海水領域 SeaFishZone

標題: 新手買魚 [打印本頁]

作者: wawamcw4 時間: 2023-3-29 16:14:00 標題: 新手買魚

想問下各位有冇試過經淘寶買魚/ 珊瑚 ?
因工作關係, 公司有中港車, 博一博試下買魚 (其實以前都有買過淡水魚經驗,都係淘)
大陸倉係東莞, 所以搵左最近的魚商 (今次經閑魚平台買)
搵左間係佛山發出
22/3 晚SF出貨, 23/3早上簽收, 24/4早上到港到手到步2條魚精神, 即用水坐住佢地, 等放工, 拎反屋企
一條大3.5CM, 一條細3CM 人工雪印 (有得揀魚, 有片比你睇)

後記: 暫時來說今日29/3 2條新毛仔好快識應左, 同舊魚都冇打交, 做到朋友
原缸有1條毛仔+檸檬魚
現在3條毛仔會一齊訓教, 檸檬自己呢埋一邊訓
覺得人工養定左的好好, 佢識食野, 唔洗操心, 開心

因為我原先有2條毛仔係魚街買, 98/條, 買魚時已經問舖頭識唔識食, 佢話識

開頭問第一間. 好似4,50蚊, 問佢D 毛仔識唔識食糧, 唔知佢係咪見我咁問, 咁就好HEA答我( 睇你D 水)
我個下都R 頭?? WHAT ? 睇我D 水?

咁我就走左去第2間

第2間98蚊. 都係問毛仔識唔識食糧, 佢話識, 係到養左排的, OK, 雖然98蚊, 都好啦, 新手嗎,
佢識食野就OK 啦. 但呀哥仔再3講呢條係咸水魚, 我話我知咸水....(我心諗是唔是我問呢D問題太ON6, 攪到佢地都好擔心??)
咁我都唔想嫁, 我都要知佢識唔識食
後尾仲係佢到買埋糧, 佢話係珊瑚糧魚都可以食, 但之後我反去睇其實好似, 魚都係食魚糧好D, 不過算啦,鬼叫自己X .

個樽糧都190蚊

但反到屋企, 2條魚, 唔開口, 說好的食糧呢??? 後尾其中一條, 可能本身身體唔好,認真望佢, 身有達白色野, 大約一個星期多D 就88左 ....

剩反個條, 都係唔肯口開, 比凍豐年蝦, 都唔食, 買新鮮蝦, 又唔食
後尾又上網睇好多, 點樣教佢開口呀, 個D 文章
有個人話, 比D 識食糧的魚落去, 引導佢食,
因為條毛已經有成10來日冇食, 越來越瘦, 就快變魚片

咁冇計啦又去搵魚,搵識食糧的魚, 結果去左元朗, 去到又問下老闆啦, 話屋企個條唔食野, 有冇得攪,
老闆話, 都係唯有等佢開口,因為確實有D 毛仔魚死都唔食, 餓死 , 同埋老闆岩岩反左毛仔魚,
但佢都話新反貨, 都未必食糧, 所以我冇再買, 因為我需要係海缸獲得D 支持, 成功感先
咁我又同佢講左我上網睇咁咁咁, 佢話都係唯有試下啦, 同埋我都係新缸, 想有D 野游下, 佢都好好冇水我
介紹左條檸檬比我, 好抵廿蚊雞,仲即場表演食糧比我睇, 咁緊係OK 仔, 仲係佢到買其他野啦, 新手好難唔買野去折騰自己

後尾大約, 養埋一齊3,4日左右 , 條毛仔食糧啦, 食啦, 食啦, 老母我真係好感動

, 見佢食野柯屎, 我就開心了

結果呢個引導計劃係成功的

新手跳海第一次發文, 希望路上有個伴可以分享一下, 我感覺香港個魚圈比較細?小? 唔多人分享,
事關我POST 左某群, 上FBOOK 問我條魚, 請教一下, 結果換來的是,D 冷言冷語
OK明的, 每人成功背後一定有好多經歷. 都係靠自己累積回來, 唯有都係睇下大陸魚圈
感覺大陸人都係多D, 搵文章都係多D, 同埋D 人肯講多D 方法

