新手想養細缸海魚(背濾)

小魚毛

我寧願樓主你問要買咩設備或者要預幾多筆直，都好過咩都唔理就咁要一間舖名。
愈無知o愈唔做功課o既客就愈好劏，愈方便就腳、愈多嘢賣（又鹹又淡又魚又蟲）就愈唔專業愈鐘意老點亂吹。

60cm已經唔係小型缸，舖頭啲套餐都只係逐件器材執畀你再逐件同你計，加埋打個拆，隨時都仲貴過你自己去逐間逐件咁買--好多好多。

建議樓主：
1)唔好諗住一次過買齊所有嘢 （一間舖頭更加唔洗講！），太多設備要搵，唔貨比三家跟本無可能買到又平又好o既嘢；
2)唔好信舖頭Sales，佢地只會sale舖頭啲貨，舖頭無o既貨佢就會話唔啱你用；你肯做下功課，隨時Pro過佢地；
3)唔好兩手Fing Fing就咁落FS，一係就有朋友養開帶路，一係就自己寫好張清單至去魚街畀錢；
4)唔好只係頭耷耷望住地下，魚街樓上舖或者外圍週邊都有唔少又專又唔貴o既舖頭值得去；留意呢樹個「商店通告」就會知佢地啲地址位置。