換水；水源唔掂，齋靠過濾系統，因為水喉水本身NO3都有10 ，所以個缸o既NO3都無可能低過10 。

提升過濾系統功能同處理水源，係兩個各自都要面對o既問題，實際係兩個都須要解決，但方法唔一定係豆或者RO機，你都可以考慮其他方法。

JK998

小魚毛 發表於 2022-5-1 23:40
豆一定要用樽煲，效果係有，不過牌子好多，效果會有上落，你最好做多少少功課。

至於話：累積細菌消耗 ...

唔該曬ching,我考慮下先