圖片附件: 4.jpg (2023-3-29 15:31:07, 109.18 KB) / 下載次數 221
http://www.seafishzone.com/forum.php?mod=attachment&aid=MjE2NzU0fDM0ZTUxNTQ0fDE3NjY0ODcyNjV8MHww

圖片附件: 3.jpg (2023-3-29 15:30:58, 233.56 KB) / 下載次數 221
http://www.seafishzone.com/forum.php?mod=attachment&aid=MjE2NzUzfGZjMWE3MmRkfDE3NjY0ODcyNjV8MHww

圖片附件: 2.jpg (2023-3-29 15:30:19, 120.95 KB) / 下載次數 223
http://www.seafishzone.com/forum.php?mod=attachment&aid=MjE2NzUyfDNmMGU2Mjk5fDE3NjY0ODcyNjV8MHww

圖片附件: 2.jpg (2023-3-29 15:24:07, 120.95 KB) / 下載次數 223
http://www.seafishzone.com/forum.php?mod=attachment&aid=MjE2NzUxfDBhZjUzZjQzfDE3NjY0ODcyNjV8MHww

作者: wawamcw4 時間: 2023-3-29 16:23:41

舊毛, 唔知佢叫唔叫野生魚, 佢個起落架比人工的大塊
檸檬魚> 關燈之後會出斑馬紋, 最近先開心大發現, 但開燈之後就會消失, 好有趣

圖片附件: 10.jpg (2023-3-29 16:20:38, 76.08 KB) / 下載次數 202
http://www.seafishzone.com/forum.php?mod=attachment&aid=MjE2NzYxfDZiNTQ3YzA0fDE3NjY0ODcyNjV8MHww

圖片附件: 9.jpg (2023-3-29 16:20:29, 214.46 KB) / 下載次數 230
http://www.seafishzone.com/forum.php?mod=attachment&aid=MjE2NzYwfDcyNmQxYzQ5fDE3NjY0ODcyNjV8MHww

作者: jh320 時間: 2023-3-29 16:59:12

魚鋪冇點你，養咸水魚，首先要養好缸水。
缸水好，九成魚會開口養到。
買魚就要靠經驗啦。

作者: wawamcw4 時間: 2023-3-29 17:09:13

jh320 發表於 2023-3-29 16:59
魚鋪冇點你，養咸水魚，首先要養好缸水。
缸水好，九成魚會開口養到。
買魚就要靠經驗啦。

係魚舖其實都好難只細睇(魚細可能大魚會好D) 同埋都冇得揀, 佢撈邊條就邊條 (除了加錢啦)

作者: Kekw3310 時間: 2023-3-29 20:35:42

以前真係好旺...

作者: 小魚毛 時間: 2023-4-7 14:23:07

好難想像樓主會認為上網睇片買魚好過親身去舖頭落手揀。

呢個應該唔係新手定老手買魚o既問題，而係新生代習慣網購同老餅習慣親身去買嘢o既代溝問題。

首先我唔信單靠一條片就可以睇到條魚o既狀態，除咗外形、泳姿、活潑等狀況外，魚身厚簿、魚旗魚身有無崩花斑點、會唔會啄玻璃搵食、同其他魚甚至係人o既互動⋯⋯呢啲都係睇片好難睇到。

至於話舖頭畀唔畀你揀魚，其實應該只係個別舖頭o既問題。揀咗魚之後畀你喺兜仔再三確認，呢個應該係所有魚舖客人o既基本權利，你未畀錢都絕對有權say no ；如果連揀都唔畀，咁就去過第二間啦，成條魚街咁多魚舖（呢個就係魚街存在o既價值）。個別舖頭或者一啲貴價啲o既魚，客人仲有權要求試餵；我更加試過有魚舖叫我唔好親幫襯佢買嗰批魚住，話批魚啱啱返，仲未養定⋯⋯呢啲都係屬於魚舖服務o既一部份，但都要成本代價，問題只係魚友覺得值唔值。魚街好多魚舖o既做生意手法啲確好多陋習，老點劏客根本係慣例，佢地買少見少一定程度都可以係話咎由自取，但唔通網購就唔會有呢啲問題？如果無晒魚舖，全部轉晒網購，咁肯定係魚友o既損失。

