魚街有邊檔有得買鹹水

小魚毛

一向只知道海水世界有呢隻：

老牌子來佬貨，過百蚊桶（4.4 Gallon）。

樓主講發達有15L/$30就唔算貴，不過所謂「天然海水」根本無標準，求期喺海邊打桶水上呢都可以係，所以最好睇清楚來源地先，

小魚毛

sb1106 發表於 2022-3-8 23:01
就係溝過搞唔掂
依家用返佢原本d水就好地地想買定d黎換水用

要買水至養到？唔怪之得叫「發達」咯！

樓主用咩鹽開水？有無用鹽度計度清楚比重（1.022~1.026)？落缸有無做足對溫、對水呢啲程序？

養開o既都一定唔會用翻舖頭o既水，舖頭個缸日日咁多生物來來去去，都唔知會有幾多菌卅寄生蟲喺度，自家o既水一定好過舖頭缸水，否則連水都要幫親佢，不如上岸算！！

你肯深究水源係好事，不過都要搞清楚你養咩先，同埋要睇o下消費卅操作方式係咪合適合理：
＊蒸餾水——最好係呢種，不過都最貴，而且咁買水運水法都好麻煩，你估你肯唔肯個個禮拜咁樣買水呢換？養珊瑚就要用到咁高質o既水，不過珊瑚友都唔會咁樣做運水工人，佢地會買純水機，駁屋企水喉呢用，效果就等同用蒸餾水。
＊煲過既水——最無用係呢種，煲水只可以殺菌，只啱人飲用，但水入邊o既污染物（NH, NO2, NO3, PO4.......）根本無清除到。對海洋生物呢講，煲同唔煲根本無分別，甚至可以話，沖廁水o既水質都仲好過佢！
＊擺幾日既水喉水——其實最多人用就係水喉水，擺幾日係為咗消除水中o既氯氣，不過玩家一般都怕麻煩，佢地會買除氯劑加入水中即用，再慳啲就用氣泵打氣等一晚，除氯之餘更可以增加啲水o既含氧量，一舉兩得。

只係養魚o既話，水喉水＋專用海鹽已經好夠；養珊瑚就要考慮用純水機或者廁水過濾。如果間舖頭同你講一定要幫親佢至養得到，咁就搵過第二間啦。