FOT用豆豆...對魚的健康有冇影響?

swtam

純個人經驗分享，未必啱哂；各師兄請賜教。
我個60”FOT都有加豆樽，仲加埋兩個沙樽。
雖然好多人都話FOT不用太埋會NO3, 但自己常覺得加豆樽可以減NO3又有什麼問題；純鬥氣之下，最後加左豆樽。..... 起初分量小無乜大問題，不過NO3無乜大分別，但有兩次補加豆之後，大約兩星期左右就發覺開始有魚死，第二次仲差悟多反缸㖭。我唔100%sure關D豆事, 但到現在搵唔到其他原因。除非是因為有沙樽。. . ..
點解我咁講，因為我另外有個RT, 又因為鬥氣，唔明點解RT唔可以加生物鐶或沙樽，只可以加豆樽，所以加咗沙樽玩下（ 無加豆樽）。結果無死魚，珊瑚亦ok，但每星期換3分1水，80L 水只養兩條1.5寸小丑, NO3仍然有25左右; 幾個月後取消沙樽，無換水，無豆樽大約2-3星期，NO3是~0；
上網睇人話沙樽是最勁NO3工廠。(亦即係NO2,NH4....最好分解工具)
我自己主觀總結，在FOT,可能因為有生物鐶或沙樽等NO3生產工具，如果加豆樽，可能太快或太多NO3, 豆豆減NO3未必適合。而在RT, 因一般無生物鐶等快速NO3生產工具，豆豆可能才合適。
請各師兄賜教。