作者: 小魚毛 時間: 2023-4-7 14:25:03

樓主網購o既成功經驗，我敢肯定一半係因為你買咗條人工魚，人工繁殖o既魚己經適應人工環境&飼料，要佢開口根本無難。

至於你嗰條所謂檸檬，其實係魔魚（雀鯛科），非常粗生（所以咁平），要養死佢都有一定難度；不過都要小心，魔魚養耐咗就會變惡爺，之後再加新魚都會畀佢打餐死，你要有定心理準備。

作者: 小魚毛 時間: 2023-4-7 14:25:54

樓主個缸好似仲有火柴珊瑚&串串草，咁呢個就唔係純魚缸（FOT）咁簡單，而係珊瑚缸（RT）或者混養缸，你要有水冷、照明、高效過濾系統⋯⋯如果無或者唔打算買，咁就建議你唔好再放咩軟體生物落去，就咁養魚就算。

海洋生命係極之脆弱，雖然一條魚o既價值始終有限，但要養好佢o既難度不下於貓狗，要搵養魚o既資訊，建議你唔好只係喺Facebook問人，然後被動咁等人覆。好似呢個網站就好多置頂o既好料，值得你慢慢研究，再唔係用關鍵字喺Google search 下。

作者: wawamcw4 時間: 2023-4-13 09:36:49

小魚毛發表於 2023-4-7 14:25
樓主網購o既成功經驗，我敢肯定一半係因為你買咗條人工魚，人工繁殖o既魚己經適應人工環境&飼料，要佢 ...

是的, 我買個2條係人工魚來, 新手的我覺得人工魚都幾好
暫時條檸檬都未變惡爺

作者: wawamcw4 時間: 2023-4-13 09:39:04

小魚毛發表於 2023-4-7 14:25
樓主個缸好似仲有火柴珊瑚&串串草，咁呢個就唔係純魚缸（FOT）咁簡單，而係珊瑚缸（RT）或者混養缸，你要有 ...

水冷已經買左
暫時還可以, 珊瑚未死, 不過如果都死哂, 就會只養魚了

作者: wawamcw4 時間: 2023-4-13 09:48:16

小魚毛發表於 2023-4-7 14:23
好難想像樓主會認為上網睇片買魚好過親身去舖頭落手揀。

呢個應該唔係新手定老手買魚o既問題，而係新生代 ...

認同有實體舖頭是好, 所以我都會去舖頭到買
不過魚街D真係好.....麻麻
可能我一副水魚樣, 佢都費事招呼我

所以嘗試網購, 話需如此,我又唔覺新唔新代的事,
商家進貨都是可能睇下相, 佢地都唔會飛去當地睇魚再入貨
只是做客戶有多個權利去舖簡商家的魚

作者: wawamcw4 時間: 2023-4-13 10:13:44

本帖最後由 wawamcw4 於 2023-4-13 10:14 編輯

買左個家比他們

圖片附件: 2.jpg (2023-4-13 10:13:34, 85.79 KB) / 下載次數 223
http://www.seafishzone.com/forum.php?mod=attachment&aid=MjE3MTkwfGY3Mzg0ZjBifDE3NjY0ODcyNjV8MHww

圖片附件: 1.jpg (2023-4-13 10:13:29, 85.35 KB) / 下載次數 225
http://www.seafishzone.com/forum.php?mod=attachment&aid=MjE3MTg5fGIyZTM3NGQwfDE3NjY0ODcyNjV8MHww

作者: wawamcw4 時間: 2023-4-13 10:16:25

本帖最後由 wawamcw4 於 2023-4-13 10:17 編輯

整天在爭位

4 (2).jpg

圖片附件: 4 (2).jpg (2023-4-13 10:16:14, 251.63 KB) / 下載次數 228
http://www.seafishzone.com/forum.php?mod=attachment&aid=MjE3MTkyfGE2YTZlYzJmfDE3NjY0ODcyNjV8MHww

圖片附件: 4 (1).jpg (2023-4-13 10:16:08, 249.41 KB) / 下載次數 205
http://www.seafishzone.com/forum.php?mod=attachment&aid=MjE3MTkxfDc1M2JjMjU0fDE3NjY0ODcyNjV8MHww

歡迎光臨海水領域 SeaFishZone (http://www.seafishzone.com/)